រដ្ឋាភិបាល​ខ្មែរ សង្ឃឹម​​ចិន​ឲ្យ​ប្រាក់​ខ្ចី​ទៀត ដើម្បី​ចែក​ចាយ​អគ្គិសនី​ដែល​ផលិត​បាន

ប្រមុខ​រដ្ឋាភិបាល​កម្ពុជា លោក​នាយក​រដ្ឋមន្ត្រីហ៊ុន សែន សង្ឃឹម​ថា រដ្ឋាភិបាល​ចិន នឹង​បន្ត​ឲ្យ​ប្រាក់​កម្ពុជា​ខ្ចី​ទៀត ដើម្បី​អាច​មាន​លទ្ធភាព​ត​បណ្តាញ​អគ្គិសនី ដែល​ផលិត​បាន យក​ទៅ​ចែក​ចាយ​តាម​បណ្តាភូមិ ឃុំ នៅ​ទូទាំង​ប្រទេស។ នេះ​ជា​ការ​លើក​ឡើង ក្នុង​ឱកាស​ដែល​លោក​បាន​ចូលរួម​ ក្នុង​ពិធី​សម្ពោធ​ឲ្យ​ប្រើប្រាស់​ជា​ផ្លូវ​ការ នូវ​ទំនប់​វារី​អគ្គិសនី​ស្ទឹង​តាតៃ ក្នុង​ខេត្ត​កោះកុង។ ទំនប់​វារី​អគ្គិសនី​ស្ទឹង​តាតៃ ​ដែល​អាច​ផលិត​ថាមពល​អគ្គិសនី​បាន​ ២៤៦​មេហ្កាវ៉ាត់។