ចាប់ខ្លួន​ជនជាតិថៃ២នាក់ពីបទ​ប្រើប្រាស់គ្រឿងញៀន​

​ខេត្ត​បន្ទាយ​មានជ័យ ៖ បុរស​​ជនជាតិ​ថៃ​២​នាក់ ​ត្រូវ​​កម្លាំង​​នគរ​បាល​ឃាត់ខ្លួន​កាលពីវេលា​ម៉ោង​០២ និង៤៥​នាទី​​ព្រឹក​ថ្ងៃ​ទី​០៣​​ មករា​ ២០១៦ ស្ថិត​​នៅ​ចំណុច​ភូមិ​ប៉ោយ​ប៉ែ​ត​ សង្កាត់ប៉ោយប៉ែត ​ក្រុង​ប៉ោយ​ប៉ែ​ត ​​ពាក់ព័ន្ធ​​ពី​បទ​ប្រើប្រាស់​គ្រឿងញៀន​  ។

ប្រភព​បានឱ្យ​ដឹងថា ​ជន​សង្ស័យ​ទាំង២នាក់​ ​១​-​​ឈ្មោះស៊ូ​​ លី​យ៉ា​ន់ ​​អាយុ​៤៥​ឆ្នាំ ​មានស្រុក​កំណើត​នៅ​ឃុំ​ណា​ម​មឿង ​ស្រុក​មឿង​ខេត្ត​សាក់​សិន​​សៅ និង២-​​ឈ្មោះណាត់​ ឆា ខាន់​ថូ អាយុ​១៩​ឆ្នាំ មានស្រុក​កំណើត​នៅ​ឃុំ​ណូ​ហុំ​ ស្រុក​មឿង​ ខេត្ត​ប្រា​ជី​ន​បូ​រី ​។

ប្រភពបន្តថា ​នៅ​ពេល​ចាប់ខ្លួន​ជនជាតិ​ថៃ​២​នាក់ ​គឺ​កម្លាំង​នគ​បាល​ក្រុង​ប៉ោយ​ប៉ែ​ត​ បាន​ចេញ​ល្បាត​ពេល​យប់​ប្រទះ​ឃើញ​​កំពុង​ធ្វើ​សកម្មភាព​ប្រើប្រាស់​គ្រឿងញៀន ក៏ឃាត់​​ខ្លួន​តែម្តង ​រួមទាំង​​វត្ថុ​តាង​​​គ្រឿងញៀន​ប្រភេទ​មេ​តំ​ហ្វេ​តា​មីន ​ហៅ​យ៉ា​ម៉ា​១​គ្រាប់ ​។