សភាពការណ៍​ភ្លើង​ឆេះ​ព្រៃ​រាលដាល​នៅ​ទីក្រុង FORT MCMURRAY កា​ណា​ដា​កាន់តែ​ធ្ងន់ធ្ងរ

តុល្យការ​កាន់តែ​អាក្រក់​នៅ​ទីក្រុង FORT MCMURRAY ក្នុង​ខេត្ត​អាល់​ប័​រ​តា​កា​ណា​ដា ដោយ​ភ្លើង​ឆេះ​ព្រៃ​រាតត្បាត​ទីក្រុង​នេះ បន្ត​ឆេះ​រាលដាល ហើយ​ញ៉ាំង​ឱ្យ​មានការ​ខូច​ខាត​​ច្រើន​បំផុត​នា​ថ្ងៃ​ទី​៥ ឧសភា ។

បណ្តា​សង្កាត់​ទាំងមូល​នៃ​ទីក្រុង​នោះ​ដែល​ប្រជាជន​ទាំង​១០០.០០០​នាក់​រត់​ចេញ​អស់​រង​ការ​បំផ្លាញ​រួច​ហើយ ។ ផ្ទុះ​ប្រមាណ​ជា​២.០០០​ខ្នង​រង​ការ​បំផ្លាញ ព្រមទាំង​បណ្តា​អគារ​សំខាន់​ៗ​។ ក្នុង​សង្កាត់ WATERWAYS ស្ថិត​នៅ​ចន្លោះ​ផ្លូវថ្នល់​មួយ និង​ទន្លេ CLEAWATER ផ្ទះសម្បែង​ប្រមាណ​ជា​៩០% រង​ការ​បំផ្លាញ ។ យោង​តាម​សាលាក្រុង​ថា ក្នុង​សង្កាត់​ជិតខាង BEACON HILL ផ្ទះសម្បែង​៣​ភាគ​៤​ក្លាយជា​គំនរ​ផេះ ។ ទីតាំង​ប្រតិបត្តិការ​របស់​ក្រុម​ពន្លត់ភ្លើង​ក៏​ត្រូវ​រើ​ចេញ​ដែរ ។

ការ​ប្រកាស​អាសន្ន​ត្រូវ​បាន​ធ្វើ​ដោយ​អាជ្ញាធរ​ខេត្ត​អាល់​ប័​រ​តា សម្រាប់​ខេត្ត​ទាំងមូល ។ ទីក្រុង​ប្រេងកាត FORT MCMURRAY ពុំ​មែន​ជាទី​ក្រុង​តែ​មួយ​គត់​រង​ការ​ប៉ះពាល់ ដោយ​ភ្លើង​ឆេះ​ព្រៃ​ឡើយ ។ ផ្នែក​សង្គ្រោះ​បន្ទាន់​ខេត្ត​បាន​ចេញ​បញ្ជា​ឱ្យ​ជម្លៀស​មនុស្ស​ចេញ​៤.០០០​នាក់​ពី​ទីក្រុង HIGH LEVEL ។ ទីក្រុង ANZAC ភាគ​អាគ្នេយ៍​ក្រុង FORT MCMURRAY ដែល​ទទួល​បណ្តា​មនុស្ស​ដែល​ជម្លៀស​ចេញ​ក៏​ទទួលបញ្ជា​ឱ្យ​ជម្លៀស​មនុស្ស​ចេញ​ដែរ ៕