អាហារូបត្ថម្ភ​៤​ប្រភេទ​ដែល​អ្នក​អាច​មើល​រំលង​ ឬ​ទទួលទាន​មិន​បាន​គ្រប់គ្រាន់​


អាហារូបត្ថម្ភ​៤​ប្រភេទ​ដែល​អ្នក​អាច​មើល​រំលង​ ឬ​ទទួលទាន​មិន​បាន​គ្រប់គ្រាន់​

​ខ្ញុំ​ព្យាយាម​បរិភោគ​អាហារ​ដ៏​ត្រឹមត្រូវ​។ ខ្ញុំ​តែងតែ​គិតគូរ​អំពី​របប​អាហារ​ប្រចាំ​ថ្ងៃ​របស់​ខ្ញុំ​ដើម្បី​ឲ្យ​ប្រាកដ​ថា​ខ្ញុំ​បាន​ទទួលទាន​ជាតិ​ប្រូតេអ៊ីន​ ឬ​អាហារ​ដែល​មាន​ជាតិ​ខ្លាញ់​ទាប គ្រាប់​ធញ្ញជាតិ និង បន្លែ​ផ្លែឈើ​ស្រស់ៗ​គ្រប់គ្រាន់​។ ឧបសគ្គ​ធំ​របស់​ខ្ញុំ​គឺ​ពេលវេលា​។ តម្រូវការ​ការងារ​ប្រចាំថ្ងៃ ការ​ធ្វើ​ដំណើរ ក្រុម​គ្រួសារ ដែល​កត្តា​ទាំង​អស់​នេះ​ពេល​ខ្លះ​ធ្វើ​ឲ្យ​ខ្ញុំ​មិន​អាច​គិតគូរ​អំពី​បរិមាណ​អាហារូបត្ថម្ភ​ដែល​ត្រូវ​ការ​ឲ្យ​បាន​គ្រប់​គ្រាន់​។

 

ការ​​ស្រាវជ្រាវ​បាន​បង្ហាញ​ថា​មាន​អាហារូបត្ថម្ភ​ខ្លះ​ដែល​មនុស្ស​យើង​ទទួល​ទាន​មិន​បាន​គ្រប់គ្រាន់​។ ដូច្នេះ​បើ​អ្នក​មាន​ភាព​មមាញឹក​ដូច​ខ្ញុំ សូម​ផ្តោតលើ​ប្រភេទ​អាហារូបត្ថម្ភ​ដូចខាងក្រោម​នេះ​៖

 

១- វីតាមីន D

 

​តាម​ការស្រាវជ្រាវ​បង្ហាញ​ថា​មនុស្ស​ពេញ​វ័យ​ច្រើន​ជាង​៤០%​នៅ​អាមេរិក​ទទួល​បាន​អត្ថប្រយោជន៍​ពី​កម្រិត​ខ្ពស់​របស់​វីតាមីន D​។ វីតាមីន​នេះ​មាន​សារៈសំខាន់​ក្នុង​ការ​ជួយ​ទ្រទ្រង់​ដំណើរការ​មុខងារ​របស់​រាង​កាយ​រួម​ទាំង​មុខងារ​មេតាបូលីស និង​ប្រព័ន្ធ​សរសៃ​ឈាម​នៅ​ក្នុង​រាងកាយ​។ មុខងារ​ចម្បង​មួយ​ទៀត​គឺ​ជួយ​បឺត​ស្រូប​យក​ជាតិ​កាល់ស្យូម​ដើម្បី​ជួយ​ទ្រទ្រង់​សុខភាព​ឆ្អឹង​។

 

​ប្រភព​ផ្តល់​៖ កាំរស្មី​ពន្លឺ​ព្រះអាទិត្យ គឺ​ជា​ប្រភព​ធម្មជាតិ​ល្អ​ជាង​គេ​ទាំង​អស់​។ ប្រភព​មក​ពី​ម្ហូបអាហារ​មាន​ដូច​ជា ត្រី​សាល់ម៉ុន ធូណា ឈីស ស៊ុត​លឿង និង​ទឹក​ដោះ​គោ ប៉ុន្តែ​វា​អាច​មាន​ការ​លំបាក​ក្នុង​ការ​ទាញ​យក​វីតាមីន​ពី​ម្ហូបអាហារ​តែ​មួយ​មុខ​។

​បរិមាណ​៖ វិទ្យាស្ថាន​ជាតិ​សុខាភិបាល​បាន​ណែនាំ​មនុស្ស​ពេញ​វ័យ​ដែល​មាន​អាយុ​ចាប់​ពី ១៩-៧០​ឆ្នាំ​ គួរ​ទទួល​ទាន​វីតាមីន D ឲ្យ​បាន​600 IU ហើយ​​អ្នក​ដែល​មាន​អាយុ​ចាប់ពី ៧១​ឆ្នាំ​គឺ​ទទួល​ទាន​ឲ្យ​បាន ៨០០ IU ជា​រៀងរាល់​ថ្ងៃ​។

 

អាហារូបត្ថម្ភ​៤​ប្រភេទ​ដែល​អ្នក​អាច​មើល​រំលង​ ឬ​ទទួលទាន​មិន​បាន​គ្រប់គ្រាន់​

 

២- វីតាមីន K

 

វីតាមីន K​ គឺ​ប្រភេទ​វីតាមីន​ដែល​មនុស្ស​ភាគ​ច្រើន​តែង​មើល​រំលង។ ​វីតាមីន​នេះ​ផ្តល់​សារៈសំខាន់​សម្រាប់​មុខងារ​ឈាម​កក​។ ការ​ស្រាវជ្រាវ​បន្ថែម​បាន​បង្ហាញ​ថា វីតាមីន K ​ក៏​មាន​មុខងារ​ជួយ​ទ្រទ្រង់​សុខភាព​បេះដូង​ និង​សុខភាព​ឆ្អឹង​ផងដែរ​។​

ប្រភព​ផ្តល់​៖ បន្លែ​​បៃតង ដូចជា​ស្ពៃ ​ផ្ទី​ ផ្កា​ខាត់ណា ស្ពៃ​ក្តោប និង​ត្រី ថ្លើម សាច់​ និង​ស៊ុត​។

 

បរិមាណ​៖ វិទ្យាស្ថាន​ជាតិ​សុខាភិបាល​បាន​ណែនាំ​មនុស្ស​ពេញ​វ័យ​មាន​អាយុ​ចាប់​ពី​១៩​ឆ្នាំ​ឡើង​ទៅ គួរ​ទទួល​ទាន​វីតាមីន K ឲ្យ​បាន​៩០ មីក្រូ​ក្រាម​រៀងរាល់​ថ្ងៃ​។

 

៣- អាស៊ីត​ខ្លាញ់​អូមេហ្កា​៣​ EPA និង DHA

 

មិន​មាន​អ្វី​ដែល​គួរ​ឲ្យ​ឆ្ងល់​នោះ​ទេ​ដែល​សមាគម​ជំងឺ​បេះដូង​នៅ​អាមេរិក​ណែនាំ​ឲ្យ​ទទួល​ទាន​ជាតិ​ខ្លាញ់​ត្រី​ដែល​សំបូរ​ដោយ​ជាតិ​អូមេហ្កា​៣ ដែល​រួម​មាន​ជាតិ EPA និង​DHA ឲ្យ​បាន​២​ដង​ក្នុង​មួយ​សប្តាហ៍​។ ក្នុង​ចំណោម​មុខងារ​ទ្រទ្រង់​សុខភាព​ផ្សេងៗ​ទៀត អាស៊ីត​ខ្លាញ់ អូមេហ្កា​៣​មាន​មុខងារ​ជួយ​ទ្រទ្រង់​ប្រព័ន្ធ​សរសៃ​ឈាម​បេះដូង​ និង​ជាតិ​កូលេស្តេរ៉ូល​។ ប៉ុន្តែ​ដោយសារ​កាល​វិភាគ​ការងារ​មាន​ភាព​មមាញឹក នោះ​អាច​ធ្វើឲ្យ​យើង​អាក់​ខាន​ក្នុង​ការ​ចម្អិន​អាហារ​ដែល​មាន​សារជាតិ​អូមេហ្កា​៣​នេះ​មិន​បាន​គ្រប់គ្រាន់​។

ប្រភព​ផ្តល់​៖ ត្រី​សាល់​ម៉ុន ធូ​ណា ម៉ាកេរ៉ែល (​ប្រភេទ​ត្រី​សមុទ្រ​)។

បរិមាណ​៖ នៅ​មិន​ទាន់​មាន​ការ​ណែនាំ​ពី​វិទ្យាស្ថាន​ជាតិ​សុខាភិបាល​ទាក់ទង​នឹង​បរិមាណ​អូមេហ្កា​៣​ដែល​យើង​គួរ​ទទួល​ទាន​ជា​រៀងរាល់​ថ្ងៃ​នោះ​ទេ​។ ប្រសិន​បើ​អ្នក​មិន​អាច​ទទួល​ទាន​ជាតិ​អាស៊ីត​អូមេហ្កា​៣​ឲ្យ​បាន​២​ដង​ក្នុង​មួយ​សប្តាហ៍​នោះ​ទេ លោក​អ្នក​អាច​ទទួល​ទាន​Herbalifeline® ដែល​អាច​ផ្តល់​នូវ​បរិមាណ​៣៣៦​មីលីក្រាម​នៃ EPA និង ​DPA នៃ​អាស៊ីត​ខ្លាញ់​អូ​មេហ្កា​៣​។ Tri-Shield® ដែល​ផ្សំ​ឡើង​ពី​ប្រេង​ធម្មជាតិ Neptune Krill Oil (NKO®†) ផ្តល់​នូវ EPA និង​DHA​អាស៊ីត​ខ្លាញ់​អូ​មេហ្កា​៣ ប្រមាណ ៤៥​មី​លី​ក្រាម ។​

 

៤- ម៉ាញេស្យូម​

ម៉ាញេស្យូម​គឺជា​សារធាតុ​រ៉ែ​ដ៏​សំខាន់​ដែល​រាងកាយ​ត្រូវការ​។ ម៉ាញេស្យូម​ជួយ​ទ្រទ្រង់​ប្រព័ន្ធ​ប្រសាទ​ និង​មុខងារ​សាច់ដុំ ប្រព័ន្ធ​ភាពស៊ាំ សុខភាព​បេះដូង និង​សុខភាព​ឆ្អឹង ក៏ដូចជា​ជួយ​ទ្រទ្រង់​កម្រិត​ជាតិ​ស្ករ​ក្នុង​ឈាម​។ វា​ជា​រឿង​ដែល​សំខាន់​ណាស់​ហើយ​មិន​គួរ​មើល​រំលង​អំពី​សារធាតុ​ដ៏​សំខាន់​នេះ​ទេ​។​

 

ប្រភព​ផ្តល់​៖ ប្រភេទ​អាហារ​កាក​សរសៃ មាន បន្លែ​ស្លឹក​បៃតង ចេក ផ្លែ apricots ក្រៀម ផ្លែ​អាវ៉ូកាដូ​ គ្រាប់​អាល់ម៉ុន គ្រាប់​ស្វាយចន្ទី សណ្តែក​ហូ​ឡាំង​តាវ សណ្តែក ផលិតផល​សណ្តែក​សៀង និង​អង្ករ​សំរូប​។

 

បរិមាណ​៖ វិទ្យាស្ថាន​ជាតិ​សុខាភិបាល​បាន​ណែនាំ​មនុស្សពេញវ័យ​មាន​អាយុ​ចាប់ពី ១៩​ឆ្នាំ​ឡើង​ទៅ គួរ​ទទួល​ទាន​ជាតិ​ម៉ាញេស្យូម​ឲ្យ​បាន​៣១០-៣២០ មី​លី​ក្រាម​ឲ្យ​បាន​ជា​រៀង​រាល់ថ្ងៃ​ និង​មនុស្ស​ស្រី និង​មនុស្ស​ប្រុស​ពី​៤០០- ៤២០ មី​លី​ក្រាម​។​

 

ជាធម្មតា​មនុស្ស​យើង​ត្រូវការ​សារជាតិ​រូបត្ថម្ភ​ច្រើន​យ៉ាង​ដែល​រាងកាយ​ត្រូវ​ការ​បន្ថែម​ពី​វីតាមីន និង​សារធាតុ​ទាំង​៤​យ៉ាង​ដែល​បាន​រៀបរាប់​ខាងលើ​។ ​ជានិច្ច​ជា​កាល ដើម្បី​ឲ្យ​ប្រាកដ លោកអ្នក​អាច​ពិភាក្សា​ជាមួយ​ភ្នាក់ងារ​ផ្តល់​យោបល់​ផ្នែក​សុខភាព​ ប្រសិនបើ​អ្នក​ចង់​មាន​ផែនការ​ផ្លាស់ប្តូរ​របប​អាហារ ឬ​អ្នក​មាន​បញ្ហា​សុខភាព ឬ​មាន​ផ្ទៃពោះ ឬ​ស្ត្រី​ដែល​បំបៅកូន៕

 

អត្ថបទ៖ ពាណិជ្ជកម្ម​