អគ្គិភ័យ​កើត​ទ្បើង​៤​លើក ថ្ងៃទី​១ បុណ្យចូលឆ្នាំ​ចិន ឆេះ​ផ្ទះ​អស់​ជាង​១០០​ខ្នង​

ភ្នំពេញ: យោងតាម​របាយការណ៍​របស់​នាយកដ្ឋាន​បង្កា​រ​ពន្លត់​អគ្គិភ័យ និង​ស​ង្ក្រោះ របស់​ក្រសួងមហាផ្ទៃ​បាន​ឲ្យ​ដឹងថា គ្រោះ​អគ្គិភ័យ​ទូទាំងប្រទេស ថ្ងៃ​ចូលឆ្នាំ​ប្រពៃណី​ចិន ត្រូវ​នឹង​ថ្ងៃទី​៧ និង​ទី​៨ ខែកុម្ភៈ ឆ្នាំ​២០១៦ មាន​គ្រោះ​អគ្គិភ័យ​កើត​ទ្បើង​ចំនួន​៤​លើក ឆេះ​ផ្ទះ​អស់​១០៣​ខ្នង​។​

​របាយការណ៍​បាន​ឲ្យ​ដឹង​បន្តទៀតថា ក្នុងនោះ​រាជធានី​ភ្នំពេញ :
​នៅវេលា​ម៉ោង ១១ ព្រឹក ថ្ងៃទី​៧ ខែកុម្ភៈ ឆ្នាំ ២០១៦ ស្ថិតនៅ​ក្រុមទី​១៨ ភូមិ​៣ សង្កាត់​ទំនប់ទឹក ខណ្ឌចំការមន​។ ម្ចាស់ផ្ទះ​ឈ្មោះ អ៊ី​ម ស្រី អាយុ ៣៦​ឆ្នាំ ត្រូវបាន​ភ្លើង​ឆេះ ដោយ​ការអុជ​ធូប ទៀន អស់​បន្ទប់​ស្នាក់នៅ​របស់​កម្មករ ទំហំ ៦​គុណ​នឹង​១៦​ម៉ែត្រ សង់​អំពី​ឈើ​ប្រក់ស​ង្ក័​សី​។ ក្នុង​កិច្ចប្រតិបត្តិការ​នេះ​បាន​ប្រើប្រាស់​រថយន្ត​អគ្គិភ័យ​ចេញ​ពន្លត់​ចំនួន ៥ គ្រឿង ប្រើប្រាស់​ទឹក​អស់​ចំនួន ៤​រថយន្ត ស្មើនឹង​៣៦​ម៉ែត្រគូប ពន្លត់​ចប់​នៅ​ម៉ោង ១១:៣០ នាទី​ព្រឹក​ថ្ងៃ​ដដែល​។​

​នៅ​ខេត្តកំពង់ស្ពឺ ថ្ងៃទី​៧ ខែកុម្ភៈ នៅ​ម៉ោង ១៣:៤៥​នាទី​រសៀល នៅ​ភូមិ​ពាណិជ្ជកម្ម សង្កាត់​រកា​ធំ ក្រុង​ច្បារមន ឆេះ​ផ្ទះ​របស់​ឈ្មោះ កែម សារិទ្ធ ភេទ ប្រុស ដោយ​មូលហេតុ ក្មេង​លេង​ភ្លើង​បណ្តាល​ឲ្យ​ខូចខាត ឆេះ​ផ្ទះ​ចំនួន​៤​ខ្នង​។ កិច្ចប្រតិបត្តិការ​នេះ ប្រើ​រថយន្ត​ចេញ​ពន្លត់​ចំនួន​៧​គ្រឿង ក្នុងនោះ​រថយន្ត​អគ្គិភ័យ​ខេត្តកំពង់ស្ពឺ​១​គ្រឿង ស្នងការ​ខេត្តកណ្តាល​ចំនួន​២​គ្រឿង និង ង​៧០ ចំនួន​៤​គ្រឿង​
​ប្រើប្រាស់​ទឹក​អស់​ចំនួន​១៦​ទ្បាន​។ ប្រតិបត្តិការ​ត្រូវបាន​បញ្ចប់​នៅ​ម៉ោង ១៥:៣០​នាទី​រសៀល ថ្ងៃខែ​ឆ្នាំ​ដដែល​។​

​នៅ​កំពង់ធំ នៅ​រសៀល​ម៉ោង ១៣:៣០​នាទី ថ្ងៃទី​៧ ខែកុម្ភៈ ឆ្នាំ​២០១៦ ស្ថិតនៅ​ភូមិ​សូ​រិ​យ៉ា ឃុំ​តាំង​ក្រ​សៅ ស្រុក​ប្រាសាទ​សំបូរ ខេត្តកំពង់ធំ ឆេះ​ផ្ទះ​ឈ្មោះ តាប់ វ៉ា ភេទ ប្រុស អាយុ ២៨​ឆ្នាំ បណ្តាលមកពី​មូលហេតុ ដុត​ភ្លើងទៀន ធូប ខូចខាត ផ្ទះ​២​ខ្នង ផ្ទះ​៤x៦​ម៉ែត្រ ប្រក់​ស្លឹក​ជញ្ជាំង​ក្តា ស្រូវ​៤០​បេ លុយ​៨០​ម៉ឺន​រៀល និង​សម្ភារៈ​មួយចំនួនទៀត​។ ប្រតិបត្តិការ​នេះ​ប្រើ​រថយន្ត​ពន្លត់​អគ្គិភ័យ​ចេញ​ប្រតិបត្តិ​ការមិន​ទាន់ពេល​វេលា ករណី​កន្លែងកើតហេតុ​មាន​ចំងាយ​ឆ្ងាយ​។​

​នៅ​រាជធានី​ភ្នំពេញ ថ្ងៃទី​៨​ខែកុម្ភៈ ឆ្នាំ​២០១៦ វេលា​ម៉ោង​១​រំលងអធ្រាត្រ​អគ្គិភ័យ​ឆេះ​បំផ្លាញ​ទាំងស្រុង ផ្ទះ​ប្រជាពលរដ្ឋ​៩៧​ខ្នង នៅក្រោយ​ស្ថានីយ៍​ប្រេងឥន្ធនៈ​កាល់​តិច (Caltex) សង្កាត់​ចាក់អង្រែ​ក្រោម ខណ្ឌមានជ័យ បណ្តាលមកពី​ប្រជាពលរដ្ឋ ដុត​ផាវ និង​កាំជ្រួច​ដើម្បី​អបអរសាទរ បុណ្យចូលឆ្នាំ​ចិន​។ ដោយ​ប្រើប្រាស់​រថយន្ត​ពន្លត់​អគ្គិភ័យ​ចំនួន ២១ គ្រឿង ស្មើនឹង ៦៦ ជើង និង​អូប័រ​ចំនួន ២ គ្រឿង ក្នុងនោះ​គឺ ៖ រថយន្ត​របស់​ការិយាល័យ​បង្ការ និង​ពន្លត់​អគ្គិភ័យ​ស្នងការដ្ឋាន​នគរបាល​រាជធានី​ភ្នំពេញ ១៩ គ្រឿង រថយន្ត​មកពី​ខេត្តកណ្តាល​ចំនួន ១ គ្រឿង រថយន្ត​របស់​ក្រុមហ៊ុនស្រា​បៀរ​កម្ពុជា ១​គ្រឿង​៕

អគ្គិភ័យ​កើត​ទ្បើង​៤​លើក ថ្ងៃទី​១ បុណ្យចូលឆ្នាំ​ចិន ឆេះ​ផ្ទះ​អស់​ជាង​១០០​ខ្នង​

អគ្គិភ័យ​កើត​ទ្បើង​៤​លើក ថ្ងៃទី​១ បុណ្យចូលឆ្នាំ​ចិន ឆេះ​ផ្ទះ​អស់​ជាង​១០០​ខ្នង​