ភេរវកម្ម​​នៅ​ប៉ារីស បន្សល់​ទុក​នូវ​ផលវិបាក​​​សេដ្ឋកិច្ចធ្ងន់ធ្ងរ​និង​យូរ​​ខែ

ក្រុមហ៊ុន​អាកាសចរណ៍​ជប៉ុន បាន​ប្រកាស​នៅ​ថ្ងៃអង្គារ​ទី​១៥ ធ្នូ​នេះ ផ្អាក​ជើង​ហោះហើរ ប៉ារីស-តូក្យូណារីតា មួយ​រយៈ ដោយ​ហេតុតែ​ក្រោយ​​​ការវាយប្រហារ​ភេរវកម្ម​អត្តឃាត​​ជីហាតនៅ​ប៉ារីស ​ការ​ដឹកជញ្ជូន​អ្នក​ដំណើរ​បាន​ធ្លាក់​ចុះ​​ខ្លាំងពេក។ ចំណែក​នៅ​ប៉ារីស ចំនួន​អ្នក​ទេសចរ និង​ការ​ធ្វើ​ដំណើរ​តាម​យន្តហោះ បាន​ថយ​ចុះ​គួរ​ឱ្យ​ព្រួយបារម្ភ។ សេដ្ឋកិច្ច​បារាំង ពិសេស​វិស័យ​ត្រដរ​រស់​យ៉ាង​លំបាក​លំបិន​បំផុត។