យ៉ាង​ណា​ដើម្បី​ដោះស្រាយ​បញ្ហា​គេង​ស្រម៉ុក?​

ការ​គេង​ស្រម៉ុក​អាច​ជាបញ្ហា​ដ៏​ធំ​មួយ​ សម្រាប់​មនុស្ស​ ដែល​តែង​តែ​គេង​ស្រម៉ុក ​ព្រម​ទាំង​មនុស្ស​ ដែល​គេង​គ្រែ​រួម​គ្នា ​ឬ​គេង​ក្បែរ​គ្នា ​ពី​ព្រោះ​ការ​គេង​ស្រម៉ុក​បង្ក​ជា​សម្លេង​គឹគង ​ដែល​រំខាន​ដល់​ដំណេក​។ សម្លេង​ស្រម៉ុក​អាច​កើត​មាន​ឡើង ​នៅ​ពេល​ដែល​មាន​អ្វី​រាំង​ខ្ទប់​នូវ​ផ្លូវ​ដង្ហើម​តាម​ច្រុះ ​និងមាត់​។ ម្យ៉ាងទៀត​ វា​អាច​ជា​រោគសញ្ញា​មួយ​នៃ​អាការៈ​ម្យ៉ាង​ឈ្មោះថា​ ការ​ថប់​ដង្ហើម​ពេល​គេង​ ដែល​ជា​អាការៈ​​មួយ​ធ្វើ​ឱ្យ​មនុស្ស​អាច​ត្បៀត​ដង្ហើម​បាន​ពាក់​កណ្ដាល ​ឬ​អត់​ដក​ដង្ហើម​តែ​ម្ដង​រយៈ​ពេល​ ១​០​វិនាទី​នៅ​អំឡុង​ពេល​គាត់​គេង។​ ទោះ​បី​ការ​គេង​មិន​ត្រូវបាន​ចាត់​ទុក​ថា​ជា​បញ្ហា​សុខ​ភាព​ក៏​ដោយ​ក៏វាអាចរំខានដល់ដំណេក និងជាសញ្ញាបញ្ជាក់ថា ប្រាកដជាមានអ្វីមួយខុសប្រក្រតីចំពោះរាងកាយរបស់អ្នកមិនខាន។ ចំពោះហេតុផល យើងសូមណែនាំឱ្យអ្នកទៅជួបប្រឹក្សាជាមួយវេជ្ជបណ្ឌិត ប្រសិនបើអ្នកអង្កេតឃើញថា ខ្លួនអ្នកគេងស្រម៉ុកញឹកញាប់។ ចំពោះដំណោះស្រាយដទៃទៀត យើងមាននូវវិធីធម្មជាតិដើម្បីបញ្ឈប់ការគេងស្រម៉ុក ហើយជាលទ្ធផលអ្នកនឹងអាចបង្កើនគុណភាពនៃដំណេករបស់អ្នក។​
ហេតុអ្វីអ្នកគេងស្រម៉ុក? ការគេងស្រម៉ុកអាចបណ្ដាលមកពីមូលហេតុ នៃការទទួលទានគ្រឿងស្រវឹងច្រើនលើសកំណត់ សភាពធាត់ជ្រុល គ្រុនផ្ដាសាយ អាលែក្សី ឬបញ្ហាដទៃទៀត ដែលទាក់ទងទៅនឹងការតឹងច្រមុះ អំឡុងត្រីមាសចុងក្រោយនៃការមានផ្ទៃពោះ ច្រមុះខុសទ្រង់ទ្រាយពីកំណើត និងអាហារូបត្ថម្ភមិនគ្រប់គ្រាន់។
តើគួរព្យាបាលអាការៈគេងស្រម៉ុកនេះតាមវិធីណា? ត្រង់ចំណុចនេះយើងមាននូវគន្លឹះ និងវិធីព្យាបាលធម្មជាតិជាច្រើន ដើម្បីព្យាបាកការគេងស្រម៉ុក។ ដូច្នេះសូមផ្ដោតការយកចិត្ដទុកដាក់ និងសាកល្បងអនុវត្ដវិធីទាំងនេះ។
ចៀសវាងការទទួលទានគ្រឿងស្រវឹង និងប្រើថ្នាំរំងាប់អារម្មណ៍៖ ការទទួលទានគ្រឿងស្រវឹងច្រើនហួសប្រមាណ មានលក្ខណៈស្រដៀងទៅនឹងការប្រើថ្នាំរំងាប់អារម្មណ៍ដែរ គឺរំងាប់ ឬធ្វើឱ្យប្រព័ន្ធ សរសៃប្រសាទកណ្ដាល សាច់ដុំសន្ទះទ្រូង និងថ្ពាមសម្រាក ដែលបង្កើនឱកាសឱ្យអ្នកគេងស្រម៉ុក។
ព្យាយាមសម្រកទម្ងន់៖ ប្រសិនបើអ្នកធាត់ជ្រុល អ្នកគួរតែជ្រើសរើសអាហារល្អៗសម្រាប់សុខភាព ធ្វើលំហាត់ប្រាណ និងអនុវត្ដវិធីដទៃទៀតដើម្បីសម្រកទម្ងន់។ សភាពធាត់ជ្រុលគឺជាហេតុផលដ៏សាមញ្ញបំផុត ដែលធ្វើឱ្យអ្នកគេងស្រម៉ុក ពីព្រោះវាដាក់សម្ពាធទៅលើផ្លូវដង្ហើមរបស់អ្នក និងធ្វើឱ្យអ្នកពិបាកក្នុងការដកដង្ហើម។
ព្យាបាលអាលែក្សី៖ មនុស្ស ដែលមានអាលែក្ស៊ីច្រមុះគឺងាយនឹងគេងស្រម៉ុកណាស់។ មូលហេតុនេះហើយ ទើបយើងណែនាំឱ្យអ្នកព្យាបាលអាលែក្ស៊ីច្រមុះដោយថ្នាំសម្រួលការដកដង្ហើម(decongestant) និងថ្នាំ antihistamine។ ម្យ៉ាងទៀត អ្នកត្រូវឱ្យប្រាកដថា អ្នកមិនបណ្ដោយឱ្យធូលីកពូននៅលើគ្រឿងសង្ហារឹម កម្រាលព្រំ និងវាំងនននោះទេ ពីព្រោះវាធ្វើឱ្យអាការៈកាន់តែធ្ងន់ធ្ងរ។គេងចំហៀង៖ ការសិក្សាស្រាវជ្រាវជាច្រើនបង្ហាញថា មនុស្សដែលគេងផ្ងារទំនងជាគេងស្រម៉ុក។ មូលហេតុដូច្នេះហើយ ទើបយើងណែនាំឱ្យគេងចំហៀង។ ដើម្បីឱ្យទម្លាប់ជាមួយនឹងការគេងចំហៀងនេះ វិធីដ៏ប្រសើរគឺត្រូវដាក់គ្រាប់បាល់ Tennis ខ្ចប់ជាមួយស្រោមជើងដាក់នៅលើគ្រែគេងរបស់អ្នក ដែលធ្វើភាពរំខាននេះញ៉ាំងឱ្យអ្នកគេងចំហៀង។ជ្រើសរើសខ្នើយខ្ពស់មកគេង៖ ការប្រើខ្នើយគេងខ្ពស់បង្កើនខ្យល់ដង្ហើមតាមរយៈរន្ធច្រមុះ និងមាត់របស់អ្នក ដែលមានប្រសិទ្ធភាពកាត់បន្ថយការកើតឡើងនៃអាការៈស្រម៉ុក៕ 
យ៉ាង​ណា​ដើម្បី​ដោះស្រាយ​បញ្ហា​គេង​ស្រម៉ុក?​

អត្ថបទ៖ ដេវីដ