ស្ថានភាព នៅតំបន់ សេដ្ឋកិច្ចពិសេស មេនហាតធេន និងតាយសេង មានភាពស្ងប់ស្ងាត់ ឡើងវិញ

ក្រុងបាវិត៖ រហូតមកដល់ម៉ោង ២រសៀលថ្ងៃអង្គារ ទី២២ ខែធ្នូ ឆ្នាំ២០១៥នេះ ស្ថានភាពតវ៉ារបស់កម្មករ តំបន់សេដ្ឋកិច្ចមេនហាតធេន និងតាយសេង នៅក្រុងបាវិត ត្រឡប់មកសភាពស្ងប់ស្ងាត់វិញហើយ ដោយក្រុមកម្មករ បានវិលត្រឡប់ទៅផ្ទះរៀងៗខ្លួន។

យោងតាមការឲ្យដឹង ពីមន្រ្តីប៉ូលិស ដែលធ្វើការសម្របសម្រួល ក្នុងសកម្មភាពតវ៉ានេះថា ភាគីតំណាងរោងចក្រ បានអនុញ្ញាតឲ្យក្រុមអ្នកតវ៉ា វិលត្រឡប់ទៅផ្ទះវិញ ហើយក្រុមសមត្ថកិច្ច ក៏បានចូលសម្រាក់ហើយដែរ មិនមានការយាមកាមកុះករដូចមុនទៀតទេ។

ប្រភពដដែលបានបន្ដទៀតថា គេនៅមិនទាន់ដឹងថា នៅព្រឹកស្អែកនេះ នឹងមានកូដកម្ម ឬក៏កម្មករវិលត្រឡប់ចូលធ្វើការ ដូចធម្មតាវិញនោះទេ ប៉ុន្ដែខាងសមត្ថិកិច្ចក៏បានអំពាវនាវ ដល់តំណាងរោងចក្រ សហជីព ក៏ដូចជាសាលាខេត្ត ដើម្បីជួយដោះស្រាយ កុំឲ្យមានការផ្ទុះការតវ៉ាជាបន្ដទៀត។

គួរបញ្ជាក់ផងដែរថា នៅរសៀលថ្ងៃនេះ ក៏មានកិច្ចប្រជុំរវាងភាគីពាក់ព័ន្ធ ដូចជាតំណាងរោងចក្រ សហជីព សាលាខេត្ត និងលោក សយ សុភាព ដើម្បីរកដំណោះស្រាយ ឈានដល់ការបញ្ចប់សកម្មភាពតវ៉ា របស់កម្មកររោងចក្រ៕

ស្ថានភាព នៅតំបន់ សេដ្ឋកិច្ចពិសេស មេនហាតធេន និងតាយសេង មានភាពស្ងប់ស្ងាត់ ឡើងវិញ

ស្ថានភាព នៅតំបន់ សេដ្ឋកិច្ចពិសេស មេនហាតធេន និងតាយសេង មានភាពស្ងប់ស្ងាត់ ឡើងវិញ

ស្ថានភាព នៅតំបន់ សេដ្ឋកិច្ចពិសេស មេនហាតធេន និងតាយសេង មានភាពស្ងប់ស្ងាត់ ឡើងវិញ