លីប៊ី៖ហេតុអ្វី​បាន​អង្គការ​រដ្ឋអ៊ីស្លាម​កាន់​តែ​ឡើង​ឥទ្ធិពល?

  ស្ថានការណ៍​កំពុង​បន្ត​ដុនដាប​នៅ​ក្នុង​ប្រទេស​លីប៊ី។ នៅ​ថ្ងៃ​ព្រហស្បតិ៍ ទី៧ មករា មាន​មនុស្ស​ស្លាប់​យ៉ាង​តិច ៧៤នាក់ និង​របួស​ជា​ច្រើន​រយ​នាក់​ផ្សេង​ទៀត។ បើ​គិត​តាំង​ពី​ឆ្នាំ ២០១១ ពោល​តាំង​ពី​ការ​ដួល​រលំ​របប​ដឹកនាំ​ដោយ​មេផ្តាច់ការ​កាដាហ្វី​ក្នុង​ខែ​កុម្ភៈ ឆ្នាំ ២០១១ មក នេះ​ជា​អំពើ​ភេរវកម្ម​ដែល​បាន​សម្លាប់​ច្រើន​ជាង​គេ​នៅ​ក្នុង​ទឹកដី​លីប៊ី។ សហគមន៍​អន្តរជាតិ​បាន​ថ្កោលទោស​លើ​អំពើ​ភេរវកម្ម និង​បាន​អំពាវនាវ​ឲ្យ​មាន​ការ​ឯកភាព​រវាង​ប្រជាជន​លីប៊ី ពិសេស​រវាង​ភាគី​ជម្លោះ​ផ្ទៃក្នុង​ដែល​កំពុង​បន្ត​ហែកហួរ​គ្នា​ដើម្បី​អំណាច។ អ្វី​ដែល​សហគមន៍​អន្តរជាតិ​បារម្ភ​ខ្លាំង គឺ​ខ្លាច​តែ​លីប៊ី​ធ្លាក់​ក្នុង​កណ្តាប់ដៃ​របស់​អង្គការ​រដ្ឋអ៊ីស្លាម។