ស្ពាន​ជប៉ុន​ដ៏​ចម្លែក​នេះ កោង​ចុះ​ឡើង និង​ចោត​ជាង​ស្ពាន​ធម្មតា!

តើស្ពានកោង បត់បែន និងចោតខ្លាំងដូចស្ពានខាងក្រោមនេះ ធ្វើឡើងក្នុងគោលបំណងអ្វី?
ស្ពាន​ជប៉ុន​ដ៏​ចម្លែក​នេះ កោង​ចុះ​ឡើង និង​ចោត​ជាង​ស្ពាន​ធម្មតា!
ស្ពាន «» ដែលមានលក្ខណៈកោង បត់បែន និងចោទខ្លាំងជាងស្ពានធម្មតា។ (រូបថតផ្តិតពីវីដេអូ)

បើគេនិយាយពីបណ្ដាស្ពាន ដែលល្បីជាងគេ នៅក្នុងពិភពលោក គេច្បាស់ជានិយាយភ្លាម ថាពិតជាស្ពាន​នៅ​រាជធានីឡុងដ៍ «Tower Bridge» ប្រទេសអង់គ្លេស ឬស្ពានយោង «Golden Gate» នៅក្រុង​សាន់​ហ្វ្រាន់ស៊ីស្កូ ប្រទេសអាមេរិក​ជាមិនខាន។ តែ​មិនមែនទេ! ស្ពានដែលអស្ចារ្យជាងគេ ហើយធ្វើឲ្​យអ្នកឆ្លង​កាត់​ម្ដងៗ ស្ថិត​ក្នុង​សភាពចង់ក្អួត ចង់វិលមុខស្មានមិនត្រូវនោះ គឺជាស្ពានមួយខ្សែ ក្នុងក្រុង«Sakaiminato» របស់ប្រទេស​ជប៉ុន។

ស្ពានមួយខ្សែរ ដែលមានឈ្មោះ «Eshima Ohashi» មានសភាពចោទខ្លាំង ហើយអ្នកដែលបានជិះ នៅឆ្លង​ស្ពាន​នេះ មានអារម្មណ៍ ដូចបានជិះលើទោង«ផ្ដាច់ព្រលឹង»មួយ នៅក្នុងឧទ្យានកំសាន្ដយ៉ាងដូច្នេះ។ វាជា​ស្ពាន សម្រាប់​អ្នកថ្មើរជើង ដែលធំជាងគេទីបី ក្នុងពិភពលោក និងធំជាងគេទីមួយ នៅក្នុងប្រទេសជប៉ុន។ ប្រវែង​សរុប​ពីចុងម្ខាងទៅចុងម្ខាង មានប្រវែង១.៦គីឡូម៉ែត្រ និងមានកំពស់៤៤ម៉ែត្រ។ ជំរាល​នៅសង​ខាង​ស្ពាន មាន​​ប្រមាណ​ជា ៥​​​,១% និង៦,១%។

ស្ពាន​ជប៉ុន​ដ៏​ចម្លែក​នេះ កោង​ចុះ​ឡើង និង​ចោត​ជាង​ស្ពាន​ធម្មតា!

គេឆ្ងល់ថា ហេតុអ្វីបានសង់ស្ពានកោង និងបត់បែនរបៀបនេះ? មិនពិបាកយល់ទេ នោះគឺដើម្បីសម្រួល​ដល់​ការឆ្លងកាត់ របស់នាវាសមុទ្រធំៗ ចូលមកកាន់បឹងទឹកប្រៃ «Nakaumi»។ គេចាំបាច់ត្រូវសាងសង់ ស្ពាន​ដែល​មានលក្ខណៈកោង បត់បែនខ្លួន និងចោទជាងធម្មតាបែបនេះ ដើម្បីអនុញ្ញាតឲ្យគម្លាតស្ពានពីចុងម្ខាង ទៅ​ចុង​ម្ខាងមានប្រវែងវែង ហើយធ្វើឲ្យស្ពានមានកំពស់ខ្ពស់។ ស្ពាន «Eshima Ohashi» ភ្ជាប់ក្រុង «Matsue» មក​កាន់​ក្រុង «Sakaiminato» ដែលស្ថិតនៅលើកោះ «Honshu» ភាគខាងលិច នៃប្រទេសជប៉ុន៕

ស្ពាន​ជប៉ុន​ដ៏​ចម្លែក​នេះ កោង​ចុះ​ឡើង និង​ចោត​ជាង​ស្ពាន​ធម្មតា!


»​ វីដេអូពីស្ពាននេះ៖