នារីម្នាក់ ហ៊ានចំណាយ លុយខ្ទង់ម៉ឺនដុល្លារ ដើម្បីបានដូចតួអង្គ ព្រះនាងទាំងអស់ ក្នុងរឿងតុក្តតា

បរទេស៖ នារីម្នាក់ ហ៊ានចំណាយលុយ ទៅដល់ខ្ទង់ម៉ឺនដុល្លារ ដើម្បីឲ្យដូចនឹងតួអង្គព្រះនាងទាំងអស់ ក្នុងរឿងតុក្តតាគំនូរជីវចល។

នាង Sarah Ingle វ័យ ២៥ឆ្នាំ ជាអ្នកគ្រប់គ្រងទីផ្សារមួយរូប ដែលមានចំណូលចិត្តស្លៀកឈុតព្រះនាងក្នុងម៉ោងទំនេរ និងបានចំណាយលុយដល់ទៅ ១៤,០០០ដុល្លារអាមេរិក ដើម្បីធ្វើឲ្យខ្លួននាង មើលទៅហាក់បីដូចជាតួអង្គព្រះនាងក្នុងគំនូរជីវចល ដ៏រស់រវើកម្នាក់យ៉ាងដូច្នោះដែរ។

ជាមួយនឹងសម្លៀកបំពាក់ ១៧ឈុត សក់ពាក់ចំនួន ១៦មុខ បូកនឹងការផាត់មុខ​ទៀតនោះ នាងអាចប្រែក្លាយខ្លួន​ទៅជាព្រះនាងក្នុងរឿងនិទានបាន ដោយក្នុងនោះមានដូចជា ព្រះនាង Belle ព្រះនាង Cinderella ព្រះនាង Snow White ព្រះនាង Ariel ព្រះនាង Aurora ព្រះនាង​ Rapunzel ព្រះនាង Merida ព្រះនាង Elsa និងព្រះនាង Anna ជាដើម។

នាង Sarah បានពន្យល់ថា រ៉ូបនីមួយៗត្រូវចំណាយពេល ៦ខែឯណោះ ហើយរូបនាងព្យាយាមរកប្រភពសម្ភារៈខុសៗគ្នា​ពីជុំវិញពិភពលោក រួមទាំងសូត្រ និងក្រណាត់ ម្យ៉ាងឈ្មោះថា Organza ផងដែរ ទំរាំអាចប្រមូលផ្តុំគ្នាឲ្យចេញជាម៉ូតបាន។​ នាងបាននិយាយទៀតថា "ខ្ញុំពិតជាមានសំណាងណាស់ ដែលមានចំណូលពីការងារពេញម៉ោង សំរាប់ទប់ទល់នឹងការចំណាយ លើសម្លៀកបំពាក់ និងសំភារៈស្អាតៗ ដែលខ្ញុំស្រលាញ់ចូលចិត្ត ដើម្បីឲ្យខ្លួនខ្ញុំអាចមើលទៅល្អឥតខ្ចោះ សំរាប់រាល់ការសំដែងម្តងៗ" 

នេះជាមុខរបរមួយដែលនាង Sarah បានចាប់ផ្តើម ជាមួយមិត្តប្រុសនាង។ ជាទូទៅ នាងអាចរកចំណូលបាន ១៤៥ដុល្លារអាមេរិកក្នុងមួយពេល បានពីការស្លៀកពាក់ជាព្រះនាង សម្តែងនៅក្នុងកម្មវិធីផ្សេងៗរបស់កុមារ។ យ៉ាងណាមិញ មានពេលខ្លះ ក៏នាងចំណាយពេល ទៅមើលក្មេងៗដែលមានជម្ងឺនៅមន្ទីរពេទ្យ និងចូលរួមសម្តែងក្នុងព្រឹត្តិការណ៍ផ្សេងៗដោយស្ម័គ្រចិត្តផងដែរ។

នាង Sarah បានឲ្យដឹងថា "ខ្ញុំមិនដែលភ្លេចទេ នៅថ្ងៃមួយដែលខ្ញុំ ធ្លាប់ត្រូវបានស្នើសុំ ឲ្យមកសម្តែងជូនក្មេងស្រីតូចម្នាក់ ដែលនាងទើបតែទទួលបានការសម្រាក ពីការព្យាបាលជម្ងឺមហារីករបស់នាង។ ទឹកមុខដ៏ស្រស់ស្រាយរបស់នាងច្រៀងជាមួយខ្ញុំ វាពិតជាមិនគួរឲ្យជឿនោះទេ ហើយជាថ្ងៃមួយដ៏អស្ចារ្យបំផុត។ សម្រាប់រូបខ្ញុំផ្ទាល់ គឺកើតមកមានភ្នែកធំស្រាប់ ហើយមនុស្សភាគច្រើន តែងប្រាប់ខ្ញុំថា ខ្ញុំពិតជាដូចតុក្តតាណាស់"។​

នាងបន្តថា នាងតែងសង្ឃឹមថាថ្ងៃណាមួយ នាងអាចមានឱកាសឈប់ពីការងារពេញម៉ោងរបស់នាង ហើយងាកមកចាប់អាជីពក្នុងក្តីសុបិន្តមួយនេះ។ នាងចូលចិត្តតែងជាព្រះនាង Ariel ខ្លាំងបំផុត៕

នារីម្នាក់ ហ៊ានចំណាយ លុយខ្ទង់ម៉ឺនដុល្លារ ដើម្បីបានដូចតួអង្គ ព្រះនាងទាំងអស់ ក្នុងរឿងតុក្តតា
នារីម្នាក់ ហ៊ានចំណាយ លុយខ្ទង់ម៉ឺនដុល្លារ ដើម្បីបានដូចតួអង្គ ព្រះនាងទាំងអស់ ក្នុងរឿងតុក្តតា
នារីម្នាក់ ហ៊ានចំណាយ លុយខ្ទង់ម៉ឺនដុល្លារ ដើម្បីបានដូចតួអង្គ ព្រះនាងទាំងអស់ ក្នុងរឿងតុក្តតា
នារីម្នាក់ ហ៊ានចំណាយ លុយខ្ទង់ម៉ឺនដុល្លារ ដើម្បីបានដូចតួអង្គ ព្រះនាងទាំងអស់ ក្នុងរឿងតុក្តតា
នារីម្នាក់ ហ៊ានចំណាយ លុយខ្ទង់ម៉ឺនដុល្លារ ដើម្បីបានដូចតួអង្គ ព្រះនាងទាំងអស់ ក្នុងរឿងតុក្តតា
នារីម្នាក់ ហ៊ានចំណាយ លុយខ្ទង់ម៉ឺនដុល្លារ ដើម្បីបានដូចតួអង្គ ព្រះនាងទាំងអស់ ក្នុងរឿងតុក្តតា
នារីម្នាក់ ហ៊ានចំណាយ លុយខ្ទង់ម៉ឺនដុល្លារ ដើម្បីបានដូចតួអង្គ ព្រះនាងទាំងអស់ ក្នុងរឿងតុក្តតា
នារីម្នាក់ ហ៊ានចំណាយ លុយខ្ទង់ម៉ឺនដុល្លារ ដើម្បីបានដូចតួអង្គ ព្រះនាងទាំងអស់ ក្នុងរឿងតុក្តតា
នារីម្នាក់ ហ៊ានចំណាយ លុយខ្ទង់ម៉ឺនដុល្លារ ដើម្បីបានដូចតួអង្គ ព្រះនាងទាំងអស់ ក្នុងរឿងតុក្តតា
នារីម្នាក់ ហ៊ានចំណាយ លុយខ្ទង់ម៉ឺនដុល្លារ ដើម្បីបានដូចតួអង្គ ព្រះនាងទាំងអស់ ក្នុងរឿងតុក្តតា
នារីម្នាក់ ហ៊ានចំណាយ លុយខ្ទង់ម៉ឺនដុល្លារ ដើម្បីបានដូចតួអង្គ ព្រះនាងទាំងអស់ ក្នុងរឿងតុក្តតា
នាង Sarah Ingle អាចប្រែក្លាយខ្លួន ជាតួអង្គព្រះនាងទាំងអស់ ក្នុងរឿងតុក្តតា

ប្រភព៖

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត