អាមេរិក​បញ្ជូន​យន្តហោះ​ស៊ើបការណ៍​និង​ល្បាត​ដែនសមុទ្រ​ទៅ​សិង្ហបុរី

កាល​ពីថ្ងៃ​ចន្ទ សហរដ្ឋ​អាមេរិក​បាន​ដាក់​ពង្រាយ​យន្តហោះ​ស៊ើបការណ៍​និង​ល្បាត​ដែន​សមុទ្រ​មួយគ្រឿង ឲ្យ​ទៅ​នៅ​ប្រចាំការ​នៅ​ក្នុង​ប្រទេស​សិង្ហបុរី។ នេះ​បើ​យោងតាម​សេចក្តី​ប្រកាស​របស់​ក្រសួង​ការពារជាតិ​អាមេរិក និង​សិង្ហបុរី។ ការ​ដាក់​ពង្រាយ​យន្តហោះ​ជំនាញ​ខាង​ដែន​សមុទ្រ​នេះ គឺ​ធ្វើឡើង នៅ​ក្នុង​ពេល​ដែល​អាមេរិក​កំពុង​ប្រឈមមុខ​ជាមួយ​នឹង​ចិន នៅ​ក្នុង​ជម្លោះ​សមុទ្រ​ចិន​ខាង​ត្បូង។