ដោយសារចង់បាន ទឹកភ្លៀង​​ ប្រើប្រាស់ ធ្វើឲ្យស្រ្តីម្នាក់ស្លាប់ និងរងរបួសធ្ងន់ នៅកំពត

កំពត៖ រន្ទះបាញ់បានប្រល័យជីវិតស្រ្តីម្នាក់ និងបង្ករបួសធ្ងន់ម្នាក់ក្នុង២ ករណីផ្សេងគ្នានៅស្រុកជុំគីរី និងស្រុកទឹកឈូ ខេត្តកំពតដោយសារម្នាក់ ចង់បានទឹកប្រើប្រាស់ ក្នុងគ្រាកំពុងខ្វះខាតទឹក ខណៈម្នាក់ទៀតអង្គុយលេងនៅក្នុងផ្ទះ ។

មន្ត្រីនគរបាលស្រុកជុំគីរី បានឲ្យដឹងថា ស្ត្រីម្នាក់បានស្លាប់ ដោយសាររន្ទះបាញ់ ខណៈកំពុងត្រងទឹកភ្លៀងនៅក្បែរផ្ទះរបស់ខ្លួន នៅម៉ោង១២ថ្ងៃត្រង់ ទី៦ ខែឧសភា ឆ្នាំ២០១៦ ស្ថិតក្នុងភូមិស្នាយអញ្ជិត ឃុំស្នាយអញ្ជិត ស្រុកជុំគីរី ខេត្តកំពត។ ស្ត្រីរងគ្រោះ ឈ្មោះ ឆេង រឿន អាយុ៤៥ឆ្នាំ រស់នៅភូមិ ឃុំខាងលើ។

ដោយឡែក មន្ត្រីនគរបាលស្រុកទឹកឈូ ក៏បានប្រាប់ឲ្យដឹងដែរថា ស្ត្រីម្នាក់ទៀត បានរងរបួសធ្ងន់ ដោយសាររន្ទះបាញ់ផងដែរ ខណៈមាន ភ្លៀងធ្លាក់ ហើយជនរងគ្រោះបានអង្គុយនៅក្នុងផ្ទះរបស់ខ្លួននោះ នៅម៉ោង២និង៤០នាទីរសៀល ថ្ងៃទី៦ ខែឧសភា ឆ្នាំ២០១៦ ស្ថិតក្នុងភូមិព្រែកក្រែង ឃុំព្រែកត្នោត ស្រុកទឹកឈូ ខេត្តកំពត។ ជនរងគ្រោះ ឈ្មោះ ហេង ស្រីពៅ អាយុ២៣ឆ្នាំ រស់នៅភូមិ ឃុំកើតហេតុខាងលើ។ ជនរងគ្រោះត្រូវគេ នាំយកទៅកប់ដី ដើម្បីសង្គ្រោះជីវិត តាមរបៀបចាស់បុរាណ៕

ប្រភព ៖

កំណត់ហេតុខ្មែរឡូត៖

ករណីស្រដៀងគ្នានេះដែរនៅ​នឹង​កន្លែង គួរ​ឱ្យ​អាណិតអាសូរ ខណៈ​នាំ​មិត្តភក្តិ​តូច​ៗ ដូច​គ្នា​ចំនួន​៣​នាក់ ដើរ​ចេញពី​ខ្ទម​ចាំចម្ការ​បម្រុង​នឹង​ទៅ​ដឹកគោ​ផ្លាស់​យក​ទៅ​ឱ្យ​ស៊ី​ស្មៅ​នៅ​កន្លែង​ផ្សេង ស្រាប់តែ​កំពុង​ដើរ​សុខ​ៗ ខណៈ​មេឃ​ក្លាយទៅជា​ខ្មៅ​ងងឹត​លាយឡំ​ទៅ​ដោយ​ភ្លៀងរលឹម​ស្រិច​ៗ បង្ក​ជា​រន្ទះបាញ់​ស្លាប់​ម្នាក់​តែ​ម្តង ។

បន្ទាប់​ពី​រន្ទះបាញ់​ភ្លាម ឪពុក​កុមា​រា​រង​គ្រោះ​ក្រឡេក​ចេញពី​ខ្ទម​ចាំចម្ការ អត់​ឃើញ​កូន​របស់​ខ្លួន​ដើរ​ជាមួយ​មិត្តភក្តិ​ដទៃ​ទៀត ទើប​គិត​ថា​កូន​ត្រូវ​រន្ទះបាញ់ លុះរ​ត់ទៅ​មើលឃើញ​ស្លាប់​បាត់​ទៅ​ហើយ ធ្វើ​ឱ្យ​មានការ​តក់ស្លុត​យ៉ាង​ខ្លាំង ។

ហេតុការណ៍​រន្ទះបាញ់​ក្មេង​ប្រុស​តូច​ម្នាក់​ស្លាប់ ក្នុង​ចំណោម​៣​នាក់ ខណៈ​ដើរ​តាម​វាល​ចម្ការ បម្រុង​ទៅ​ផ្លាស់​គោ​របស់​ខ្លួន​ឱ្យ​ស៊ី​ស្មៅ​កន្លែង​ផ្សេង​នេះ បាន​កើតឡើង​កាលពី​វេលា​ម៉ោង​៤ និង​១០​នាទី​រសៀល​ថ្ងៃ​ទី​០២ ខែមេសា ឆ្នាំ​២០១ ៦ ស្ថិត​នៅ​ចំណុច​ភូមិ​ទំនប់ ឃុំ​ស្ទឹង​ត្រង់ ស្រុក​សាលា​ក្រៅ ។

ប្រភព​ព័ត៌មាន​ពី​លោក ជូ ឃី មេ​ភូមិ​ថ្នល់ទទឹង បានឱ្យ​ដឹង​ថា កុមា​រា​រង​គ្រោះ​មាន ឈ្មោះ រ៉េ​ត សម្បត្តិ អាយុ​១៣​ឆ្នាំ ជា​សិស្ស​ថ្នាក់​ទី​៤ រស់នៅ​ភូមិ​ទួល ឃុំ​សាលា​ក្រៅ ស្រុក​សាលា​ក្រៅ ជា​កូនពៅ​ទី​៦ មាន​បងប្រុស​២​នាក់ បងស្រី​៣​នាក់ ឪពុក ឈ្មោះ ទឹង រ៉េ​ត អាយុ​៥២​ឆ្នាំ ម្តាយ ឈ្មោះ ហ៊ុន ទី អាយុ​៥២​ឆ្នាំ ជា​កសិករ រស់នៅ​ភូមិ​ខាងលើ ។

ប្រភព​បន្ត​ទៀត​ថា មុន​ពេល​កើតហេតុ ឪពុក​កុមា​រា​រង​គ្រោះ បាន​ប្រើ​កូន​របស់​ខ្លួន​រួម​ជាមួយនឹង​មិត្តភក្តិ​ពីរ​នាក់​ទៀត​ឱ្យ​ដើរទៅ​ស្រាយ​ខ្សែ​គោ​ដែល​ចងឱ្យ​ស៊ី​ស្មៅ​នៅ​ចំងាយ​ពី​ខ្ទម​ចាំចម្ការ​ប្រហែល​៥០​ម៉ែត្រ ឱ្យ​ដឹក​យក​ទៅ​ចង​នៅ​កន្លែង​ផ្សេង លុះ​ពួក​គេ​ដើរ​បែក​ពី​គ្នា​ច​ង្ងាយ​ប្រហែល​២០​ម៉ែត្រ ស្រាប់តែ​មេឃ​ស្រអាប់​ក្លាយទៅជា​ភ្លៀងរលឹម​ស្រិច​ៗ ហើយ​បង្ក​ទៅ​ជា​រន្ទះបាញ់​ចំ​កុមា​រា​រង​គ្រោះ បណ្តាល​ឱ្យ​បាក់​ក ខ្លោច​ពេញ​ខ្លួន ស្លាប់​ភ្លាម​ៗ​តែ​ម្តង ។

ក្រោយ​ពេល​កើតហេតុ​កុមា​រា​រង​គ្រោះ ត្រូវ​ឪពុក​ម្តាយ​យក​ទៅ​រៀបចំ​ធ្វើបុណ្យ​តាម​ប្រពៃណី ហើយ​កាលពី​ព្រឹក​ថ្ងៃ​ទី​០៣ ខែមេសា ឆ្នាំ​២០១៦ កន្លង​ទៅ​នេះ ខាង​សាខា​កាកបាទក្រហម​ខេត្ត​ប៉ៃលិន បាន​នាំ​យក​អំណោយ​ជា​ថវិកា​ចំនួន​១​លាន​រៀល អង្ករ​១០០​គីឡូក្រាម ទឹក​សុទ្ធ​១០​យួរ ដើម្បី​ចូលរួម​រំលែក​ទុក្ខ​ដ៏​ក្រៀមក្រំ​ជាមួយ​ក្រុម​គ្រួសារ​ផង​ដែរ ។

សូម​បញ្ជាក់​ផង​ដែរ​ថា នេះ​ជា​លើក​ទី​២​ហើយ ដែល​ត្រូវ​រន្ទះបាញ់​ស្លាប់ ដោយ​កាលពី​វេលា​ម៉ោង​៤​និង​៤០​នាទី​រសៀល​ថ្ងៃ​ទី​១១ ខែមីនា កន្លង​ទៅ ស្ថិត​នៅ​ចំណុច​កន្លែង​ចិញ្ច្រាំ​ដំឡូង​មី ក្នុងភូមិ​អូរ​ទឹក​ភ្លាវ ឃុំ​អូ​រង​ណ្តូ​ង ស្រុក​សាលា​ក្រៅ បុរស​ម្នាក់​ក៏​បាន​ស្លាប់​ភ្លាម​ៗ​នៅ​នឹង​កន្លែង ហើយ​ម្នាក់​ទៀត​ធ្លាក់​ពីលើ​ម៉ូតូ​រង​របួសធ្ងន់​សន្លប់ ត្រូវ​បងប្អូន ដឹក​តាម​រថយន្ត​បញ្ជូន​ទៅ​សង្គ្រោះ​នៅ​មន្ទីរពេទ្យ​បង្អែក​ខេត្ត ខណៈ​ជន​រង​គ្រោះ​អង្គុយ​លើ​ម៉ូតូ​ចត​ឈប់​ជ្រក​ភ្លៀង ពេល​មេឃ​កំពុង​ភ្លៀងរលឹម​ស្រិច​ៗ លាយឡំ​ដោយ​ខ្យល់ ក៏​ត្រូវ​រន្ទះបាញ់​ចំ​ស្លាប់​ម្នាក់ និង​រង​របួសធ្ងន់​ម្នាក់​តែ​ម្តង ។

ជន​រង​គ្រោះ​ដែល​ស្លាប់ ឈ្មោះ យ៉ា​ន់ យ៉ា​ត ភេទ​ប្រុស អាយុ​៣៦​ឆ្នាំ និង​ម្នាក់​ទៀត​រង​របួសធ្ងន់ ឈ្មោះ រឿ​ន ណា​រិ​ទ្ធ ភេទ​ប្រុស អាយុ​២៦​ឆ្នាំ ត្រូវជា​បងប្អូន​នឹង​គ្នា ជា​កម្មករ​ចិញ្ច្រាំ​ដំឡូង​មី មាន​ទីលំនៅ​ក្នុងភូមិ​កោះ​កែវ ឃុំ​សាលា​ក្រៅ ស្រុក​សាលា​ក្រៅ ៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ដោយសារចង់បាន ទឹកភ្លៀង​​ ប្រើប្រាស់ ធ្វើឲ្យស្រ្តីម្នាក់ស្លាប់ និងរងរបួសធ្ងន់ នៅកំពត

ដោយសារចង់បាន ទឹកភ្លៀង​​ ប្រើប្រាស់ ធ្វើឲ្យស្រ្តីម្នាក់ស្លាប់ និងរងរបួសធ្ងន់ នៅកំពត

ដោយសារចង់បាន ទឹកភ្លៀង​​ ប្រើប្រាស់ ធ្វើឲ្យស្រ្តីម្នាក់ស្លាប់ និងរងរបួសធ្ងន់ នៅកំពត

ដោយសារចង់បាន ទឹកភ្លៀង​​ ប្រើប្រាស់ ធ្វើឲ្យស្រ្តីម្នាក់ស្លាប់ និងរងរបួសធ្ងន់ នៅកំពត