រដ្ឋាភិបាល​​កែ​​សម្រួល​​សមាសភាព​​ថ្មី​​នៃ​​គណៈកម្មការ​​បោះ​​បង្គោល​​ព្រំដែន​​គោក​​កម្ពុជា-វៀតណាម

រដ្ឋាភិបាល​កម្ពុជា​បាន​កែ​សម្រួល​សមាសភាព​ថ្មី​នៃ គណៈកម្មការ​ចម្រុះ​ខណ្ឌសីមា និង​បោះបង្គោល​ព្រំដែន​គោក​កម្ពុជា-វៀតណាម ដែល​មាន​សមាសភាព​ចំនួន​៣៣​រូប។  ក្នុង​នោះ​លោក​ វ៉ា គឹម​ហុង ដែល​ជា​ប្រធាន​គណៈកម្មការ​ព្រំដែន​កម្ពុជា​ធ្វើ​ជា​ប្រធាន លោក ឡុង វីសាលោ រដ្ឋលេខា​ធិការ​ក្រសួង​ការ​បរទេស និង​លោក នាង ផាត រដ្ឋ​លេខាធិការ​ក្រសួង​ការ​ពារ​ជាតិ ជា​អនុ​ប្រធាន។ ក្រៅ​ពី​នេះ អភិបាល​ខេត្ត​ទាំង​៩​ដែល​ជាប់​នឹង​ព្រំដែន​ជា​មួយ​វៀតណាម មេ​បញ្ជាការភូមិ​ភាគ និងមន្រ្តី​រដ្ឋាភិបាល​ជា​ច្រើន​រូប​ទៀត​ជា​សមាជិក។