រថយន្តកូរ៉ូឡា អ្នកបើកវ័យក្មេង ស្ទើរភ្លើង បោះពួយធ្លាក់ក្នុងទឹក ប្រឡាយនៅផ្លូវ ជាតិលេខ៣ នៃស្រុកទឹកឈូ

កំពត៖ រថយន្តកូរ៉ូឡា១គ្រឿង អ្នកបើកបរវ័យក្មេង បើកមិនប្រុងប្រយ័ត្ន ក៏ជ្រុលចង្កូតធ្លាក់ទៅ ក្នុងប្រឡាយនៃផ្លូវជាតិលេខ៣ កំពត-ភ្នំពេញ ចំណុចចន្លោះបង្គោល គីឡូម៉ែត្រលេខ ១៤១-១៤២  ស្ថិតក្នុងភូមិថ្មី ឃុំថ្មី ស្រុកទឹកឈូខេត្តកំពត កាលពីម៉ោង៦និង៥០នាទីយប់ ថ្ងៃទី១២ ខែកុម្ភៈ ឆ្នាំ២០១៦។

មន្ត្រីនគរបាលស្រុកទឹកឈូ បានប្រាប់ឲ្យដឹងថា អ្នកបើកបរថយន្តដែលក្រឡាប់នេះ ឈ្មោះ​ ស ប្រុស ភេទប្រុស អាយុ២០ឆ្នាំ រស់នៅភូមិចក្រីទីង ឃុំព្រៃថ្នង ស្រុកទឹកឈូ ខេត្តកំពត។ បើករថយន្តក្រឡាប់ ម៉ាកកូរ៉ូឡា ពណ៌ក្រហម ពាក់ស្លាកលេខ កំពត 2A -1141  អ្នកបើកបរនិងអ្នករួមដំណើរម្នាក់ ឈ្មោះស ឃ្លី ភេទប្រុស អាយុ៤០ឆ្នាំ ជាឪពុករបស់ ស ប្រុស ទទួលរងរបួសស្រាល។ មន្ត្រីនគរបាលរូបនេះ បន្តថា ២នាក់ឪពុកនិងកូន បានជិះរថយន្ត ចេញពីទីរួមខេត្តកំពត សំដៅវិលត្រឡប់ទៅផ្ទះឯភូមិចក្រីទីង ខាងលើនោះវិញ ប៉ុន្តែចៃដន្យ ក៏កើតគ្រោះក្រឡាប់រថយន្ត យ៉ាងដូច្នេះតែម្តងទៅ គឺដោយសារអ្នកបើកបរ មិនទាន់ថ្នឹកលើការបញ្ជារថយន្តនៅឡើយ។

បច្ចុប្បន្នរថយន្តក្រឡាប់ខាងលើ ត្រូវបានម្ចាស់រថយន្ត ម្ចាស់ការស្ទូចយកទៅជួសជុល ដោយខ្លួនឯងហើយ៕

រថយន្តកូរ៉ូឡា អ្នកបើកវ័យក្មេង ស្ទើរភ្លើង បោះពួយធ្លាក់ក្នុងទឹក ប្រឡាយនៅផ្លូវ ជាតិលេខ៣ នៃស្រុកទឹកឈូ
រថយន្តកូរ៉ូឡា អ្នកបើកវ័យក្មេង ស្ទើរភ្លើង បោះពួយធ្លាក់ក្នុងទឹក ប្រឡាយនៅផ្លូវ ជាតិលេខ៣ នៃស្រុកទឹកឈូ
រថយន្តកូរ៉ូឡា អ្នកបើកវ័យក្មេង ស្ទើរភ្លើង បោះពួយធ្លាក់ក្នុងទឹក ប្រឡាយនៅផ្លូវ ជាតិលេខ៣ នៃស្រុកទឹកឈូ

ផ្តល់សិទ្ធដោយ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត