ប៉ាគីស្ថាន៖ស្លាប់ ២១នាក់​នៅ​ក្នុង​អំពើ​ភេរវកម្ម​អត្តឃាត​បង្ក​ដោយ​ពួក​តាលីបង់

  នៅ​ក្នុង​ប្រទេស​ប៉ាគីស្ថាន មាន​មនុស្ស​ស្លាប់​យ៉ាង​តិច ២១នាក់ និង​របួស​ជា​ច្រើន​នាក់​ផ្សេង​ទៀត​នៅ​ក្នុង​អំពើ​ភេរវកម្ម​អត្តឃាត​បង្ក​ឡើង​ដោយ​ពួក​ឧទ្ទាម​តាលីបង់​នា​រសៀល​ថ្ងៃ​អង្គារ ទី២៩ ធ្នូ។ ព្រឹត្តិការណ៍​នេះ​បាន​កើត​មាន​ឡើង​នៅ​ប៉ែក​ពាយព្យ​ប្រទេស​ដោយ​ពួក​ឧទ្ទាម​ម្នាក់​ដែល​បំពាក់​ជាតិ​ផ្ទុះ​ជាប់​ខ្លួន​បាន​បើក​ម៉ូតូ​សំដៅ​ចូល​ការិយាល័យ​រដ្ឋាភិបាល​ដែល​កំពុង​មាន​វត្តមាន​បុគ្គលិក​ជា​ច្រើន​នាក់។ ក្រោយ​ឧប្បត្តិហេតុ​នោះ​ភ្លាម សាខា​របស់​ចលនា​ឧទ្ទាម​តាលីបង់​បាន​ចេញ​មុខ​ប្រកាស​ទទួល​ស្គាល់​ជា​ស្នាដៃ​របស់​ខ្លួន។