ផ្កាកូលាបមាស ក្លាយជាកាដូពេញនិយម បំផុត នៅប្រទេសចិន នាទិវានៃក្តីស្រលាញ់ឆ្នាំនេះ!

ចិន៖ ការជូនកាដូ និងជូនអំណោយគ្នាទៅវិញទៅមក សម្រាប់បង្ហាញពីក្តីស្រលាញ់ និងការយកចិត្តទុកដាក់រវាង ដៃគូស្នេហា មិត្តភក្តិ បងប្អូន ឪពុកម្តាយ ជារឿងដែលមនុស្សភាគច្រើនជុំវិញពិភពលោក មិនភ្លេចធ្វើឡើយ ក្នុងទិវានៃក្តីស្រលាញ់។ ក្នុងនោះផ្កាកូលាប ក៏ត្រូវបានចាត់ទុកជានិមិត្តសញ្ញានៃទិវាក្តី​ស្រលាញ់ និងជាអំណោយដ៏ពេញនិយម សំរាប់ជូនទៅកាន់ដៃគូស្នេហា ក្នុងចំណោមមនុស្សភាគច្រើនផងដែរ ។

ផ្កាកូលាបមាស ក្លាយជាកាដូពេញនិយម បំផុត នៅប្រទេសចិន នាទិវានៃក្តីស្រលាញ់ឆ្នាំនេះ!

តាមប្រភពព័ត៌មានបានឲ្យដឹងថា ផ្កាកូលាបមាស ត្រូវបានដាក់លក់នៅតាមបណ្តាហាងលក់មាសមួយចំនួន ដែលជាកាដូកំពុងមានប្រជាប្រិយបំផុតនៅក្នុងប្រទេសចិន នាឱកាសទិវានៃក្តីស្រលាញ់។ ក្នុងនោះយើងអាចឃើញរូបភាពបុគ្គលិកក្នុងហាងមាស​មួយកន្លែង ក្នុងទីក្រុង Yantai ខេត្តស៊ាងដុង កាន់កូលាបមាសដ៏ស្រស់ស្អាត ជាទីចាប់អារម្មណ៍​និងពេញនិយមបំផុត ដែលកំពុងដាក់តាំងលក់ក្នុងហាង។

បើយោងតាមគេហទំព័រ ដែលលក់កូលាបមាសតាមអនឡាញមួយនៅប្រទេសចិន បានបញ្ជាក់ថា កូលាបមាស នេះត្រូវបានធ្វើឡើងដោយដៃមនុស្សផ្ទាល់ ហើយដើម្បីអាចចេញជារូបរាងកូលាបមាសមួយៗ ត្រូវចំណាយពេល​៥ថ្ងៃ ដោយឆ្លងកាត់អ្នកជំនាញយ៉ាងប្រុងប្រយ័ត្ន និងជាច្រើនជំហាន ទំរាំអាចឲ្យកូលាបមាស មានសភាពមើលទៅដូចជា ផ្កាកូលាបមែនទែន។

ចំពោះតម្លៃកូលាបមាសវិញ គេហទំព័រអនឡាញដដែល បានដាក់បង្ហាញតម្លៃមានចាប់ពី ១០០ដុល្លារ ដល់ ១,០០០ ដុល្លារ ទៅតាមលក្ខណៈ រូបរាង និងគុណភាពទឹកមាស របស់កូលាបមាសទាំងនោះ៕

 ផ្កាកូលាបមាស ក្លាយជាកាដូពេញនិយម បំផុត នៅប្រទេសចិន នាទិវានៃក្តីស្រលាញ់ឆ្នាំនេះ!
ផ្កាកូលាបមាស ក្លាយជាកាដូពេញនិយម បំផុត នៅប្រទេសចិន នាទិវានៃក្តីស្រលាញ់ឆ្នាំនេះ!
កូលាបមាសដាក់លក់នៅប្រទេសចិន

ប្រភព

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត