ទ​ង្វើ​អាក្រក់​ពេក​! មិនដឹង​ជា​មនុស្ស ឬ​ជា​សត្វ​នោះ​ទេ

ខេត្តពោធិ៍សាត់​ ៖​ បុរស​ម្នាក់​​ត្រូវ​សមត្ថកិច្ច​ឃាត់ខ្លួន​ពី​បទ​រំលោភ​កូនស្រី​បង្កើត​ខ្លួនឯង​​អាយុ​​៩​ឆ្នាំ​ កាលពី​វេលា​ម៉ោង​​៩​ព្រឹក ​ថ្ងៃ​ទី​២៧ មេសា​ ២០១៦​ ស្ថិតនៅ​ចំណុច​ក្រោមផ្ទះ​​​​ ក្នុងភូមិ​កំពង់​ឡ​ ឃុំ​កំពង់​ពោធិ៍ ​ស្រុក​ក្រគរ ​ខេត្តពោធិ៍សាត់ ​ខណៈ​​​ប្រពន្ធ​ទៅ​ធ្វើការ​​នៅ​រោង​ចក្របាត់ ​។

​ជន​សង្ស័យ​​ឈ្មោះ​រុំ វ៉ា​ន់ ​អាយុ​៣៦​ឆ្នាំ​ និង​កូនស្រី​​រង​គ្រោះ​​អាយុ​​៩​ឆ្នាំ ​រស់នៅ​ភូមិ​-ឃុំ​កើតហេតុ​ខាងលើ​ ។​ ការ​ឃាត់ខ្លួន​ជនសង្ស័យ​នេះ គឺយោង​តាម​ពាក្យបណ្ដឹង​ស្ត្រីជា​ម្ដាយ​​បាន​រាយការណ៍​​ថា ​ក្រោយ​ពី​នាង​​ត្រឡប់​មក​ពី​ធ្វើការ​នៅ​រោងចក្រ​វិញ ប្តី​​ដែលជា​ឪពុក​បាន​ចាប់​កូនស្រី​រំលោភ​​បាន​សម្រេច ​ហើយ​មាន​​ហូរ​ឈាម​មិន​ឈប់​​តាម​ប្រដាប់​ភេទ​​ឈឺ​ចុកចាប់​យ៉ាង​ខ្លាំង​ រហូត​គាត់​យក​​ដុំ​ថ្ម​ដុត​ឱ្យក្ដៅ​យក​មក​ស្អំ​ពោះ​​ទៀត​​ផង​។

នៅ​ចំពោះ​មុខ​សមត្ថកិច្ច​ជនសង្ស័យ​បាន​​សារភាព​ថា ខ្លួន​ពិតជា​បានចាប់​​រំលោភ​កូនស្រី​​រំលោភពិតប្រាកដ​មែន ដោយ​​នៅ​ព្រឹក​​នោះ​បន្ទាប់​ពី​ប្រពន្ធ​ចេញ​ទៅ​ធ្វើការ​រោងចក្រ​បាត់ ​​ខ្លួន​បាន​ដេក​ប្រលែង​​លេង​ជាមួយ​កូនស្រី​នៅ​​ក្រោមផ្ទះ​ ។​ ក្រោយមក​ ខ្លួន​បាន​អង្អែល​ប្រដាប់​ភេទ​លេង​ និង​បាន​យក​ម្រាមដៃ​រុកចូល​ទៅ​ក្នុង​រន្ធ​ប្រដាប់​ភេទ ពេល​នោះ​កូន​បាន​ស្រែ​កថា​ ឈឺ​ណាស់​​ដក​ដៃ​ចេញ​វិញ​។​

ភ្លាម​ៗ​នោះកូន​បាន​ប្រាប់​ថា​ មាន​ឈាម​ហូរ​ច្រើន​ណាស់ ឃើញ​ដូច្នោះ​ខ្លួន​បាន​យក​ខោ ​និង​សារុង​ម្ដា​យមក​ជូត​ឲ្យ​រួច​ហើយ​ដួស​បាយ​ឲ្យ​ហូប ​។​ លុះ​ពេល​យប់​ប្រពន្ធ​ត្រឡប់​មក​ពី​ធ្វើការ​វិញ​ ត្រូវកូន​ប្រាប់​ម្ដាយ ទើបប្តឹង​ទៅសមត្ថកិច្ច​មក​ឃាត់ខ្លួន​តែ​ម្ដង​។  

ប្រភព ៖

កំណត់ហេតុខ្មែរឡូត៖ 

គួររំលឹកផងដែរថា ទាក់ទងនឹងករណីយខាងលើនេះដែរ បុរសម្នាក់ត្រូវ បានកម្លាំងនគរបាល ស្រុកព្រែកប្រសព្វ ធ្វើការឃាត់ខ្លួន បន្ទាប់ពីជនរូបនេះ ប៉ុនប៉ងធ្វើសកម្មភាព នៅថ្ងៃទី២៤ ខែមេសា ឆ្នាំ២០១៦នេះ។

លោកវរសេនីយ៍ទោ ចាន់ សុផល្លា អធិការនគរបាលស្រុក ព្រែកប្រសព្វ បានឲ្យដឹងថា ជនសង្ស័យដែលត្រូវឃាត់ខ្លួន ឈ្មោះ ម៉ុន ម៉ៃ អាយុ៤៧ឆ្នាំ រស់នៅស្រុកព្រែកប្រសព្វ ខេត្តក្រចេះ ជនសង្ស័យត្រូវបានឃាត់ខ្លួន​ ដោយយោងតាមពាក្យ បណ្តឹងរបស់ជនរងគ្រោះ ដែលត្រូវជាប្រពន្ធ និងកូនស្រី ដោយចោទថា ប៉ុនប៉ងធ្វើសកម្មភាពរំលោភ។

បើតាមការសួរនាំរបស់កម្លាំង នគរបាលស្រុកព្រែកប្រសព្វ បានឲ្យដឹងថា ជនសង្ស័យ ម៉ុន ម៉ៃ នេះ ធ្លាប់បានធ្វើសកម្មភាពរំលោភ កូនស្រីបង្កើតរបស់ខ្លួន ដែលទើបតែមានអាយុ១៤ឆ្នាំ បានសម្រេចចំនួន ៥ដងរួចមកហើយ ក្នុងរយៈពេលជាង ១ឆ្នាំមកនេះ ហើយលើកចុងក្រោយនេះ ជនសង្ស័យបានព្យាយាម រំលោភម្តងទៀត ប៉ុន្តែត្រូវបានប្រពន្ធ និងកូនស្រីប្តឹងនគរបាល ទើបឈានដល់ការឃាត់ខ្លួនតែម្តង៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត