ស្ពានអាកាស និងផ្លូវក្រោមដីតិចណូ នឹងសម្ពោធ ដាក់ឲ្យប្រើប្រាស់ ជាផ្លូវការ នៅថ្ងៃទី៥មករា

ភ្នំពេញ៖ បើមិនមានការប្រែប្រួលទេនោះ នៅព្រឹកថ្ងៃទី៥ ខែមករា ឆ្នាំ២០១៦ខាងមុខ សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងសម្តេចកិត្តិបណ្ឌិត ប៊ុន រ៉ានី ហ៊ុន សែន នឹងអញ្ជើញជាអធិបតីដ៏ខ្ពង់ខ្ពស់ ក្នុងពិធីសម្ពោធដាក់ប្រើប្រាស់ជាផ្លូវការ ស្ពានអាកាស និងផ្លូវក្រោមដីតិចណូ តែម្តង។

នៅម៉ោង១០ព្រឹក ថ្ងៃទី២១ធ្នូនេះ លោកស្រី ម៉ក់ វណ្ណស៊ីថា អភិបាលរងរាជធានីភ្នំពេញ និងមន្ត្រីជំនាញក្រោមឱវាទ ចុះពិនិត្យសំណង់ការដ្ឋាន ស្ពានអាកាស និងផ្លូវក្រោមដីតិចណូ ដើម្បីត្រៀមរៀបចំធ្វើ ពិធីសម្ពោធជាផ្លូវការ ។

មន្ត្រីសាលារាជធានីភ្នំពេញ បានឲ្យដឹងថា ការស្ថាបនាស្ពានអាកាស និងផ្លូវក្រោមដីតិចណូ រហូតមកដល់ពេលនេះ បានរួចរាល់ហើយ នឹងត្រូវសម្ពោធដាក់ប្រើប្រាស់ជាផ្លូវការ នៅព្រឹកថ្ងៃទី៥ ខែមករា ២០១៦ឆាប់ៗនេះ ។គម្រោងសាងសង់ ស្ពានអាកាស និងផ្លូវក្រោមដីតិចណូនេះ មានស្ពានអាកាសមេ​ ប្រវែង៣៨២ម៉ែត្រ ទទឹង១៥,៨ម៉ែត្រ ផ្លូវក្រោមដីមានប្រវែង ៣៥៦ម៉ែត្រ ទទឹងពី៦ទៅ៨ម៉ែត្រ ផ្លូវអមស្ពានប្រវែង សរុប៨២៥ម៉ែត្រទទឹង៥,៥ម៉ែត្រស្ថិតនៅ ប្រសព្វមហាវិថីសហព័ន្ធរុស្ស៊ី មហាវិថីគីមអ៊ីលស៊ុង និងមហាវិថីម៉ៅសេទុង ប្រសព្វគ្នាត្រង់ភ្លើងស្តុបតិចណូ ។

ស្ពានអាកាសតិចណូ ត្រូវបានរាជរដ្ឋាភិបាល បើកការដ្ឋានសាងសង់កាលពីថ្ងៃទី៩ ខែកញ្ញា ឆ្នាំ២០១៤ ស្ថិតក្រោមអធិបតីភាពសម្តេចតេជោ ហ៊ុន សែន ហើយនេះគឺជាស្ពានអាកាសទី៤ បន្ទាប់ពីស្ពានអាកាសក្បាលថ្នល់ ស្ទឹងមានជ័យ និងស្ពានអាកាស៧មករា ដែលសាងសង់ដោយក្រុមហ៊ុន វិនិយោគទុនអាណិកជនកម្ពុជា (OCIC) ត្រួតពិនិត្យបច្ចេកទេស ដោយមន្ទីរសាធារណការ និងដឹកជញ្ជូនរាជធានីភ្នំពេញ មានរយៈពេល១៦ខែ ដែលត្រូវចំណាយថវិកាសាងសង់ ១៤.៥០២.៤៧៦ដុល្លារ បានមកពីគម្រោងវិនិយោគនានា របស់ក្រុមហ៊ុន OCIC ៕

ស្ពានអាកាស និងផ្លូវក្រោមដីតិចណូ នឹងសម្ពោធ ដាក់ឲ្យប្រើប្រាស់ ជាផ្លូវការ នៅថ្ងៃទី៥មករា
ស្ពានអាកាស និងផ្លូវក្រោមដីតិចណូ នឹងសម្ពោធ ដាក់ឲ្យប្រើប្រាស់ ជាផ្លូវការ នៅថ្ងៃទី៥មករា
ស្ពានអាកាស និងផ្លូវក្រោមដីតិចណូ នឹងសម្ពោធ ដាក់ឲ្យប្រើប្រាស់ ជាផ្លូវការ នៅថ្ងៃទី៥មករា
ស្ពានអាកាស និងផ្លូវក្រោមដីតិចណូ នឹងសម្ពោធ ដាក់ឲ្យប្រើប្រាស់ ជាផ្លូវការ នៅថ្ងៃទី៥មករា
ស្ពានអាកាស និងផ្លូវក្រោមដីតិចណូ នឹងសម្ពោធ ដាក់ឲ្យប្រើប្រាស់ ជាផ្លូវការ នៅថ្ងៃទី៥មករា

ផ្តល់សិទ្ធដោយ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត