រដ្ឋសភា​កម្ពុជា​នៅ​តែ​ចាត់​ទុក​លោក សម រង្ស៊ី ថា​សម​នឹង​ទទួល​បាន​គ្រឿង​ឥស្សរិយយស

«ជា​ការ​ឆ្លើយ​តប​ទៅ​នឹង​គុណ​បំណាច់​ដ៏​ឧត្តុង្គ​ឧត្តម​ដែល​សមាជិក សមាជិកា​រដ្ឋសភា បាន​បំពេញ​ការងារ​ជូន​ជាតិ និង​ប្រជាពលរដ្ឋ» រដ្ឋសភា​កម្ពុជា​នឹង​ផ្តល់​គ្រឿង​ឥស្សរិយយស​លើក​ទី​១ ជូន​តំណាង​រាស្ត្រ​ទាំង​អស់​នា​រសៀល​ស្អែក។ លោក សម រង្ស៊ី ប្រធាន​គណបក្ស​សង្រ្គោះ​ជាតិ ដែល​ត្រូវ​បាន​រដ្ឋសភា​បញ្ចប់​សមាជិក​ភាព ហើយ​ត្រូវ​បាន​តុលាការ​កម្ពុជា​បង្គាប់​ឱ្យ​ចូល​ខ្លួន​ទទួល​ទោស​ព្រហ្មទណ្ឌ ក៏​មាន​ឈ្មោះ​សម្រាប់​ទទួល​កិត្តិយស​នោះ​ដែរ។