ព័ត៌មាន​ជាតិ &raquo ព្រឹត្ដិការ​ណ៏​សង្គម

​ខេត្ត​បាត់ដំបង ៖ សាកសពបុរសម្នាក់ ត្រូវ​អ្នក​លក់​អីវ៉ាន់តាមផ្លូវ​ប្រទះឃើញ​​នៅ​ចំណុច​​វាល​ស្រែ​ក្បែរ​ផ្លូវលំ​មួយ​កន្លែង ​ក្នុងភូមិ​ក្រពើ​៤០ ឃុំ​បឹងប្រាំ ស្រុកបវេល ខេត្តបាត់ដំបង បង្កឱ្យភ្ញាក់​ផ្អើល​កាលពីវេលាម៉ោង​០៦ និង​៣០នាទី​ព្រឹក​ថ្ងៃទី​១២ មករា ២០១៦ ។

ប្រភពបានឱ្យដឹងថា សព​ជនរងគ្រោះ​ត្រូវគេ​ស្គាល់ឈ្មោះ​នុន អឿន អាយុ​៥៦ឆ្នាំ​ មានទីលំនៅ​ក្នុង​ភូមិកើតហេតុខាងលើ ដោយ​​លើ​​ខ្លួន​សាកសព​ មានស្នាម​​របួស​​​កាប់​នឹង​កាំបិតជាច្រើន​កន្លែង ដោយ​ត្រូវ​សមត្ថកិច្ច​​សង្ស័យថា អាច​ពាក់ព័ន្ធ​​ករណី​​ឃាត​កម្ម ។ បច្ចុប្បន្ន​ ត្រូវ​សមត្ថ​កិច្ច​​កំពុង​ធ្វើការ​​ស៊ើប​អង្កេត​ ។