ព័ត៌មាន​ជាតិ &raquo ព្រឹត្តិការណ៍សង្គម

* បើ​និយាយ​ចំ​ៗ​ពេក គេ​ថា​យើង​និយាយ​តែ​ពី​រឿង​អាក្រក់​... និយាយ​តែ​ពី​រឿង​អសកម្ម​... និយាយ​តែ​ពី​រឿង​ស្អុយ​... និយាយ​តែ​រឿង​​ស្អុយ​... និយាយ​តែ​ពី​រឿង​ពុក​រលួយ​... ។​ល​។ ម៉េច​មិន​និយាយ​ពី​រឿង​ល្អ​ផង? ម៉េច​មិន​និយាយ​ពី​ស្នាដៃ ពី​គុណ​សម្បត្តិ​​នៃ​ការងារ​ផង?

* ត្រឹមត្រូវ​ហើយ អា​រឿង​អាក្រក់ បើ​មិន​និយាយ​ប្រាកដជា​ក្លាយជា​ទម្លាប់​អាក្រក់ កែ​លែង​បាន ។ មន្ត្រី​ខ្លះ​ ធ្វើ​រឿង​ល្អ​យក​ស្នាដៃ យកគុណ​សម្បត្តិ​មួយ​ភ្លែត​ប៉ុណ្ណោះ រួច​ធ្វើ​រឿង​អាក្រក់​ដដែល ។ រឿង​អាក្រក់​ហ្នឹងហើយ វា​ជះ​ឥទ្ធិពល​ដល់​អារម្មណ៍​ប្រជានុរាស្ត្រ​ទាំង​ឡាយ ។

*​អាជីវករ​រកស៊ី​ដឹក​ទំនិញ​និយាយ​ថា ពេល​មក​ដល់​ជញ្ជីង​ថ្លឹង​ទម្ងន់ ទោះបី​ទម្ងន់​នោះ​មិន​លើស​ចំណុះ ក៏​ត្រូវ​តែ​ចេញ​សោហ៊ុយ​ថ្លឹង ខ្លះ​ៗ​ដែរ ។ ជួយ​ខ្លះ​ម៉ោ តាម​ចិត្ត​ស្ម័គ្រ ។ ដល់​មានចិត្ត​ចង់បាន​បែប​នេះ ធ្វើ​ឱ្យ​អាជីវករ​រកស៊ី​ដឹក​ទំនិញ លាន់មាត់​ថា ការ​ដាក់​ជញ្ជីង​ច្រើន​ពេក បាន​ក្លាយជា​កុងត្រូលជជុះ​... ស៊ីធំ​ជាង​កុងត្រូលជជុះ​មនុស្ស​ទៅ​ទៀត ។ ស៊ី​យ៉ាង​ត្រជាក់​ល្ហឹម ។