មន្ត្រី​​បក្ស​ប្រឆាំង​​ស្នើ​​រដ្ឋាភិបាល​​ពន្យារ​​អនុវត្ត​​ច្បាប់​​ចរាចរណ៍​​ថ្មី​ ក្រោយ​​រ​ង​​ការ​រិះគន់​​ពី​​ពលរដ្ឋ​

គិត​មកដល់ពេលនេះ គឺជា​ថ្ងៃទី៤ ហើយ​ដែល​នគរបាល​ចរាចរ​ណ៍​ផ្លូវគោក​បានចាប់ផ្តើម​ប្រតិបត្តិ​ការចុះ​ត្រួតពិនិត្យ និង ផាកពិន័យ​យានយន្ត​គ្រប់​ប្រភេទ​តាមច្បាប់​ចរាចរណ៍​ផ្លូវគោក​ថ្មី។ ទោះបី​ទើបនឹង​ចាប់​អនុវត្ត​ក្តី ប៉ុន្តែ​ប្រជាពលរដ្ឋ​ដែលជា​អ្នកប្រើប្រាស់​ផ្លូវ​មួយចំនួន​បាន​សម្តែង​ការមិន​ពេញចិត្ត និង រិះគន់ ហើយ​សូម្បី​ប្អូនស្រី​បង្កើត​របស់​នាយករដ្ឋមន្ត្រី​ក៏បាន​ប្រតិកម្ម​នឹង​ច្បាប់​ថ្មី​នេះដែរ។ ប្រឈម​កា​រិះគន់​ទាំងនេះ តំណាងរាស្ត្រ​គណបក្ស​សង្គ្រោះ​ជាតិ បានស្នើ​ឲ្យ​រដ្ឋាភិបាល​កម្ពុជា ពន្យារ​ការអនុវត្ត​ច្បាប់​ថ្មី​នេះ​សិន ដើម្បី​ទុកពេល​ផ្សព្វផ្សាយ និង អប់រំ​បន្ថែម​ពី​ច្បាប់​នេះ​ដល់​ប្រជាពលរដ្ឋ។