នាយឧត្តមសេនីយ៍ ម៉ឹង សំផន បើកការដ្ឋាន ស្ថាបនាផ្លូវលំជនបទ នៅស្រុកចន្ទ្រា

ស្វាយរៀង៖ នាយឧត្តមសេនីយ៍ ម៉ឹង សំផន រដ្ឋលេខាធិការ ក្រសួងការពារជាតិ និងជាប្រធានក្រុមការងារចុះជួយមូលដ្ឋានស្រុកចន្ទ្រា និងក្រុងបាវិត រួមនឹងអភិបាលខេត្តស្វាយរៀង លោក ជៀង  អំ  នៅព្រឹកថ្ងៃទី១ ខែមករា ដើមឆ្នាំ២០១៦ នេះ បានអញ្ជើញបើកការដ្ឋាន ស្ថាបនាផ្លូវលំជនបទ ប្រវែង២៧គីឡូម៉ែត្រ ស្ថិតនៅស្រុកចន្ទ្រា ខេត្តព្រៃវែង។

លោក គង់ ភឿន ប្រធាននាយកដ្ឋានផ្លូវលំជនបទ នៃក្រសួងអភិវឌ្ឍន៍ជនបទ បានឱ្យដឹងថា ផ្លូវដែលត្រូវស្ថាបនា  នាពេលនេះមានប្រវែង២៧គីឡូម៉ែត្រ ធ្វើអំពីកៅស៊ូ ការស្ថាបនាជាលក្ខណ:ពហុឆ្នាំ សម្រាប់ជំហានទី១ក្នុងឆ្នាំ២០១៦នេះ គឺធ្វើប្រវែង៧គីឡូម៉ែត្រ និងបន្តធ្វើនៅឆ្នាំបន្តបន្ទាប់ទៀត។

អភិបាលខេត្តស្វាយរៀង លោក ជៀង អំ បានមានប្រសាសន៍ថា នេះជាប្រវត្តិសាស្រ្ត ហើយដែលតំបន់នេះ មានផ្លូវកៅស៊ូ  និងផ្លូវល្អប្រើប្រាស់។  លោកបញ្ជាក់ថា នៅពេលមានផ្លូវល្អ វាបានផ្តល់អត្ថប្រយោជន៍ច្រើនដល់ប្រជាពលរដ្ឋ ក្នុងការធ្វើចរាចរណ៍ ការផ្លាស់ប្តូរទំនិញ និងការដឹកផលិតផល កសិកម្មទៅកាន់ទីផ្សារជាដើម។

នាយឧត្តមេនីយ៍ ម៉ឹង សំផន រដ្ឋលេខាធិការក្រសួងការពារជាតិ អនុប្រធានក្រុមការងារថ្នាក់ជាតិចុះជួយមូលដ្ឋានខេត្តស្វាយរៀង និងជាប្រធានក្រុមការងារ ថ្នាក់ជាតិចុះជួយមូលដ្ឋានស្រុកចន្ទ្រា និងក្រុងបាវិត បានមានប្រសាសន៍ដែរថា ជានិច្ចការសម្តេចតជោ ហ៊ុន សែន ប្រមុខនៃរាជរដ្ឋភិបាលកម្ពុជា តែងតែគិតគូពីសុខទុកប្រជាពលរដ្ឋ ធ្វើយ៉ាងណាឱ្យប្រជាពលរដ្ឋរស់នៅបានស្រួល។

នាយឧត្មសេនីយ៍ ម៉ឹង សំផន បានបញ្ជាក់ទៀតថា សម្តេចធ្លាប់លើកឡើងថា មានផ្លូវគឺមានក្តីសង្ឃឹម តមរយ:ផ្លូវ១ខ្សែ ដែលជាអំណោយរបស់សម្តេចនូវពេលនេះ ពិតជាបានរួមចំណែកកាត់បន្ថយភាពក្រីក្ររបស់ប្រជាពលរដ្ឋ។ ការតភ្ជាប់ផ្លូវលំជនបទនេះ ពិតជាមានសារ: សំខាន់ណាស់ ដែលធ្វើឱ្យម្លាតជនបទ និងទីប្រជុំជនកាន់តែខិតជិតគ្នា ផ្លូវគឺជាសរសៃឈាមសេដ្ឋកិច្ច ក្នុងការចរាចរផ្លាស់ប្តូរទំនិញនៅតាមព្រំដែន រវាងប្រជាជន និងប្រជាជន និងសារសំខាន់មួយចំនួនទៀត។

សូមបញ្ជាក់ដែរថា ក្រោយពីបញ្ចប់កម្មវិធី នាយឧត្តមសេនីយ៍ ម៉ឹង សំផន ក៏បានពាំនាំអំណោយមនុស្សធម៌ សំភារៈ និងថវិកាមួយចំនួនរបស់សម្តេចតេចជោ ហ៊ុនសែន និងសម្តេចកិត្តព្រឹទ្ធបណ្ឌិតផ្តល់ជូនប្រជាពលរដ្ឋក្នុងស្រុកចន្ទ្រាលផងដែរ៕

នាយឧត្តមសេនីយ៍ ម៉ឹង សំផន បើកការដ្ឋាន ស្ថាបនាផ្លូវលំជនបទ នៅស្រុកចន្ទ្រា

នាយឧត្តមសេនីយ៍ ម៉ឹង សំផន បើកការដ្ឋាន ស្ថាបនាផ្លូវលំជនបទ នៅស្រុកចន្ទ្រា

នាយឧត្តមសេនីយ៍ ម៉ឹង សំផន បើកការដ្ឋាន ស្ថាបនាផ្លូវលំជនបទ នៅស្រុកចន្ទ្រា

នាយឧត្តមសេនីយ៍ ម៉ឹង សំផន បើកការដ្ឋាន ស្ថាបនាផ្លូវលំជនបទ នៅស្រុកចន្ទ្រា

នាយឧត្តមសេនីយ៍ ម៉ឹង សំផន បើកការដ្ឋាន ស្ថាបនាផ្លូវលំជនបទ នៅស្រុកចន្ទ្រា

នាយឧត្តមសេនីយ៍ ម៉ឹង សំផន បើកការដ្ឋាន ស្ថាបនាផ្លូវលំជនបទ នៅស្រុកចន្ទ្រា

នាយឧត្តមសេនីយ៍ ម៉ឹង សំផន បើកការដ្ឋាន ស្ថាបនាផ្លូវលំជនបទ នៅស្រុកចន្ទ្រា