គង់ ច័ន្ទស្រីមុំ ប្រតិកម្មស្បែករមាស់ ជិត២ខែ កំពុងស្វែងរកពេទ្យ ពូកែខាងស្បែកព្យាបាល

ភ្នំពេញៈ តារាសម្តែងសាច់សរ ប្រៀបដូចបណ្តូលចេក ដែលទើបតែរៀបការហើយ ប្រមាណ១សប្តាហ៍ នាង គង់ ច័ន្ទស្រីមុំ នៅមុននេះបន្តិច បានសរសេរសារបង្ហោះ ជា សាធារណៈថា នាងមានបញ្ហា ប្រតិកម្មស្បែក ដោយមានអាការៈរមាស់ស្បែក ប្រមាណជិត២ខែហើយ នៅមិនទាន់បាត់ទៀត។

អ្នកនាង គង់ ច័ន្ទស្រីមុំ គឺជាតារាមួយដួង ដែលមានពណ៌សម្បុរស្បែក ស្រស់ស្អាតសរម៉ដ្ឋរលោង ពេលនេះបានទម្លាយថា ខ្លួននាងកំពុងតែ ជួបប្រទះបញ្ហា ស្បែក ប្រមាណ ជិត២ខែហើយ ដោយនាងបានសរសេរ សារបង្ហោះនៅលើ Facebook ប្រមាណ១ម៉ោងមុននេះថា « Hmmm មានអ្នកណាគេស្គាល់ពេទ្យពូកែ ខាងស្បែកដែរឫទេ? ខ្ញុំមានអាការៈ រមាស់ស្បែក តែមិនមានកន្ទួលទេ បែបនេះជិត 2 ខែហើយ បើអ្នកណាស្គាល់សូម ជួយប្រាប់តាមរយៈ comments វិញផងណា » ។

ពាក់ព័ន្ធទៅនិងបញ្ហា ជំងឺប្រតិកម្មស្បែករបស់តារាស្រី គង់ ច័ន្ទស្រីមុំ នេះ ត្រូវបានទស្សនិកជនភាគច្រើន ដាក់ការសង្ស័យថា ការប្រតិកម្មស្បែកនេះ ទំនងមកពី នាងធ្វើការ កែសម្ផស្ស ប្រើប្រាស់ផលិតផល ដើម្បីធ្វើឲ្យស្បែកសរ ហើយទើបនាង មានបញ្ហា ស្បែកបែបនេះ ។ ជុំវិញមន្ទិលសង្ស័យរបស់ មហាជនបែបនេះ ត្រូវបានម្ចាស់សាមីខ្លួន បានប្រាប់ពីមូលហេតុ ដែលនាងជួបប្រទះបញ្ហានេះ « ដោយសារតែនាងបាន ទៅលេងទឹកព្រែកមកវិញ ក៏មានបញ្ហាស្បែកទៅ ដល់ពេលនេះ មិនទាន់បាត់សោះ » ។ បើទោះជាពេលនេះ តារារូបនេះបានពើបប្រទះ បញ្ហាស្បែកបែបនេះក៏ដោយ តែនាងនៅមិនទាន់ស្វែងរក បានគ្រូពេទ្យល្អព្យាបាលស្បែក របស់នាងនៅឡើយទេ ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload