ថន លក្ខិណា ចេញមុខតបតនឹងអ្នក រិះគន់ថា តារាស្រុកខ្មែរ សុទ្ធតែ កែសម្ផស្ស

ភ្នំពេញ៖ តារាសម្តែង និងជាពិធីការិនី កញ្ញា ថន លក្ខិណា នៅពេលថ្មីៗនេះ បានទទួលរងព្រនង់នៃការ រិះគន់ពីសំណាក់អ្នកលេង Facebook ដោយបានលើកឡើងថា នាងរួមជាមួយតារាស្រីផ្សេងៗ ក្នុងស្រុកខ្មែរភាគច្រើន សុទ្ធតែធ្វើការវះកាត់កែសម្ផស្ស មិនមែនស្អាតតាមធម្មជាតិនោះទេ ។

ជុំវិញការរិះគន់បែបនេះ ត្រូវបានម្ចាស់ សាម៉ីខ្លួនរូបនេះ ចេញមុខប្រតិកម្មតបតទៅវិញ ដោយទទួលស្គាល់ថា នាងពិតជាកែសម្ផស្សមែន ប៉ុន្តែអ្វីដែលនាងធ្វើគឺ តម្រូវទៅតាមការស្រលាញ់ ពេញចិត្តរបស់ខ្លួនឯង មិនបានធ្វើឲ្យអ្នក ដទៃក្តៅក្រហាយទេ ។

តាមរយៈ Account Facebook មួយដែលមានឈ្មោះថា « អ៊ិន សុខណាលីន» បានសរសេរ Comment បែបក្នុងន័យរិះគន់ នៅក្នុងរូបរបស់តារាស្រី ថន លក្ខិណា ថា «តារាស្រុកខ្មែរភាគច្រើន កែមុខមាត់មិនមែនស្អាត តាមធម្មជាតិទេ » ។

ដោយឡែកបន្ទាប់ពី មានការរិះគន់បែបនេះ ម្ចាស់សាម៉ីខ្លួននាង ថន លក្ខិណា បានចេញមុខបកស្រាយតបតទៅវិញថា «ចាស ពិតហើយបងស្រី គេមិនស្អាតបានគេកែ ដើម្បីតម្រូវការរបស់គេ ប៉ុន្តែក៏មិនបានធ្វើឲ្យអ្នកដទៃ ក្តៅក្រហាយ ដោយសារគេដែរ។ មិនខ្វះទេអ្នកដែលចង់កែ ប៉ុន្តែអត់មានលុយកែ។ ដូច្នេះការកែមុខ វាជារឿងធម្មតា ហើយសម្រាប់មនុស្សស្រី នាពេលបច្ចុបន្បន្ននេះ ដូចច្នេះគេចង់កែ រឺចង់ធ្វើអីវាជាសិទ្ធរបស់គេ សំខាន់គេមិនយកលុយយើង ទៅកែទៅវាបានហើយ » ៕

ថន លក្ខិណា ចេញមុខតបតនឹងអ្នក រិះគន់ថា តារាស្រុកខ្មែរ សុទ្ធតែ កែសម្ផស្ស
ថន លក្ខិណា ចេញមុខតបតនឹងអ្នក រិះគន់ថា តារាស្រុកខ្មែរ សុទ្ធតែ កែសម្ផស្ស
ថន លក្ខិណា ចេញមុខតបតនឹងអ្នក រិះគន់ថា តារាស្រុកខ្មែរ សុទ្ធតែ កែសម្ផស្ស
ថន លក្ខិណា ចេញមុខតបតនឹងអ្នក រិះគន់ថា តារាស្រុកខ្មែរ សុទ្ធតែ កែសម្ផស្ស
ថន លក្ខិណា ចេញមុខតបតនឹងអ្នក រិះគន់ថា តារាស្រុកខ្មែរ សុទ្ធតែ កែសម្ផស្ស

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload