ពលរដ្ឋ តំបន់អារ៉ែង ចូលរួម អបអរ ខួបអនុស្សាវរីយ៍ លើកទី៣៧ នៃទិវាជ័យជំនះ ៧មករា

កោះកុង៖ ប្រជាពលរដ្ឋក្នុងតំបន់អារ៉ែង មកពី៣ឃុំ គឺឃុំជំនាប់ ឃុំប្រឡាយ និងឃុំថ្មថូនពៅ រួមជាមួយ លោក ទៀ សុខាប្រធានគណគម្មាធិការថ្នាក់កណ្តាល គណបក្សប្រជាជនកម្ពុជា ចុះជួយមូលដ្ឋានស្រុកថ្មបាំង សមាជិកគណបក្សប្រជាជនកម្ពុជាទាំង៣ឃុំ នៅរសៀលថ្ងៃទី៩ ខែមករា ឆ្នាំ២០១៦ នេះបានអញ្ជើញចូលរួម រំលឹកខួបអនុស្សាវរីយ៍ លើកទី៣៧ នៃទិវាជ័យជំនះ ៧មករា (៧ មករា ១៩៧៩-០៧ មករា ២០១៦) ដែលជាថ្ងៃកំណើតទី២ របស់ប្រជាពលរដ្ឋកម្ពុជា។

ក្នុងពិធីរំលឹកខួបលើកទី៣៧ នៃថ្ងៃជ័យជំនះ ៧មករា ដែលប្រារព្ឋ នៅឃុំជំនាប់  តំណាងគណបក្សប្រជាជនកម្ពុជា ទាំង៣ឃុំ បានថ្លែងថា នេះជាការរំលឹកខួប នូវថ្ងៃកំណើតទី២ នៃការរស់រានមានជីវិត របស់ ប្រជា ពលរដ្ឋខ្មែរនេះ គឺដើម្បីរំលឹក ដល់ ប្រជាពលរដ្ឋ ជាពិសេស ស្រទាប់យុវជន ឲ្យយល់ច្បាស់ ចងចាំជានិច្ច និង ដឹងគុណជានិច្ចនៃថ្ងៃ៧ មករា ១៩៧៩ និងស្នាដៃធំៗ ជាប្រវត្តិសាស្ត្រ ដែលគណបក្ស ប្រជាជនកម្ពុជា បាន សម្រេចជូនជាតិ និងមាតុភូមិតាំងពី ដំណាក់កាលសង្គ្រោះជាតិ រហូតមកដល់បច្ចុប្បន្ន និងប្ដេជ្ញាការពារ មិនឲ្យមានរបបនេះវិលមកជាលើកទី២។

ក្នុងពិធីនេះផងដែរ លោក ទៀ សុខា ប្រធានគណកម្មាធិការថ្នាក់កណ្តាលគណបក្សប្រជាជនកម្ពុជា ចុះជួយមូលដ្ឋាន ស្រុកថ្មបាំង ក៏បានរំលឹកឡើងវិញពី សោកនាដកម្ម ក្នុងរបប៣ឆ្នាំ ៨ខែនិង២០ថ្ងៃ ដែលប្រជាជនកម្ពុជា ទទួលរងនូវទុក្ខវេទនា រស់នៅក្នុងគុក ឥតជញ្ជាំង ដោយ ពួកប៉ុលពត បាន បង្ខិតបង្ខំប្រជាជន ឲ្យធ្វើការលើសកម្លាំងហូបចុក មិនគ្រប់គ្រាន់ និងបិទសិទ្ធសេរីភាព គ្រប់បែបយ៉ាង មិនត្រឹមតែប៉ុណ្ណោះ ពួកវាបានកាប់សម្លាប់ និងធ្វើទារុណកម្ម លើប្រជាជនឯង យ៉ាងសាហាវ ព្រៃផ្សៃបំផុត។

លោក ទៀ សុខា បានបញ្ជាក់ទៀតថា "រហូតដល់ថ្ងៃរំដោះ ៧មករា១៩៧៩ របបដ៏យង់ឃ្នងនេះ ត្រូវបានផ្ដួលរំលំ ដោយសារ កម្លាំង មហាសាមគ្គី របស់រណសិរ្សសាមគ្គីសង្គ្រោះជាតិកម្ពុជា គុណបំណាច់ ដ៏ធំធេងនេះ ប្រជាជន កម្ពុជា ចងចាំជានិច្ច និងមិនអាចបំភ្លេចបានឡើយ ថ្ងៃ៧មករា គឺជាថ្ងៃកំណើត ទី២ ដែលធ្វើឲ្យប្រជាពលរដ្ឋកម្ពុជា មិនអាចបំភ្លេចបាន ដោយសារ មានថ្ងៃរំដោះ៧មករា ទើបប្រជាពលរដ្ឋកម្ពុជាយើង អាចរស់រានមាន ជីវិតឡើងវិញ និងមាន សេរីភាព រហូតមកដល់បច្ចុប្បន្ននេះ"។

ចំពោះ លោក ទៀ សុខា ផ្ទាល់ ក៏ដូចជាមន្រ្តីរាជការ អាជ្ញាធរ និងប្រជាពលរដ្ឋនៅក្នុងតំបន់អារ៉ែង ដែលមកពីឃុំជំនាប់ ឃុំប្រឡាយ និងឃុំថ្មដូនពៅ ក្នុង ស្រុកថ្មបាំង បានចាត់ទុកថា ស្មារតី៧មករា គឺជាស្មារតីអមត ស្ថិតនៅក្នុងជម្រៅចិត្ត របស់ប្រជាជនកម្ពុជាជាប់ជានិច្ច ដូចនេះហើយបានជាថ្ងៃ៧មករា ត្រូវបានគេកំណត់ជាថ្ងៃ ទិវាសម្រាប់ ជាតិទាំងមូលទាំងមន្ដ្រីរាជការបុគ្គលិក កម្មករ ក្រុមហ៊ុន ទាំងអស់ ដែលបំពេញការងារនៅកម្ពុជា បានឈប់សម្រាកមួយថ្ងៃ។  ជាមួយគ្នានោះ លោក ទៀ សុខា និងប្រជាពលរដ្ឋ ទាំងអស់ក្នុងតំបន់អារ៉ែងបានប្រកាសប្តេជ្ញា បន្តគាំទ្រ បេក្ខភាពសម្តេចតេជោ ហ៊ុន សែន ជានាយករដ្ឋមន្រ្តី នៅអណត្តិក្រោយៗទៀត ដើម្បីសម្តេចបន្តដឹកនាំប្រទេសជាតិ ក្រោមមាគ៌ាដ៏ភ្លឺស្វាង។

ប្រធានគណកម្មាធិការថ្នាក់កណ្តាល គណបក្សប្រជាជនកម្ពុជា ចុះជួយមូលដ្ឋាន ស្រុកថ្មបាំងរូបនេះ បានបញ្ជាក់យ៉ាងច្បាស់ថា ជនទាំង ឡាយណាដែល ដែលមិនទទួលស្គាល់ ថ្ងៃ៧មករានោះ គឺជាជនឆបោក និងក្បត់ខ្លួនឯង ហើយ មិនទទួលស្គាល់ សច្ចះធម៌ប្រវត្តិសាស្ត្រ។ ផ្ទុយទៅវិញ សម្រាប់លោកផ្ទាល់ និងអ្នកគាំទ្រគណបក្សប្រជាជនកម្ពុជា ក៏ដូចជាប្រជាពលរដ្ឋមួយចំនួនធំ បានចាត់ទុកថា ថ្ងៃ៧មករា ឆ្នាំ១៩៧៩ បានសង្គ្រោះមាតុភូមិកម្ពុជាដ៏កំសត់ឲ្យរស់ឡើងវិញ អ្វីៗគ្រប់យ៉ាងចាប់ផ្តើមពីបាតដៃទទេស្អាត ក្រោយពីរបបខ្មែរក្រហម បានកំទេចគ្មានសល់នូវអ្វីដែលជាសមិទ្ធផលពីសង្គមចាស់។ ការស្ដារប្រទេស ត្រូវចាប់ផ្តើមចេញពី ចំនុចក្រោមសូន្យ។ មកដល់ថ្ងៃនេះ កម្ពុជា មានអគារខ្ពស់ ទំនើបៗ មានហេដ្ឋារចនាសម្ព័ន្ធស្ពាន ផ្លូវថ្នល់ថ្មីៗជាច្រើន មានធនធានមនុស្សគ្រប់ផ្នែក មនុស្សមាន សិទ្ធិសេរីភាព មានកម្មសិទ្ធ ដែលទទួលបានផលពីផ្នែកនានានៃសង្គម និងគ្រប់វិស័យទាំងអស់។ ទៅថ្ងៃ អនាគត កម្ពុជានឹងមានការអភិវឌ្ឍន៍រីកចម្រើនបន្ថែមទៀត ដូចបណ្ដាប្រទេសអភិវឌ្ឍន៍នៅក្នុងពិភពលោក៕

ពលរដ្ឋ តំបន់អារ៉ែង ចូលរួម អបអរ ខួបអនុស្សាវរីយ៍ លើកទី៣៧ នៃទិវាជ័យជំនះ ៧មករា

ពលរដ្ឋ តំបន់អារ៉ែង ចូលរួម អបអរ ខួបអនុស្សាវរីយ៍ លើកទី៣៧ នៃទិវាជ័យជំនះ ៧មករា

ពលរដ្ឋ តំបន់អារ៉ែង ចូលរួម អបអរ ខួបអនុស្សាវរីយ៍ លើកទី៣៧ នៃទិវាជ័យជំនះ ៧មករា

ពលរដ្ឋ តំបន់អារ៉ែង ចូលរួម អបអរ ខួបអនុស្សាវរីយ៍ លើកទី៣៧ នៃទិវាជ័យជំនះ ៧មករា

ពលរដ្ឋ តំបន់អារ៉ែង ចូលរួម អបអរ ខួបអនុស្សាវរីយ៍ លើកទី៣៧ នៃទិវាជ័យជំនះ ៧មករា

ពលរដ្ឋ តំបន់អារ៉ែង ចូលរួម អបអរ ខួបអនុស្សាវរីយ៍ លើកទី៣៧ នៃទិវាជ័យជំនះ ៧មករា

ពលរដ្ឋ តំបន់អារ៉ែង ចូលរួម អបអរ ខួបអនុស្សាវរីយ៍ លើកទី៣៧ នៃទិវាជ័យជំនះ ៧មករា

ពលរដ្ឋ តំបន់អារ៉ែង ចូលរួម អបអរ ខួបអនុស្សាវរីយ៍ លើកទី៣៧ នៃទិវាជ័យជំនះ ៧មករា

ពលរដ្ឋ តំបន់អារ៉ែង ចូលរួម អបអរ ខួបអនុស្សាវរីយ៍ លើកទី៣៧ នៃទិវាជ័យជំនះ ៧មករា

ពលរដ្ឋ តំបន់អារ៉ែង ចូលរួម អបអរ ខួបអនុស្សាវរីយ៍ លើកទី៣៧ នៃទិវាជ័យជំនះ ៧មករា

ពលរដ្ឋ តំបន់អារ៉ែង ចូលរួម អបអរ ខួបអនុស្សាវរីយ៍ លើកទី៣៧ នៃទិវាជ័យជំនះ ៧មករា