ជប៉ុន​ថា​ចិន​បញ្ជូន​នាវា​ប្រដាប់អាវុធ​ចូលក្នុង​តំបន់​ប្រជុំកោះ​ជាប់ជម្លោះ

ឆ្មាំ​សមុទ្រ​របស់​ជប៉ុន​បាន​អះអាង​នៅថ្ងៃ​ពុធ​នេះ​ថា នាវាល្បាត​មួយគ្រឿង​របស់​ចិន ​ដែល​មាន​បំពាក់​ទៅដោយ​គ្រឿងសព្វាវុធ​ផង បាន​ចូល​ទៅ​ក្នុង​ដែន​ទឹក ក្នុង​តំបន់​ប្រជុំកោះ​សេនកាគូ ដែល​កំពុង​ជាប់ជម្លោះ។ ចិនវិញ​បាន​ឆ្លើយតបមកវិញ​ថា នាវាល្បាត​ដែន​សមុទ្រ​នេះ​ស្ថិត​នៅ​ក្នុង​ដែនទឹក​របស់ចិន ហើយ​មិនបាន​ធ្វើ​ខុស​ពី​ច្បាប់​អន្តរជាតិ​នោះទេ។