ស្ថិតក្នុង ស្ថានភាពស្រវឹង បើករថយន្តលឿន ជ្រុលបុកស្ថានីយ៍ប្រេង រងរបួសកម្មករ ស្នាក់នៅ ២នាក់ ក្រោយសាលាសង្កាត់បឹងទំពុន

ភ្នំពេញ ៖ បុរសម្នាក់ ស្ថិតក្នុងស្ថានភាពស្រវឹង បានបើករថយន្ត ក្នុងល្បឿនលឿនមិនប្រយ័ត្ន ដល់ចំណុចផ្លូវកែង បួងចង្កូត មិនទាន់ជ្រុល បុកធ្លាយរបងកន្លែង លក់ប្រេងខុសច្បាប់ មួយកន្លែងនៅ ចំណុចផ្លូវបេតុង ក្នុងភូមិសន្សំកុសល ក្រោយជាប់សាលា សង្កាត់បឹងទំពុន បណ្តាលអោយ ខូចខាតសម្ភារៈមួយចំនួន និង រងរបួសកម្មករ២នាក់កំពុងដេកនៅទីនោះ ។ហេតុការណ៍នេះកើត ឡើងកាលពីវេលាម៉ោង ៩ និង ១៥នាទីយប់ថ្ងៃទី២៦ ខែកុម្ភៈ ឆ្នាំ២០១៦ ។ ប៉ុន្តែសំណាងល្អ ដែលរថយន្ត មិនផ្ទុះឆេះនោះ ។

អ្នកឃើញហេតុការណ៍ បាននិយាយថា រថយន្តបង្កម៉ាកហាយឡេនឌឺ ពណ៌ទឹកប្រាក់ ពាក់ស្លាកលេខ ភ្នំពេញ 2Z – 2951 បើកបរដោយបុរសម្នាក់ ស្ថិតក្នុងស្ថានភាពស្រវឹង បើករថយន្តក្នុងទិសដៅ ពីលិចទៅកើត ខណៈមកដល់ចំណុចកើតហេតុ ដែលជាផ្លូវកែង រថយន្តបើកបំណង បត់ស្តាំនោះ ប៉ុន្តែទាញចង្កូតមិនទាន់ ក៏ជ្រុលទៅបុកធ្លាយរបងកន្លែងលក់ សាំងអត់ច្បាប់នេះ ពេញទំហឹងតែម្តងបណ្តាល អោយមនុស្ស ២នាក់ជាកម្មករ ដែលកំពុងសម្រាកក្បែរនោះ ត្រូវរងរបួសធ្ងន់ និងសម្ភារៈមួយចំនួន ត្រូវរងការខូចខាត ។

ក្រោយកើតហេតុ សមត្ថកិច្ចមូលដ្ឋានបានចុះអន្តរាគមន៍ ដោយសម្របសម្រួលអោយភាគី ខាងម្ចាស់ រថយន្តបង្កចេញថ្លៃខូច ខាតសម្ភារៈ និង ថ្លៃព្យាបាលមនុស្ស ទាំងអស់ ដើម្បីបញ្ចប់រឿងនៅនឹងកន្លែង ។

គួរបញ្ជាក់ថា កន្លែងលក់សាំងរងគ្រោះនេះ ជាផ្ទះល្វែង បើកលក់ប្រេងសាំងដោយកែច្នៃជីក ដីកប់សុីទែន ដែលងាយបង្ក ហានិភ័យកើតឡើង ដោយហេតុថា ទីតាំងនោះតូចចង្អៀត ខុសលក្ខណៈបច្ចកទេស ក្នុងការសាងសង់ជាកន្លែងស្តុក ប្រេងសាំង ប្រកបអាជីវកម្ម ។ កន្លងមកទីតាំងនេះ ត្រូវបានប្រជាជនរស់នៅក្បែរ កន្លែងលក់ប្រេង បានប្តឹងជំទាស់ទៅ អាជ្ញាធរសង្កាត់ ខណ្ឌជាច្រើន លើកផងដែរ ប៉ុន្តែមិនជាម្ចាស់ ទីតាំងមានមន្តអាគមអ្វីទេ បានជាអាជ្ញាធរខណ្ឌ សង្កាត់ចេះតែបណ្តោយអោយឈ្មួញ ប្រកបអាជីវកម្ម បានដោយរលូនយ៉ាងនេះ ៕

ស្ថិតក្នុង ស្ថានភាពស្រវឹង បើករថយន្តលឿន ជ្រុលបុកស្ថានីយ៍ប្រេង រងរបួសកម្មករ ស្នាក់នៅ ២នាក់ ក្រោយសាលាសង្កាត់បឹងទំពុន
ស្ថិតក្នុង ស្ថានភាពស្រវឹង បើករថយន្តលឿន ជ្រុលបុកស្ថានីយ៍ប្រេង រងរបួសកម្មករ ស្នាក់នៅ ២នាក់ ក្រោយសាលាសង្កាត់បឹងទំពុន
ស្ថិតក្នុង ស្ថានភាពស្រវឹង បើករថយន្តលឿន ជ្រុលបុកស្ថានីយ៍ប្រេង រងរបួសកម្មករ ស្នាក់នៅ ២នាក់ ក្រោយសាលាសង្កាត់បឹងទំពុន
ស្ថិតក្នុង ស្ថានភាពស្រវឹង បើករថយន្តលឿន ជ្រុលបុកស្ថានីយ៍ប្រេង រងរបួសកម្មករ ស្នាក់នៅ ២នាក់ ក្រោយសាលាសង្កាត់បឹងទំពុន
ស្ថិតក្នុង ស្ថានភាពស្រវឹង បើករថយន្តលឿន ជ្រុលបុកស្ថានីយ៍ប្រេង រងរបួសកម្មករ ស្នាក់នៅ ២នាក់ ក្រោយសាលាសង្កាត់បឹងទំពុន
ស្ថិតក្នុង ស្ថានភាពស្រវឹង បើករថយន្តលឿន ជ្រុលបុកស្ថានីយ៍ប្រេង រងរបួសកម្មករ ស្នាក់នៅ ២នាក់ ក្រោយសាលាសង្កាត់បឹងទំពុន
ស្ថិតក្នុង ស្ថានភាពស្រវឹង បើករថយន្តលឿន ជ្រុលបុកស្ថានីយ៍ប្រេង រងរបួសកម្មករ ស្នាក់នៅ ២នាក់ ក្រោយសាលាសង្កាត់បឹងទំពុន
ស្ថិតក្នុង ស្ថានភាពស្រវឹង បើករថយន្តលឿន ជ្រុលបុកស្ថានីយ៍ប្រេង រងរបួសកម្មករ ស្នាក់នៅ ២នាក់ ក្រោយសាលាសង្កាត់បឹងទំពុន

ផ្តល់សិទ្ធដោយ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត