រន្ធត់ចិត្ត! ទារកកើតមក ចេញពោះវៀនមកខាងក្រៅ លទ្ធផលចុងក្រោយ…

បរទេស៖ ពិតជាគួរឲ្យរន្ធត់ចិត្ត ដោយហេតុថាទារកម្នាក់ កើតមកមានពោះវៀននៅខាងក្រៅរាងកាយ ប៉ុន្តែអ្វីដែលគួរឲ្យភ្ញាក់ផ្អើលនោះគឺថា ក្រុមគ្រូពេទ្យបានវះកាត់បញ្ចូលវិញ ដោយទទួលបានជោគជ័យផងដែរ។

ទារកដ៏មានសំណាងម្នាក់ អាចនៅរស់រានមានជីវិត បន្ទាប់ពីមានកំណើតមិនប្រក្រតី ដោយសារតែមានពោះវៀននៅខាងក្រៅរូបរាងកាយ។ បន្ទាប់ពីទារកបានកើតរួច ក្រុមគ្រូពេទ្យបានធ្វើការយ៉ាងយកចិត្តទុកដាក់បំផុត និងប្រាប់ទៅដល់ឪពុកម្តាយរបស់ទារកថា ទារកនេះត្រូវតែធ្វើការវះកាត់ជាបន្ទាន់ ព្រោះបើទុកយូរវាអាចប៉ះពាល់ដល់អាយុជីវិតរបស់ទារកបាន។ វិនាទីបន្ទាប់ក្រុមគ្រូពេទ្យ បានយកថង់ស រុំទៅលើពោះវៀនរបស់ទារកនោះសិន ដើម្បីរក្សានូវសរីរាង្គ​ និងទប់ស្កាត់ការឆ្លងមេរោគ ក្រោយមកទើបបញ្ជូនទៅបន្ទប់វះកាត់។

រន្ធត់ចិត្ត! ទារកកើតមក ចេញពោះវៀនមកខាងក្រៅ លទ្ធផលចុងក្រោយ...

បើតាមសម្តីនាង Chloe Tobin អាយុ២៤ឆ្នាំ ដែលជាម្តាយទារកនោះបានឲ្យដឹងដែរថា “ខណៈពេលកំពុងសម្រាល ខ្ញុំបានលឺសំលេងរបស់កូនស្រីខ្ញុំ Maisie នាងយំ ដូច្នេះខ្ញុំគិតថានាង ប្រហែលជាកើតរួចហើយ ពេលនោះខ្ញុំក៍ចាប់ផ្តើមយំជាមួយនាងផងដែរ។ ក្រោយមកខ្ញុំ ក្រឡេកភ្នែកមើលនាងមួយភ្លែត តែអ្វីដែរធ្វើឲ្យខ្ញុំតក់ស្លត់ ទប់អារម្មណ៍មិនបាននោះគឺថា គ្រូពេទ្យបានយកថង់រុំទៅលើសរីរាង្គ និងមានឧបករណ៍ពេទ្យជាច្រើនទៀត បំពាក់នៅលើខ្លួននាង។ បន្តិចក្រោយមក ក៏យកនាងទៅធ្វើការវះកាត់ភ្លាមៗ ខ្ញុំពិតជាតក់ស្លត់ខ្លាំងមែនទែន។ ប៉ុន្តែលទ្ធផលចុងក្រោយនោះ គឺក្រុមគ្រូពេទ្យបានវះកាត់ ដាក់បញ្ចូលវិញ ដោយទទួលបានជោគជ័យ។ ខ្ញុំពិតជារំភើបសឹងតែថាមិនអាចរកអ្វីប្រៀបផ្ទឹមបានឡើយ"

គួរបញ្ជាក់ដែរថា មកទល់ពេលនេះ ទារកតូចនោះ មានអាយុប្រហែល៤ខែហើយ។ នាង Tobin ជាម្តាយ រួមជាមួយសា្វមី Joe និងកូនស្រីម្នាក់ទៀត ឈ្មោះ Elouise អាយុ៥ឆ្នាំ មានគម្រោងដើរកម្សាន្តជាលក្ខណៈគ្រួសារ ដើម្បីជាការអបអរដល់កូនស្រី គួរឲ្យស្រលាញ់របស់ពួកគេផងដែរ៕

រន្ធត់ចិត្ត! ទារកកើតមក ចេញពោះវៀនមកខាងក្រៅ លទ្ធផលចុងក្រោយ...
រន្ធត់ចិត្ត! ទារកកើតមក ចេញពោះវៀនមកខាងក្រៅ លទ្ធផលចុងក្រោយ...
រន្ធត់ចិត្ត! ទារកកើតមក ចេញពោះវៀនមកខាងក្រៅ លទ្ធផលចុងក្រោយ...
រន្ធត់ចិត្ត! ទារកកើតមក ចេញពោះវៀនមកខាងក្រៅ លទ្ធផលចុងក្រោយ...

ប្រភព៖

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត