អាណោចអាធមណាស់! ហេតុតែវក់ចុចទូរសព្ទខ្លាំងពេក ស្ត្រីម្នាក់ អត់បានមើលផ្លូវ ធ្លាក់ទឹកស្លាប់ (មានវីដេអូ)

ចិន៖ ស្ត្រីជនជាតិចិន អាយុ២៨ឆ្នាំម្នាក់ បានលង់ទឹកស្លាប់ ដោយសារតែភ្លាត់ជើង រអិលធ្លាក់ចូលទៅក្នុងទឹកទន្លេ ព្រោះតែវក់នឹងការចុចទូរសព្ទដៃខ្លាំងពេក។

វីដេអូកាមេរ៉ាសុវត្ថិភាព​នៅក្នុងទីក្រុង Wenzhou ខេត្ត Zhejiang ត្រូវបានប្រភពព័ត៌មាន CCTVNews បង្ហោះផ្សាយនៅលើបណ្តាញសង្គម នៅថ្ងៃនេះ បង្ហាញឲ្យឃើញមូលហេតុ ដែលស្ត្រីរងគ្រោះត្រកូល Wang បានស្លាប់ ដែលបានកើតឡើង កាលពីថ្ងៃទី ២៩ ខែធ្នូ ឆ្នាំ២០១៥ ពោលគឺមុនថ្ងៃឆ្លងឆ្នាំ ២ថ្ងៃ។ តាមរយ:វីដេអូនេះ គេអាចឃើញស្ត្រីរងគ្រោះ ធ្វើដំណើរបន្តើរ មុខសន្លឹងមើលទូរសព្ទបន្តើរ ដោយមិនបានចាប់អារម្មណ៍ចំពោះផ្លូវដើរ ថាខ្លួនកំពុងសំដៅ ទៅរកទឹកទន្លេឡើយ។

យ៉ាងណាមិញ សាកសពស្ត្រីរងគ្រោះ ត្រូវបានរកឃើញ ក្រោយពេលដែលប្តីរបស់នាង ប្រទះឃើញស្បែកជើងប្រពន្ធខ្លួន អណ្តែតទឹកទន្លេរួចមក។

នេះជាសារដាន់តឿន ទៅដល់ប្រិយមិត្តអ្នកអានផងដែរ ឲ្យមានការប្រុងប្រយ័ត្ន រាល់ពេលធ្វើដំណើរ ដោយកុំបណ្តោយខ្លួនឲ្យជក់នឹងការចុចទូរសព្ទខ្លាំងពេក ដែលអាចនាំឲ្យមានគ្រោះថ្នាក់ជាយថាហេតុ ដូចករណីមួយនេះ៕ 

វីដេអូខាងក្រោម៖

អាណោចអាធមណាស់! ហេតុតែវក់ចុចទូរសព្ទខ្លាំងពេក ស្ត្រីម្នាក់ អត់បានមើលផ្លូវ ធ្លាក់ទឹកស្លាប់ (មានវីដេអូ)

ប្រភព៖

ដោយ សី

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត