លោក​អូបាម៉ា បង្ហាញ​តុល្យការ​​​ដឹកនាំ​ប្រទេស ៧​ឆ្នាំ ដោយ​វាយប្រហារ​បក្ស​ប្រឆាំង

នៅ​ថ្ងៃ​ទី ១២​មករា ២០១៦​លោកបារ៉ាក់ អូបាម៉ា បាន​ឡើង​ថ្លែង​សុន្ទរកថា នៅ​ចំពោះ​មុខ​សភា​ពេញ​អង្គអាមេរិក​​ជា​លើក​ចុង​ក្រោយ ដើម្បី​ការពារ​​តុល្យការ​ការងារ​ដឹកនាំ​ប្រទេស​រយៈ​ពេល​៧​ឆ្នាំ​របស់​លោក។ ជា​សុន្ទរកថា​ខ្លី តែ​មាន​ន័យ​ខ្លឹម ក្នុង​​សំនៀង​ជា​ការ​ឃោសនា​បោះឆ្នោត​ប្រធានាធិបតី​ឱ្យ​បក្ស​ប្រជាធិបតេយ្យ​ផង និង​​វាយប្រហារ​បេក្ខជន​ប្រធានាធិបតី​បក្ស​ប្រឆាំង​ផង​ ព្រមទាំងអំពាវនាវ​ឱ្យ​ប្រជាពលរដ្ឋ​អាមេរិក​ កុំ​ធ្លាក់​ក្នុង​អន្ទាក់​នៃ​ការ​ភ័យ​ខ្លាច​ តែ​ត្រូវ​ប្រុង​ប្រយ័ត្ននឹង​គំនិត​ជ្រុល​និយម។