ចលនា​ហាត់ប្រាណ ៦ យ៉ាង ជួយ​រក្សា​រាង​

លំ​ហាត់ប្រាណ​មាន​ច្រើន​វិធី និង​ចលនា​ទៅតាម​ចំណង់​ចំណូ​ច​ចិត្ត និង​ឥរិយាបថ​ចូលចិត្ត​ហាត់របស់ មនុស្ស​មួយចំនួន ។ ប៉ុន្តែ​បើ​អ្នក​ចង់​រក្សា​រាង​អោយបាន​សមសួន​ទាំង​រូបរាង ជើង និង ​ដៃ​នោះ អ្នក​គួរ​សាកល្បងហាត់​តាម​ចលនា​ទាំង ៦ យ៉ាងដូច​ខាងក្រោម​៖

​ចំណាំ អ្នក​ត្រូវ​ហាត់​នូវ​ចលនា​និ​មួយៗ​អោយបាន ៧​នាទី​ដោយ​កុំ​ហាត់​បង្ខំ​ខ្លាំងពេក តែ​ប្រសិនបើ​អ្នកមាន​អារម្មណ៍​ថា មិនសូវ​តានតឹង​ខ្លាំង និង​ មាន​ភាពងាយស្រួល​នោះ អ្នក​អាច​បន្ថែម​រយៈពេល​ចំនួន ៧​ នាទី​ទៀត ទៅលើ​ចលនា​និ​មួយៗ​ក៏បាន ។

១-​ចលនា​ពីងពាង
​នេះ​ជា​ចលនា​មួយ​ដោយ​អ្នក​ហាត់​ត្រូវ​រុញ​ទប់​លំនឹង​ខ្លួន​អោយ​ហើប​ពី​ដី​ចុះឡើងៗ និង​ លើកជើង​ម្ខាង​បត់ ជង្គង់ រួច​ពន្លា​ទៅមុខ​ទៅក្រោយ​នៅពេល​បន្ទាបខ្លួន​ចុះឡើងៗ​ ។ អនុវត្ត​ចលនា​នេះ​អោយបាន ៧​ ដង​ ។​

ចលនា​ហាត់ប្រាណ ៦ យ៉ាង ជួយ​រក្សា​រាង​

២-​ចលនា​ដង្កូវនាង
​យកដៃ​ទាំងពីរ​បោះ​ទៅមុខ ហើយ​ជើង​ដាក់​ផ្អឹប​ទន្ទឹមគ្នា ។ ត្រូវធ្វើ​ចលនា​ដើរទៅ​មុខ ដោយ​ត្រូវ​ធ្វើយ៉ាងណា​ឱ្យ​ចង្កេះ​និង​គូទ​របស់​អ្នក​កោង​ទៅលើ និង​ ពន្លា​ចុះ​មកវិញ​នៅពេល​ដើរ​ចុះ​ដើរ​ឡើង គឺ​ដូច​ចលនា​ដង្កូវ​ដូច្នោះ​ដែរ ។​

ចលនា​ហាត់ប្រាណ ៦ យ៉ាង ជួយ​រក្សា​រាង​

៣-​លោត​ទប់​ជង្គង់
​ចាប់ផ្តើម​ហាត់​ដោយ​អង្គុយ​ចុះ​រួច​ងើបឡើង​បន្តិច មុននឹង​ហក់​ឡើង​ទៅលើ​ដោយ​យកដៃ​ទៅ​ទប់ លំនឹង ជង្គង់ អោយ​ប៉ះ​នឹង​ដើមទ្រូង​ពេល​ហក់​ខ្ពស់​ទៅលើ​។

ចលនា​ហាត់ប្រាណ ៦ យ៉ាង ជួយ​រក្សា​រាង​

៤-​ផ្តេកខ្លួន​ទៅក្រោយ
​អង្គុយ​លើ​កម្រាល​ឥដ្ឋ ឫ​កន្ទេល អែន​ខ្ន្​ង​ទៅក្រោយ​បន្តិច ចុងជើង​ទាំងពីរ​ច​ង្អុ​រ​ឡើងលើ រួច​អែនខ្នង​ទៅក្រោយ​តែ​ត្រូវ​រក្សា​ក្បាល​មិនអោយ​ប៉ះ​ឥដ្ឋ ងើប​មកវិញ រួច​អែន​ទៅមុខ ។ ត្រូវ​រក្សា​ដៃ​មិនអោយ​ប៉ះ​នឹង​ឥដ្ឋ​។

ចលនា​ហាត់ប្រាណ ៦ យ៉ាង ជួយ​រក្សា​រាង​

៥-​ផ្តេក​ចំកោង​ខ្នង​
​ផ្តេកខ្លួន​លើ​កម្រាល បោះដៃ​ទាំងពីរ​ផុត​ទៅលើ​រួច​លើកជើង​ទៅលើ​ចំកោងខ្លួន​យកដៃ​ចាប់​កាន់​ចុងជើង រួចពន្លា​ចុះមក​ក្រោម​វិញ​សំកាំងដៃ​សង​ខាងលើ​ឥដ្ឋ និង​ បន្ទាប​ជើង​ចុះក្រោម ​។​

ចលនា​ហាត់ប្រាណ ៦ យ៉ាង ជួយ​រក្សា​រាង​

៦-​ចលនា​លោត​ជា​អក្សរ X
​ចលនា​នេះ​អ្នក​ត្រូវ​អង្គុយ​ចោងហោង​ហើប​ពី​ដី ដៃ​ចាប់​កាន់​ក្តោប​រួច​លោត​ឡើងលើ ពេល​បន្ទាបចុះមក​ក្រោម​វិញ​ត្រូវ​យកដៃ​ច្រត់​ចង្កេះ រួច​បោះ​ជើង​ម្ខាង​ទៅមុខ និង​ ម្ខាង​ទៅក្រោយ ។ ហាត់​លោត ចុះឡើងៗ​អោយបាន​ច្រើនដង ៕ សុផល​

ចលនា​ហាត់ប្រាណ ៦ យ៉ាង ជួយ​រក្សា​រាង​