ព័ត៌មាន​ជាតិ &raquo ព្រឹត្តិការណ៍សង្គម

ខេត្តបន្ទាយមានជ័យ ៖ កម្លាំង​នគ​បាល​មន្ទីរ​គ្រឿងញៀន​ខេត្ត បាន​ធ្វើការ​ឃាត់ខ្លួន​ជនសង្ស័យ​ជនជាតិ​វៀតណាម​ម្នាក់ ពាក់ព័ន្ធ​ពី​ជួញដូរ​គ្រឿងញៀន​ខេ​ទឹកកក​ជិត​១​គីឡូក្រាម និង​យ៉ា​ម៉ា​ជិត​១​ម៉ឺន​គ្រាប់ កាលពី​វេលា​ម៉ោង​៨​យប់​ថ្ងៃ​ទី​២១ មក​រា ២០១៦ ស្ថិត​នៅ​ចំណុច​វេទិកា​សាលា​ខេត្តបន្ទាយមានជ័យ ក្នុងភូមិ​៣ សង្កាត់​ព្រះ​ពន្លា ក្រុង​សិរី​សោភ័ណ ។

ជនសង្ស័យ​ឈ្មោះ​កែវ ពេជ្រ ហៅ​ម៉ី អាយុ​៣០​ឆ្នាំ ជនជាតិ​វៀតណាម និង​ជា​អ្នក​រត់​ម៉ូតូ​កង់​បី ស្នាក់​នៅ​ភូមិ​-​សង្កាត់​ស្វាយប៉ាក ខណ្ឌ​​ប្ញ​ស្សី​កែវ រាជធានី​ភ្នំពេញ ដោយសារភាពថា ខ្លួន​ជា​អ្នក​ស៊ី​ស្នួល​ពី​​ភ្នំពេញ ​យក​មក​ខេត្តបន្ទាយមានជ័យ​ ក្នុង​តំលៃ​៣០០​ដុល្លារ​​​ដោយ​ពួកគេបាន​សន្យា​ថា ថ្ងៃ​​ចូល​ឆ្នាំ​ចិន​​នឹង​ផ្តល់ប្រាក់​បន្ថែម​​៤០០​ដុល្លា​រ​ទៀត​។