ចិន​កោះហៅ​ទូត​អាមេរិក​មក​តវ៉ា​រឿង​លក់​អាវុធ​ឲ្យ​តៃវ៉ាន់

រដ្ឋាភិបាល​ចិន​បាន​ឲ្យដឹង​នៅថ្ងៃ​ព្រហស្បតិ៍​នេះ​ថា​ខ្លួន​បាន​កោះហៅ​មន្រ្តី​ទូត​អាមេរិក​ប្រចាំ​ទីក្រុង​ប៉េកាំង​​​មក​ជួប ដើម្បី​ធ្វើការ​តវ៉ា​ជាផ្លូវការ ចំពោះ​សេចក្តីសម្រេច​លក់​អាវុធ​ទៅ​ឲ្យ​តៃវ៉ាន់។ ចិន​បាន​ទាមទារ​ឲ្យ​អាមេរិក​លុបចោល​វិញ​នូវ​កិច្ចសន្យា​លក់​គ្រឿងសព្វាវុធ​នេះ ដោយ​បាន​ព្រមាន​ថា នឹង​ដាក់​ទណ្ឌកម្ម​ដល់​ក្រុមហ៊ុន​ណា​ដែល​ពាក់ព័ន្ធ​នឹង​កិច្ចសន្យា​នេះ។