ឆាក្តៅទាកាប៉ា

ឆា​ក្តៅទាកាប៉ា​ គ្រាន់តែ​​លឺឈ្មោះក៏​​ដឹង​ថា​​​មុខ​ម្ហូប​នេះ​​មាន​អ្នក​​ចូល​ចិត្ត​​ញុំា​​ច្រើន​ដែរ​​ ហើយ​គេ​​ចូល​ចិត្ត​​ធ្វើ​នៅ​ក្នុង​កម្មវិធី​​ជួបជុំ​មិត្តភ័ក្តិ, ​បងប្អូន, ​ពិសេស​ពេល​សម្រាក​លំហែកាយ។ ​សម្រាប់វិធីធ្វើ, ​ថ្ងៃនេះ ​មង្គលការ ​សូម​ធ្វើការ​បង្ហាញ​ជូន​​ដូច​ខាង​ក្រោមៈ​  

 

ឆាក្តៅទាកាប៉ា

+ គ្រឿងផ្សំ៖

- ទាកាប៉ា  កន្លះ​គីឡូ កាប់ជាដុំៗ

- ស្លឹកម្រះព្រៅ ១ ចាន

- ម្ទេស ដាក់តាមការ​ចូលចិត្ត​ហាន់បញ្ឆិតៗ

- សណ្តែកដីលីង ៣០០ ក្រាម (បុកកុំឲ្យ​ម៉ត់ពេក)

- គល់ស្លឹកគ្រៃហាន់ កន្លះចានចង្កឹះ

- ខ្ទឹមសចិញ្ច្រាំ ២ ស្លាបព្រាបាយ

- ទឹកត្រី ២ ស្លាបព្រាបាយ

- ប៊ីចេង ១ ស្លាបព្រាកាហ្វេ

- ស្ករស ១-២ ស្លាបព្រាបាយ

- អំបិល ១​ ស្លាបព្រាកាហ្វេ

- ប្រេងឆា ៣-៥ ស្លាបព្រាបាយ

- ប្រេងខ្យង ១ ស្លាបព្រាបាយ

+ វិធីធ្វើ៖

១. មុនដំបូងដាក់ប្រេងឆាចូលក្នុងខ្ទះទុក​ឲ្យក្តៅ បន្ទាប់មកដាក់ខ្ទឹមសចូល, ​​ឆាឲ្យមាន​​ខ្លិន​​ឈ្ងុយ​ចាំដាក់​សាច់​ទា​ឆា​ឲ្យឆ្អិនបន្តិច​ ​ទើប​ចាប់ផ្តើម​ដាក់​គ្រឿងចូល។

២. គ្រឿងផ្សំមានៈ ប៊ីចេង, អំបិល,ទឹកត្រី, ប្រេងខ្យង, គល់ស្លឹកគ្រៃ និងស្ករស ​រួចហើយ​ឆាច្របល់​​ចូល​គ្នា​​ម្តងសិន។

៣. បន្ទាប់ពី​មក​ទៀត​ដាក់ ម្ទេស និងសណ្តែកដីលីងឆា ២-៣ ត្រឡប់​ ​ដាក់​ស្លឹកម្រះព្រៅ​ចូលឆា​មួយត្រឡប់​ទៀត​ជាការស្រេច៕

 

ដោយ៖ Brugn

 

    * សូមជូនដំណឹង! ចំពោះបណ្តោវិបសាយថ៍ផ្សេងៗដែលយក និងចង់បាន​អត្ថបទពី គេហទំព័រមង្គលការ យើងខ្ញុំ​សូមទំនាក់ទំនងមកកាន់ ការិកាល័យនិពន្ធ +855 093 211 131 ។

    * សម្រាប់ការ​ប្រឹក្សាដោយឥតគិតថ្លៃលើ​បញ្ហាដូចជា ផ្លូវភេទ ផ្លូវចិត្ត និង​ជំងឺផ្សេងៗ សូមទំនាក់​ទំនង​តាមរយៈ​ទូរស័ព្ទ +855 17 489 402 ។ សូមអរគុណ...!

    • ឆាក្តៅទាកាប៉ា