អំពើ​ចោរកម្ម​ដ៏​សាហាវ​កំពុង​គំរាម​សុវត្ថិភាព​ពលរដ្ឋ​ខ្មែរ

រយៈពេល​ប៉ុន្មាន​សប្តាហ៍​ចុង​ក្រោយ​នៃ​ខែ​ធ្នូ​នេះ អំពើ​ប្លន់​សម្លាប់ បាន​កើត​មាន​ឡើង យ៉ាង​កក្រើក ទាំង​នៅ​រាជធានី និង​នៅ​តាម​បណ្តា​ខេត្ត។ អំពើ​ចោរកម្ម​ដែល​គេ​គិត​ថា​មាន​ខ្សែ​បណ្តាញ​នេះ​ បាន​គំរាម​ដល់​សុវត្ថិភាព​ពលរដ្ឋ​និង​បាន​ធ្វើ​អោយ​លោក នាយក​រដ្ឋ​មន្ត្រី​ហ៊ុន សែន បញ្ជា​អោយ​ស្ថាប័ន​ពាក់​ព័ន្ធ និង​អាជ្ញាធរ​គ្រប់​មូលដ្ឋាន បង្កើន​ប្រតិបត្តិការ​បង្រ្កាប និង​វែក​មុខ​ជន​ពាក់ព័ន្ធ។ ក្រសួង​មហាផ្ទៃ​ និង​ក្រសួង​យុត្តិធម៌ កំពុង​ដុត​ដៃ​ដុត​ជើង ដើម្បី​រក្សា​សុខ​សុវត្ថិភាព​ជូន​ពលរដ្ឋ​ឡើង​វិញ។