សាលា​​រាជ​ធានី​​ភ្នំពេញ​មាន​​គម្រោង​​សង់​​ចំណត​​រថយន្ត​​សាធារណៈ​​ក្រោម​​ដី​ជម្រៅ​​៣​​ជាន់​

សាលា​រាជធានី​ភ្នំពេញ បង្ហើប​ឲ្យ​ដឹង​ពី​​គម្រោង​ថ្មី​របស់​ខ្លួន ក្នុង​ការ​សាងសង់​ចំណត​រថយន្ត​សាធារណៈ​ក្រោម​ដី នា​ពេល​ដ៏​ខ្លី​ខាង​មុខ​នេះ​។ អភិបាល​រាជធានី​ភ្នំពេញ គូស​បញ្ជាក់នៅ​ថ្ងៃ​សុក្រ​​ម្សិលមិញ​​ថា គម្រោង​សាង​សង់​ចំណត​រថយន្ត​សាធារណៈ​​ក្រោម​ដី​នេះ គឺ​ជា​មធ្យោ​បាយ​ដ៏​ប្រសើរ ក្នុង​ការ​កាត់​បន្ថយ​ការ​កក​ស្ទះ​ចរាចរណ៍​នៅ​រាជធានី​ភ្នំពេញ​​។ ការ​កក​ស្ទះ​ចរាចរណ៍​ ដែល​មួយ​ផ្នែក បណ្ដាល​មក​ពី​ការ​ចត​យានយន្ត​ដោយ​គ្មាន​សណ្ដាប់​ធ្នាប់​នៅ​លើ​ដង​ផ្លូវ​។