អាមេរិក​ប្រាប់​​ពលរដ្ឋ​ខ្លួន​នៅ​ក្រុង​ប៉េកាំង ​ឲ្យ​ប្រុង​ប្រយ័ត្ន​ក្រែង​មាន​ភេរវកម្ម​ក្នុង​ពេល​បុណ្យ​ណូអែល

ស្ថានទូត​សហរដ្ឋ​អាមេរិក ​ប្រចាំ​នៅ​រដ្ឋធានី​ប៉េកាំង​ប្រទេស​ចិន​ ទើប​បាន​ចេញ​សេចក្តី​ប្រកាស​ព័ត៌មាន​មួយ​ នៅ​ថ្ងៃ​ព្រហស្បតិ៍​នេះ ​ប្រាប់​ឲ្យ​ជនជាតិ​អាមេរិក ​ដែល​កំពុងតែ​ស្នាក់នៅ​ ក្នុង​ទីក្រុង​នេះ​ទាំងអស់​ ឲ្យ​មាន​ការ​ប្រុង​ប្រយ័ត្ន ​ចំពោះ​ហេតុការណ៍​ភេរវកម្ម ​ដែល​អាច​នឹង​កើត​មាន​ឡើង ​នៅ​ក្នុង​ពេល​បុណ្យ​ណូអែល ​ឬ​គ្រិស្តស្មាក់ ​និង​បុណ្យ​ចូលឆ្នាំ​សកល​ថ្មី​នេះ។ នេះ​ជា​ការ​ប្រកាស ​ឲ្យ​ធ្វើ​ការ​ប្រុង​ប្រយ័ត្ន​ ដ៏​កម្រ​មួយ​ ​ ដែល​ធ្វើឡើង​នៅ​ក្រុង​ប៉េកាំង​ ព្រោះថា​ជា​ធម្មតា​ នរណា​ក៏​ទទួល​ស្គាល់​ដែរ​ថា ​ រដ្ឋាភិបាល​ចិន​មាន​នយោបាយ​ការពារ​សន្តិសុខ​ យ៉ាង​តឹងតែង​ជា​ទី​បំផុត។