ដំបូន្មាន​របស់គ្រូ​កីឡា​តារា​ល្បីៗពី ​កំហុស ៣ យ៉ាង​នៃ​ការថែរក្សា​រាង​

6 Videos

​សុភាពនារី​ទាំងឡាយ​ដែល​ប្រាថ្នា​រូបរាង​តូច​ស្រ​ឡូ​ន តែង​រិះរក​គ្រប់​មធ្យោបាយ ដើម្បី​កម្ចាត់​ខ្លាញ់​ពី​រាងកាយ មិន​ថា​ត្រូវ​ព្យាយាម​យ៉ាងណា​នោះទេ ។ ទោះជា​យ៉ាងណា ការព្យាយាម​គួរតែ​ស្ថិតក្នុង​ផ្លូវត្រូវ មានន័យថា ទទួលបាន​ផល​គាប់ចិត្ត និង​សុខភាព​រឹងមាំ​ស្របពេល​ជាមួយគ្នា​។ ខាងក្រោម​នេះ​គឺជា​ការណែនាំ​អំពី​កំហុសឆ្គង​នៃ​ការហាត់​ប្រាណ​ថែរក្សា​រាង ដែល​ស្ត្រី​តែង​យល់​ខុស​។

១. ផ្តោតលើ​លំ​ហាត់ប្រាណ​បែប​អ៊ែ​រ៉ូ​ប៊ី​ក​ច្រើនពេក និង មិនសូវ​ខ្វាយខ្វល់​ពី​លំ​ហាត់​ពង្រឹង​សាច់ដុំ​ស្ត្រី​ភាគច្រើន​មិន​ចូលចិត្ត​ហាត់​ពង្រឹង​សាច់ដុំ​នោះទេ ព្រោះ​វា​ត្រូវ​ការប្រើ​កម្លាំង និង ហាត់​ច្រើនដង ប៉ុន្តែ​សូមកុំ​យល់​ច្រ​លំ​លំ​ហាត់ប្រាណ​ពង្រឹង​សាច់ដុំ មិនមែន​ដើម្បី​តែ​ដំឡើង​សាច់ដុំ​នោះទេ គឺ​គ្រាន់តែ​ទាមទារ​ការចំណាយ​កម្លាំង​ហាត់​ជាង​លំ​ហាត់​រាំ ដើម្បី​រក្សា​សុខភាព​សាច់ដុំ​ឱ្យ​រឹងមាំ និង មិន​ទន់​យារ ។ ដូចនេះ ដំណោះស្រាយ​អ្នក​គួរ​កាត់បន្ថយ​ចំនួន​ដង​នៃ​ការហាត់ ប្រសិនបើ​អ្នក​មិនអាច​ហាត់​ដល់​ទៅ ២០ ឬ ៣០​ដង អាច​ហាត់​ត្រឹម ៨​ទៅ ១២​ដង ឬ​បន្ថយ​ទម្ងន់ (​ដុំ​ទម្ងន់​) ឱ្យ​ស្រាល​បន្តិច​ក៏បាន ។ លំ​ហាត់​ពង្រឹង​សាច់ដុំ​នេះ មាន​ប្រយោជន៍​ចំពោះ​សុខភាព​មិនតិច​ទេ ដូចជា បង្កើន​បរិមាណ​អុកស៊ីហ្សែន​ក្នុង​ខ្លួន ជំនួយ​ដល់​ការធ្វើ​មេតាបូលីស និង រក្សា​សីតុណ្ហភាព និង​ចង្វាក់បេះដូង​ដូច​ប្រក្រតី​នៅ​មុនពេល​ហាត់ប្រាណ ។ ការជួយ​ដល់​ការធ្វើ​មេតាបូលីស​នេះហើយ ដែលជា​បុព្វហេតុ​នៃ​ការដុត​បំផ្លាញ​កាល់​ឡូរី និង ឆាប់​ស្រក​ទម្ងន់ ។

M88

២. កម្មវិធី​ហាត់ប្រាណ​ផ្លាស់ប្តូរ​ច្រើន​សណ្ឋាន​ពេក​
​ដើម្បី​ហាត់ប្រាណ​ដើម្បី​សុខភាព ក៏ដូចជា​ថែរក្សា​រាងរៅ​ផង​នោះ ស្ត្រី​មិន​ចុះ​ញ៉ម​ប្រើប្រាស់​គ្រប់​វិធី ជួនកាល​គ្រាន់តែ​កម្មវិធី​ហាត់ប្រាណ​មមាញឹក​ជាង​ការងារ​ប្រចាំថ្ងៃ​ទៅទៀត តួយ៉ាង ហាត់ប្រាណ​ជា​ក្រុម​លើ​វាលស្មៅ​នៅ​ថ្ងៃ​ច័ន្ទ ហាត់​បង្វិលខ្លួន​នៅ​ថ្ងៃ​អង្គារ ហាត់​ជិះ​កង់​នៅ​ថ្ងៃ​ពុធ ហាត់​យូ​ហ្គា​នៅ​ថ្ងៃ​ព្រ​ហ​ស្ប​ត្តិ៍ ហាត់​ក្នុង​ក្លឹប​កីឡា​នៅ​ថ្ងៃ​សុក្រ និង​រត់​នៅ​ថ្ងៃ​សៅរ៍ ។ តើ​អ្នក​ពិតជា​ឧស្សាហ៍​យ៉ាងនេះ​មែន ? កម្មវិធី​ហាត់ប្រាណ​គួរតែ​ផ្លាស់ប្តូរ​ខ្លះ​ក៏ពិតមែន ប៉ុន្តែ​មិន​មានន័យថា​ខុសៗ​គ្នា​ទាំង​ប្រាំពីរ​ថ្ងៃ​ក្នុង​មួ​សប្តាហ៍​នោះឡើយ ។ ដើម្បី​កាត់បន្ថយ​ភាព​មមាញឹក​បែបនេះ និង​ទទួលបាន​លទ្ធផល​ដូចគ្នា​នោះ អ្នក​គួររៀបចំ​កាលវិភាគ​ហាត់ប្រាណ​ឡើងវិញ​ដោយ​ហាត់​ពង្រឹង​សាច់ដុំ​គ្រប់កន្លែង​នៃ​រាងកាយ​នៅ​ថ្ងៃ​ច័ន្ទ ពុធ និង សុក្រ ចំណែក​ថ្ងៃ​អង្គា​រ៍ និង ព្រ​ហ​ស្ប​ត្តិ៍ ហាត់​ជិះ​កង់ ឬ​ហាត់​ដាល់​ទាត់​។​

៣. ទទួលទាន​ប្រូតេអ៊ីន​មិន​គ្រប់គ្រាន់​
​តើ​អ្នក​ទទួលទាន​អាហារ​គ្រប់គ្រាន់​ប្រកបដោយ​សុខភាព​ដែរឬទេ ? ប្រសិនបើ​អ្នក​ហាត់ប្រាណ​ច្រើនបែប​នេះហើយ សូមកុំ​មើលរំលង​របប​អាហារ​សុខភាព ហើយ​តម​អាហារ​ទៀត​ឱ្យសោះ ពីព្រោះ​រាងកាយ​ត្រូវការ​ថាមពល ជាពិសេស​ប្រូតេអ៊ីន ។ សម្រាប់​អ្នក​ហាត់ប្រាណ រាងកាយ​ត្រូវការ​ប្រូតេអ៊ីន​ជា​ចាំបាច់​។ តាម​ការស្រាវជ្រាវ​បាន​បង្ហាញថា ការ​ទទួលទាន​ប្រូតេអ៊ីន​ក្នុង​បរិមាណ​ទ្វេដង អាច​កាត់បន្ថយ​ខ្លាញ់​ពី​រាងកាយ​បាន​ជាង​ការ​តម​អាហារ​ទៅទៀត ។ ​លក្ខិណា​