ទម្រង់គូថ ៥ប្រភេទខុសៗគ្នា នៅក្នុងពិភពលោក

មិនថាអ្នកគិតថា អ្នកស្គាល់ពីខ្លួនប្រាណរបស់ខ្លួនឯងបានល្អប៉ុណ្ណាទេ មានវេជ្ជបណ្ឌិតផ្នែកវះកាត់ម្នាក់លោក Matthew Schulman មើលដឹងពីប្រភេទទម្រង់គូថរបស់អ្នក បានកាន់តែប្រសើរ។ តាមរយៈការងាររបស់គាត់ គាត់បានពិនិត្យមើលទៅលើទម្រង់គូថប្រមាណ ៥០.០០០នាក់ ពី ៣៥ប្រទេស និងស្ទើតែមនុស្សពេញមួយសហរដ្ឋអាមេរិច។ ហើយគាត់បានបន្ថែមមនុស្សច្រើនជាង ២០០០នាក់ទៀត។

 

ទម្រង់គូថ ៥ប្រភេទខុសៗគ្នា នៅក្នុងពិភពលោក
វេជ្ជបណ្ឌិត Schulman បាននិយាយថា ទម្រង់គូថរបស់អ្នកត្រូវបានកំណត់ដោយត្រគាក និងឆ្អឹងត្រគាករបស់អ្នក បរិមាណជាតិខ្លាញ់របស់អ្នក និងការចែកចាយរបស់វា ទំហំនៃសាច់ដុំត្រគាកផ្នែកខាងក្រោមរបស់អ្នក និងការផ្សាភ្ជាប់រវាងសាច់ដុំគូថនឹងឆ្អឹងភ្លៅ។ លទ្ធផលដែលទទួលបាន ទម្រង់គូថត្រូវបានចែកចេញពី ៥ប្រភេទ។

ដូចគ្នានេះដែរ យោងតាមអ្នកជំនាញ Tomima Edmark បានឲ្យដឹងថា ការស្គាល់ពីទម្រង់សុដន់របស់អ្នក អាចជួយឲ្យអ្នករកអាវទ្រនាប់ដែលសក្តិសមសម្រាប់អ្នក ការបានស្គាល់ពីទម្រង់គូថរបស់អ្នកអាចកំណត់ថា ខោក្នុងម៉ូតមួយណាដែលសមល្មមនឹងអ្នក ហើយធ្វើឲ្យអ្នកមានភាពទាក់ទាញបំផុត។ ដូច្នេះខាងក្រោមនេះនឹងបង្ហាញពី ទម្រង់គូថ និងម៉ូតខោក្នុងដែលផ្តល់ភាពទាក់ទាញ ហើយធ្វើឲ្យអ្នកសុខស្រួលបំផុត៖

១. រាងការ៉េ
យោងតាមវេជ្ជបណ្ឌិត Schulman បានឲ្យដឹងថា ប្រសិនបើឆ្អឹងត្រគាក និងភ្លៅខាងក្រៅរបស់អ្នករត់កាត់កែងគ្នា, គូថរបស់អ្នកមានទម្រង់ជាការ៉េ។
ប្រភេទខោក្នុងដែលសក្តិសមនឹងអ្នកបំផុត: ម៉ូតខោដែលគ្របដណ្តប់មកដល់ភ្លៅ រឹបត្រង់ភ្លៅ ខោក្នុងជើងខ្លីបុរស ប៊ីគីនី ខ្សែស្បែក អាចផ្តល់ភាពសុខស្រួល និងផ្តល់ភាពទាក់ទាញដល់មនុស្សស្រីទម្រង់គូថរាងការ៉េ។ ចៀសវាងខោក្នុងជើងខ្វៀល។

២. រាងអក្សរ V
យោងតាមវេជ្ជបណ្ឌិត Schulman បានឲ្យដឹងថា ប្រសិនបើជ្រុងត្រគាកកាត់ជ្រុងភ្លៅខាងក្នុងរបស់អ្នក គូថរបស់អ្នកមានទម្រង់ជាអក្សរ V និងជាមនុស្សស្រីមានស្មាបើកធំ ត្រគាកតូច។
ប្រភេទខោក្នុងដែលសក្តិសមនឹងអ្នក: ខោក្នុងជើងខ្លី ប៊ីគីនីមិនខ្វាលជើង ដែលអាចគ្របដណ្តប់ថ្ពាល់គូថរបស់អ្នក។  ដោយសារទម្រង់គូថរាងអក្សរ Vអាចធ្វើឲ្យថ្ពាល់គូថរបស់អ្នកមើលទៅយារធ្លាក់។

៣. រាងអក្សរ A
ស្ត្រីគូថរាងដូចផ្លែប័រ ច្រើនមានទម្រង់គូថរាងអក្សរ A ដែលឆ្អឹងត្រគាកក្រោមបើកធំ។
ប្រភេទខោក្នុងដែលសក្តិសមនឹងអ្នកបំផុត: ដោយសារទម្រង់គូថរាងអក្សរ Aតែងតែមានគល់ភ្លៅពេញល្អ ដូច្នេះម៉ូតខោក្នុងដែលផ្តល់ភាពសុខស្រួលបំផុត ជាខោជើងខ្វៀលខ្ពស់។ ចៀសវាងខោជើងខ្វាលធម្មតា ព្រោះវាអាចធ្វើឲ្យមិនសុខស្រួល។

៤. រាងមូល
នេះជាទម្រង់គូថដែលងាយយល់។ ប្រសិនបើអ្នកចង់បានទម្រង់គូថរាងមូល អ្នកត្រូវពង្រឹងសាច់ដុំគូថ ដោយមិនចាំបាច់ត្រូវវះកាត់។
ប្រភេទខោក្នុងដែលសក្តិសមនឹងអ្នក: ទម្រង់គូថរាងមូលបែបនេះ ទាមទារក្រណាត់បន្ថែមផ្នែកខាងក្រោយដើម្បីបិតបាំងពេញទាំងគូថ។ ប្រភេទខោក្នុងដែលប្រសើរបំផុតគឺ ខ្សែស្បែក ខោក្នុងជើងខ្លី។

៥. រាងបេះដូងបញ្ច្រាស់
ទម្រង់គូថរាងបេះដូងបញ្ច្រាស់មានរាងកោងត្រង់ត្រគាកខាងក្រៅ តែផ្នែកខាងក្រោមកាន់តែកោងជាងផ្នែកខាងលើត្រគាក។
ប្រភេទខោក្នុងដែលសក្តិសមនឹងអ្នក: ដោយសារគូថ និងត្រគាកពេញល្អ ខោក្នុងខ្វៀលជើងខ្ពស់នឹងមិនអាចគ្របដណ្តប់ថ្ពាល់គូថរបស់អ្នកបានទេ។ ដូច្នេះ ត្រូវស្លៀកខោក្នុងជើងខ្លី ប៊ីគីនីជើងខ្លី៕

ដោយ៖ ដារ៉ា
ប្រភព៖ healthadvisorgroup

    * សូមជូនដំណឹង! ចំពោះបណ្តោវិបសាយថ៍ផ្សេងៗដែលយក និងចង់បាន​អត្ថបទពី គេហទំព័រមង្គលការ យើងខ្ញុំ​សូមទំនាក់ទំនងមកកាន់ ការិកាល័យនិពន្ធ +855 087 211 131 ។

    * សម្រាប់ការ​ប្រឹក្សាដោយឥតគិតថ្លៃលើ​បញ្ហាដូចជា ផ្លូវភេទ ផ្លូវចិត្ត និង​ជំងឺផ្សេងៗ សូមទំនាក់​ទំនង​តាមរយៈ​ទូរស័ព្ទ +855 17 489 402 ។ សូមអរគុណ...!

    • ទម្រង់គូថ ៥ប្រភេទខុសៗគ្នា នៅក្នុងពិភពលោក