ការប្រកួតកីឡាបាល់ទះថ្នាក់ជាតិ ពានរង្វាន់ លីអូបៀរ ឆ្នាំ២០១៦ ចាប់ផ្តើមហើយ

ភ្នំពេញ៖ ការប្រកួតកីឡាបាល់ទះថ្នាក់ជាតិ ពានរង្វាន់ លីអូបៀរ ឆ្នាំ២០១៦ (LEO​ Cup National Volleyball 2016) គឺ​ ជាព្រឹត្តិការណ៍ប្រកួតបាល់ទះលំដាប់ថ្នាក់ជាតិ ដ៏អស្ចារ្យបំផុតក្នុងព្រះរាជាណាចក្រកម្ពុជា បានត្រឡប់មកទៀតហើយ នៅឯពហុកីឡាដ្ឋានជាតិអូឡាំពិក ចាប់ពីថ្ងៃទី២៣ ដល់ថ្ងៃទី ២៨ខែកុម្ភៈ ឆ្នាំ២០១៦ នេះតទៅ។

ការប្រកួតកីឡាបាល់ទះថ្នាក់ជាតិ  ពានរង្វាន់ លីអូបៀរ ឆ្នាំ២០១៦ ចាប់ផ្តើមហើយ

LEO Cup National Volleyball 2016 វគ្គជំរុះមណ្ឌលរាជធានីភ្នំពេញ ទទួលបានការដាក់ពាក្យចូលរួមប្រកួតក្នុង

មណ្ឌល បានចំនួន៨ក្រុម ដូចរាយនាមខាងក្រោម:

 ១. ក្រុមយុវជនសាមគ្គី

​ ២.យុវជនបុរីកីឡា

​ ៣.អង្គការដើម្បីភាពញញឹមនៃកុមារ

 ៤.សមាគមនិស្សិត

 ៥.យុវជនទំពាំងស្នងឬស្សី

 ៦.យុវជនភ្នំពេញថ្មី

 ៧.វិទ្យាស្ថានជាតិអប់រំកាយនិងកីឡា

 ៨.​យុវជនសង្កាត់ព្រែកឯង

ក្នុងនោះក្រុមប្រឹក្សា និងគណះកម្មការ នៃសហព័ន្ធកីឡាបាល់ទះកម្ពុជា បានធ្វើការប្រជុំចាប់ឆ្នោតបែងចែកជាពីរពូល រួមមាន:

ពូល A :

១. ក្រុមយុវជនសាមគ្គី, ២.យុវជនបុរីកីឡា,​ ៣.អង្គការដើម្បីភាពញញឹមនៃកុមារ,  ៤.សមាគមនិស្សិត

ពូល B :

១.យុវជនទំពាំងស្នងឬស្សី, ២.យុវជនភ្នំពេញថ្មី, ៣.វិទ្យាស្ថានជាតិអប់រំកាយនិងកីឡា,  ៤.​យុវជនសង្កាត់ព្រែកឯង។

ការប្រកួតវគ្គជំរុះ មណ្ឌលរាជធានីភ្នំពេញ មានរយះពេល៦ថ្ងៃចាប់ពីថ្ងៃ អង្គារ៍ ទី២៣ រហូតដល់ថ្ងៃអាទិត្យទី២៨​ ដែលជាថ្ងៃផ្តាច់ព្រ័ត្រ នៃការប្រកួត។

ដែលជាលទ្ធផល ក្នុងថ្ងៃប្រកួតទី១ ថ្ងៃអង្គារ៍ ទី២៣ ខែកុម្ភៈ ម្សិលមិញនេះ ឃើញថា៖

-ក្រុមសមាគមនិស្សិត ឈ្នះការប្រកួតលើ ក្រុមយុវជនសាមគ្គី ដោយលទ្ធផល ៣-០

-ក្រុមយុវជនបុរីកីឡា ឈ្នះការប្រកួតលើ ក្រុមអង្គការដើម្បីភាពញញឹមនៃកុមារ (PSE) ដោយលទ្ធផល ៣-១

-ក្រុមយុវជនសង្កាត់ព្រែកឯង ឈ្នះការប្រកួតលើ ក្រុមយុវជនទំពាំងស្នងឫស្សី ៣-១

ជាក់ស្តែងក៏នៅមានការប្រកួតមិត្តភាព ពិសេសរវាងក្រុមវិសាខា ជាមួយក្រុមសាលាខេត្តកំពង់ចាមផងដែរ។

ចំណែកថ្ងែទី២៨ខែកុម្ភៈ នឹងមានគូប្រកួតមិត្តភាពពិសេស រវាងក្រុមបញ្ចាការដ្ឋានអង្គរក្ស និងក្រុមក្រសួងមហាផ្ទៃ។ ជាមួយគ្នានោះ នឹងមានការផ្សាយផ្ទាល់ តាមរយៈទូរទស្សន៍ MYTV ចាប់ពីម៉ោង២រសៀលតទៅ នៅឯពហុកីឡដ្ឋានជាតិអូឡាំពិក៕
ការប្រកួតកីឡាបាល់ទះថ្នាក់ជាតិ  ពានរង្វាន់ លីអូបៀរ ឆ្នាំ២០១៦ ចាប់ផ្តើមហើយ
ការប្រកួតកីឡាបាល់ទះថ្នាក់ជាតិ  ពានរង្វាន់ លីអូបៀរ ឆ្នាំ២០១៦ ចាប់ផ្តើមហើយ
ការប្រកួតកីឡាបាល់ទះថ្នាក់ជាតិ  ពានរង្វាន់ លីអូបៀរ ឆ្នាំ២០១៦ ចាប់ផ្តើមហើយ
ការប្រកួតកីឡាបាល់ទះថ្នាក់ជាតិ  ពានរង្វាន់ លីអូបៀរ ឆ្នាំ២០១៦ ចាប់ផ្តើមហើយ

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត