ព័ត៌​មានកីឡា &raquo កីឡាអន្តរជាតិ

បន្ទាប់​ពី​ទិញ​បាន​កីឡា​ករ​ខ្សែ​ប្រយុទ្ធ​ Diego Costa ក្លិប​តោ​ខៀវ​ Chelsea បាន​ដាក់​លក់​កីឡា​ករ​ខ្សែ​ប្រយុទ្ធ​សញ្ជាតិ​អេ​ស្បា៉ញ​ ត័រ​រ៉េស ក្នុង​តម្លៃ​ជាង​៣៤​លាន​ដុល្លារ​អាមេ​រិក​ ។ រហូត​មក​ទល់​ពេល​នេះ​ មាន​ក្លិប​បាល់​ទាត់​ចំនួន​២​គឺ​ Monaco និង​ Atletico កំពុង​ចាប់​អារម្មណ៍​ចាប់​ទិញ​យក​កីឡា​ករ​រូប​នេះ ។ក្លិប​ Atletico បាន​លក់​កីឡា​ករ​ Diego Costa ឱ្យ​ក្លិប​ Chelsea ចង់​បាន​កីឡា​ករ​ ត័រ​រ៉េស​ ត្រឡប់​មក​វិញ​ដើម្បី​បំពេញ​តំណែង​ខ្សែ​ប្រយុទ្ធ​ជួរ​មុខ​ ខណៈ​ក្លិប​ Monaco អាច​មាន​ឱកាស​តិច​តួច​ជាង ។

ទោះ​បី​មាន​ការ​ប្រកាស​លក់​បែប​នេះ​ក្តី​ កីឡា​ករ​ ត័រ​រ៉េស បាន​បង្ហាញ​អារម្មណ៍​មិន​ចង់​ឃ្លាត​ឆ្ងាយ​ពី​ក្លិប​ Chelsea ក៏​ប៉ុន្តែ​ ឱកាស​របស់​លោក​ក្នុង​ការ​បន្ត​ស្នាក់​នៅ​ជាមួយ​ក្លិប​ Chelsea ប្រហែល​ជា​មាន​តិច​តួច​ណាស់​ ប្រសិន​បើ​កីឡា​ករ​ Drogba វិល​ត្រឡប់​មក​ទ្រនំ​ចាស់​វិញ​ដែរ ៕