ឆ្នាំថ្មី៖ បក្ស​ប្រឆាំង​អំពាវនាវ​ឱ្យ​មាន​យុត្តិធម៌ និង​បញ្ចប់​ជម្លោះ​នយោបាយ

នៅ​ថ្ងៃ​ព្រហស្បតិ៍ ទី​៣១ ធ្នូ​នេះ មេដឹកនាំ​នយោបាយ​ខ្មែរ បាន​បញ្ចេញ​សារ​ជូន​ពរ​រៀង​ៗ​ខ្លួន​ដល់​ប្រជា​ពលរដ្ឋ​ទូទាំង​ប្រទេស​សម្រាប់​ឆ្នាំ​ថ្មី​២០១៦។ នៅ​ក្នុង​នោះ​មាន​លោក​នាយក​រដ្ឋ​មន្ត្រី​ហ៊ុន សែន ប្រធាន​គណបក្ស​ប្រជាជន​កម្ពុជា លោក សម រង្ស៊ី និង​លោក កឹម សុខា ប្រធាន និង​អនុប្រធាន​គណបក្ស​សង្គ្រោះជាតិ។ មេដឹកនាំ​បក្ស​ប្រជាជន​មិន​បាន​យក​សារ​នយោបាយ​អ្វី​ធំ​ដុំ​នោះ​ទេ ប៉ុន្តែ​គណបក្ស​សង្គ្រោះ​ជាតិ​អំពាវនាវ​ឱ្យ​មាន​យុត្តិធម៌ និង​បញ្ចប់​ជម្លោះ​នយោបាយ។