វេទិកាកសិករថ្នាក់ជាតិលើកទី៦នឹងលើកឡើងពី «កសិករស្ត្រីឆ្នើមក្នុងវិស័យកសិកម្ម»

ក្រុមការងារយេនឌ័រ និងកុមារនៃក្រសួងកសិកម្មរុក្ខាប្រមាញ់ និងនេសាទ ក្រោមកិច្ចសហការជាមួយអង្គការមិនមែនរដ្ឋាភិបាលជាតិ និងអន្តរជាតិចំនួន១៣ និងវិស័យឯកជន នឹងរៀបចំវេទិកាកសិករថ្នាក់ជាតិលើកទី៦ ក្រោមប្រធានបទ «កសិករស្ត្រីឆ្នើមក្នុងវិស័យកសិកម្ម» នាថ្ងៃទី៩ ខែមីនា នៅសណ្ឋាគារអ៊ីមភឺរាលហ្គាដិន ក្នុងរាជធានីភ្នំពេញ។

វេទិកាកសិករថ្នាក់ជាតិលើកទី ៦ ក្រោមប្រធានបទ «កសិករស្ត្រីឆ្នើមក្នុងវិស័យកសិកម្ម» ដើម្បីស្វែងរកដំណោះស្រាយកង្វល់ជាអាទិភាពចំនួនបីរបស់កសិករស្ត្រី ក្នុងនោះមានដូចជា ការរកទឹក ទុន និងទីផ្សារសម្រាប់ផលិតផលកសិកម្ម។

យោងតាមសេចក្តីជូនដំណឹងរបស់វេទិកានៃអង្គការមិនមែនរដ្ឋាភិបាលស្តីពីកម្ពុជា ការស្វែងរកដំណោះស្រាយចំពោះកង្វល់របស់កសិករអំពីតម្លៃទីផ្សារ ប្រព័ន្ធធារាសាស្ត្រ និង ការវិនិយោគ នៅតែជាបញ្ហាប្រឈម។ បញ្ហានេះបានកើតឡើង និងបណ្តាលឲ្យមានការបាត់បង់ផ្នែកសេដ្ឋកិច្ចដ៏ធំធេងចំពោះប្រទេស ដែលនៅក្នុងនោះ ប្រជាជនជាង ៨០% នៃចំនួនប្រជាជនសរុបពឹងអាស្រ័យលើការងារកសិកម្ម។

វេទិកាពេញមួយថ្ងៃដែលរៀបចំឡើងនៅថ្ងៃទីពុធ ទី៩ ខែមីនា ខាងមុខនេះ នឹងមានអ្នកចូលរួមប្រមាណ២៥០នាក់ដែលតំណាងឲ្យស្ថាប័នរាជរដ្ឋាភិបាល វិស័យឯកជន អង្គការមិនមែនរដ្ឋាភិបាលជាតិ និងអន្តរជាតិ និងកសិករមកពីប្រាំតំបន់៕

អ្នក​ឆ្លង​អេដស៍ ៣នាក់ សង្ស័យថា ខ្លួន​អាច​ឆ្លង​ដោយសារ​ចាក់​ថ្នាំ​នៅ​ពេទ្យ​ឯកជន​១ ក្បែរ​ភូមិ​ប្តី​ប្រពន្ធ​មួយគូ​វ័យ​ជាង ៥០ ឆ្នាំ ឆ្លង​មេរោគ​អេដស៍​ទាំង​មិន​អស់ចិត្ត​ភូមិពាម​៖​អ្នកឆ្លង​មេរោគ​អេដស៍​សួរ​រកមូល​ហេតុ​ចម្លង​ ​ឯក្រសួង​នៅ​តែ​មិន​ទាន់​រក​ឃើញ​