ក្រុមសិល្បៈ នាំយកថវិកា របស់មូលនិធិ ស៊ុក សុភា និងភរិយា ១ម៉ឺនដុល្លារ ជូនដល់មន្ទីរពេទ្យគន្ធបុប្ផា

ភ្នំពេញៈ ជារឿយៗគេសង្កេតឃើញថា អតីតតារាសម្តែង លោក ស៊ុក សុភា រួមជាមួយភរិយារមែង តែងតែចូលរួម ជាមួយសកម្មភាពមនុស្សធម៌ ដោយពួកគេបាន បង្កើតមូលនិធិមួយ ដើម្បីរៃអង្គាសប្រាក់ យកទៅជួយដល់កុមារកំព្រា ចាស់ជរាគ្មានទីពឹង និងមន្ទីរពេទ្យគន្ធបុប្ផាជាដើម ។ តួយ៉ាងដូចជាថ្ងៃម្សិលមិញនេះ មានក្រុមអ្នកសិល្បៈប្រុសស្រីជាច្រើន បានពាំនាំនូវថវិកា១ម៉ឺនដុល្លារ របស់ស្វាមីភរិយាមួយគូនេះ ទៅប្រគល់ជូនដល់មន្ទីរពេទ្យគន្ធបុប្ផា ។

បើតាមប្រភពពីតំណាងមូលនិធិ SS Fundraiser បានបង្ហើបឲ្យដឹងថា ថវិកាទាំងអស់នេះ ភាគច្រើនបានពីខនសឺត  និងមួយចំណែកទៀត បានមកពីការបរិច្ចាគ របស់ពលរដ្ឋខ្មែររស់នៅប្រទេស អូស្ត្រាលី និងតាមរយៈការសះស្វែងអំពាវនាវរបស់ស្វាមីភរិយាមួយគូខាងលើនេះ ។

សិល្បករ-សិល្បការិនី ដែលចូលរួមក្នុងពិធីប្រគល់ថវិកាឲ្យខាងមន្ទីរពេទ្យគន្ធបុប្ផាម្សិលមិញនេះមានវត្តមាន លោក សុះ ម៉ាច, ឌួង ហ្សូរីដា, ចន ច័ន្ទលក្ខិណា, ថន លក្ខិណា, ញឹក ចាន់ថន, ពេជ្រ អាវីហ្សា , នាយឃ្លោក, ស្វែង សុជាតា រួមជាមួយតារាប្រុសស្រី ជាច្រើនដួងទៀតផងដែរ ៕

 

ក្រុមសិល្បៈ នាំយកថវិកា របស់មូលនិធិ ស៊ុក សុភា និងភរិយា ១ម៉ឺនដុល្លារ ជូនដល់មន្ទីរពេទ្យគន្ធបុប្ផា

ក្រុមសិល្បៈ នាំយកថវិកា របស់មូលនិធិ ស៊ុក សុភា និងភរិយា ១ម៉ឺនដុល្លារ ជូនដល់មន្ទីរពេទ្យគន្ធបុប្ផា

ក្រុមសិល្បៈ នាំយកថវិកា របស់មូលនិធិ ស៊ុក សុភា និងភរិយា ១ម៉ឺនដុល្លារ ជូនដល់មន្ទីរពេទ្យគន្ធបុប្ផា

ក្រុមសិល្បៈ នាំយកថវិកា របស់មូលនិធិ ស៊ុក សុភា និងភរិយា ១ម៉ឺនដុល្លារ ជូនដល់មន្ទីរពេទ្យគន្ធបុប្ផា

ក្រុមសិល្បៈ នាំយកថវិកា របស់មូលនិធិ ស៊ុក សុភា និងភរិយា ១ម៉ឺនដុល្លារ ជូនដល់មន្ទីរពេទ្យគន្ធបុប្ផា