វិបត្តិ​អ៊ីរ៉ង់-អារ៉ាប៊ីសាអូឌីត សម្ព័ន្ធ​អារ៉ាប​កោះប្រជុំ​វិសាមញ្ញ​នៅ​ក្រុង​គែរ

នៅ​ថ្ងៃ​អាទិត្យ​ទី ១០​មករា​នេះ សម្ព័ន្ធ​អារ៉ាប​បាន​កោះ​ប្រជុំ​វិសាមញ្ញ​មួយ នៅទីក្រុង​គែរ​ប្រទេស​អេហ្ស៊ីប ដើម្បី​ពិចារណា​អំពី​វិបត្តិ​រវាង​ក្រុង​រីយ៉ាដ និង​តេហេរ៉ង់ ក្រោយ​ហេតុការណ៍​ប្រហារជីវិត​​ប្រមុខ​ចលនា​ប្រឆាំង​ឈីអ៊ីត​នៅ​អារ៉ាប៊ីសាអូឌីត តែ​គាំទ្រ​ខ្លាំង​ដោយ​អ៊ីរ៉ង់។ ក្រុង​រីយ៉ាដ​បាន​ស្នើ​រៀប​ចំ​ជំនួប​នេះ​ ក្នុង​បំណង​តែ​មួយ​គឺ​ប្រមូល​សំឡេង​គាំទ្រ និង​ដាក់​អ៊ីរ៉ង់​ឱ្យ​កាន់​តែ​ឯកា។