យេម៉ែន៖ភាគីជម្លោះ​ព្រមព្រៀង​បង្កើត​គណៈកម្មការ​ត្រួតពិនិត្យ​បទឈប់បាញ់

នៅ​ក្នុង​ប្រទេស​យេម៉ែន ភាគី​ជម្លោះ​ផ្ទៃក្នុង​ដែល​កំពុង​ជួប​ចរចា​គ្នា​ក្នុង​ទីក្រុង​ហ្សឺណែវ ប្រទេស​ស្វីស​បាន​ព្រមព្រៀង​បង្កើត​ឲ្យ​មាន​គណៈកម្មការ​មួយ​ដើម្បី​ត្រួតពិនិត្យ​បទឈប់​បាញ់។ ការ​បង្កើត​ឲ្យ​មាន​គណៈកម្មការ​មួយ​នេះ​បាន​ធ្វើ​ឡើង បន្ទាប់​ពី​មាន​ការ​ផ្ទុះ​អាវុធ​ដាក់​គ្នា​មួយ​ប៉្រាវ​នា​ថ្ងៃ​សុក្រ ទី១៧ ធ្នូ។ គួរ​ជម្រាប​ជូន​ថា អង្គការ​សហប្រជាជាតិ​ជា​អ្នក​រៀបចំ​ឲ្យ​មាន​កិច្ចចរចា​សន្តិភាព​រវាង​ភាគី​ជម្លោះ​យេម៉ែន​ក្នុង​ប្រទេស​ស្វីស​ពេល​នេះ។