៥​យ៉ាង​ដែល​ទឹកនោម​បញ្ជាក់​អំពី​សុខភាព​របស់​អ្នក​

៥​យ៉ាង​ដែល​ទឹកនោម​បញ្ជាក់​អំពី​សុខភាព​របស់​អ្នក​

​ទឹកនោម​មិន​គ្រាន់តែ​ជា​ផលិតផល​គ្មាន​បានការ​ទេ តែ​វា​ក៏​អាច​បញ្ជាក់​ថា​អ្នក​មាន​សុខភាព​ល្អ​ប៉ុណ្ណា​ដែរ​។ អ្នក​ត្រូវ​តែ​សម្គាល់ថា ទឹកនោម​របស់​អ្នកនឹង​ទៅ​ជា​ពណ៌​លឿងចាស់​នៅពេល​ដែល​អ្នក​ញ៉ាំ​ទឹក​មិន​បាន​គ្រប់គ្រាន់​។ ប៉ុន្តែ​អ្នក​មាន​ដឹដង​ទេ​ថា មាន​សញ្ញា​ផ្សេងៗ​ជាច្រើន​ដែល​ទឹកនោម​របស់​អ្នក​ប្រាប់​អំពី​សុខភាព​របស់​អ្នក​ដែរនោះ​?

ទឹក​នោម​ដែល​មាន​ក្លិន​ផ្អែម​
បើសិនជា​ទឹកនោម​អ្នក​មាន​ក្លិន​ផ្អែម រឿង​នេះ​អាច​បញ្ជាក់​ថា​អ្នក​កំពុងតែ​មាន​ជំងឺ​ទឹកនោម​ផ្អែម​ហើយ​។ ទឹកនោម​ចាប់ផ្តើម​មាន​ក្លិន​ផ្អែម​ដោយសារ​តែ​ជាតិ​គ្លុយកូស​លេចចេញ​តាម​ទឹកនោម​បាន​។ សម្រាប់​អ្នក​ដែល​ធ្លាប់​ធ្វើ​រោគវិនិច្ឆ័យ​ដឹងថា​មាន​ជំងឺ​ទឹកនោម​ផ្អែម​ហើយ ទឹកនោម​មាន​ក្លិន​ផ្អែម​អាច​បញ្ជាក់​ថា ចំនួន​ជាតិ​ស្ករ​ក្នុង​ឈាម​ពួកគេ​គឺ​មិន​មាន​ការគ្រប់គ្រង​ល្អ​ឡើយ​។ ជាតិ​ផ្អែម​ក៏​អាច​មានន័យថា ជាតិ​កេតូន​ក្នុងឈាម​កើន​ច្រើនដែរ​។

ទឹកនោម​ពណ៌​ក្រហម ឬ​ផ្កាឈូក​
បើសិន​ជា​អ្នក​ធ្លាប់​មាន​ឃើញ​ទឹកនោម​អ្នក​មាន​លក្ខណៈ​ក្រហម​ព្រឿងៗ ឬ​ផ្កាឈូក​នោះ មានន័យ​ថា វា​អាច​ជា​សញ្ញា​នៃ​វត្តមាន​របស់​ឈាម​ក្នុង​ទឹកនោម មាន​ការបង្ក​រោគ ឬ​ជំងឺ​តម្រង​នោម ឬ​មហារីក​តម្រងនោម​។ បើសិនជា​ទឹកនោម​ចេញ​ជា​ពណ៌​ត្នោត​វិញ វា​អាច​បញ្ជាក់​អំពី​ការបង្ក​រោគ​នៅ​ថ្លើម​ធ្ងន់ធ្ងរ​។

ទឹកនោម​មាន​ក្លិនស្អុយ​
កាហ្វេ ខ្ទឹមស​ច្រើនតែ​នាំ​ឱ្យ​ទឹកនោម​មាន​ក្លិនស្អុយ​។ ប៉ុន្តែ​បើសិនជា​ទឹកនោម​ចាប់ផ្តើម​មាន​ក្លិនស្អុយ​ដោយ​មិន​បាន​ញ៉ាំ​អាហារ​ទាំងនេះ​ទេ​នោះ វា​អាច​ជា​សញ្ញា​នៃ​ការបង្ក​រោគ​ណាមួយ​ហើយ​។ វា​ក៏​អាច​ជា​សញ្ញា​បញ្ជាក់ថា​មាន​ការធ្លាក់​ជាតិ​ប្រូតេអ៊ីន គ្លុយកូស​តាម​ទម្រ​ង​នោម​ដែល ជាហេតុ​នាំ​ឱ្យ​ទឹកនោម​មាន​ក្លិនស្អុយ​។

លេច​នោម​ដោយ​មិន​ដឹង​ខ្លួន​
ការ​លេច​នោម​នៅពេល​សើច កណ្តា​ស ឬ​ហាត់ប្រាណ​អាច​ជា​សញ្ញា​នៃ​ជំងឺ​លេច​នោម​ដោយ​មិនដឹង​ខ្លួន និង​ការ​ខ្សោយ​របស់​សាច់ដុំ​អាង​ត្រគៀក​។ យ៉ាងណាមិញ អ្នក​អាច​ដោះស្រាយ​បញ្ហា​នេះ​ជាមួយនឹង​ការ​ហាត់ប្រាណ Kegel ដែល​អាច​ពង្រឹង​ដល់​សាច់ដុំ​នៅ​កម្រាល​អាង​ត្រគាក​បាន​។

ការ​នោម​ថយចុះ​
ការ​នោម​មិន​ទៀងទាត់​ក៏​ជា​សញ្ញា​មួយ​នៃ​ជំងឺ​ដែរ ហើយ​ភាគច្រើន​គឺជា​ការស្ទះ ឬ​មាន​ការបង្ក​រោគ​។ ជាមួយគ្នានេះដែរ បើសិន​ជា​អ្នក​នោម​មិនបាន​ច្រើនជាង ៤០០​មី​លី​លីត្រ​ក្នុង​មួយ​ថ្ងៃ​ទេ អ្នក​គួរតែ​ធ្វើយ៉ាងណា​នោម​ឱ្យបាន​ច្រើន​។ ហើយ​បើសិនជា​នៅតែ​នោម​មិន​បាន​ទៀងទាត់​នោះ វា​គួរតែ​ដល់​ពេល​ជួប​គ្រូពេទ្យ​ហើយ​៕

ប្រែសម្រួល៖ វេជ្ជ. ម៉េង សុខសៀន

- ហាមដាច់ខាតការយក​អត្ថបទ ពីវេបសាយ www.health.com.kh ដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 012 267 277

ត្រួតពិនិត្យដោយ ​www.health.com.kh ថ្ងៃទី05  មករា ឆ្នាំ 2016

រាល់​ការ​បញ្ចេញ​មតិយោបល់​មិន​ឆ្លុះ​បញ្ចាំង​ពី​ទស្សនៈ​ និង​ការ​ទទួលខុសត្រូវ​របស់​វេ​ប​សាយ​www.health.com.kh​ឡើយ​។