Update: ជនដៃដល់អារ-ក សម្លាប់មន្រ្តីឥណទាន នៃគ្រឹះស្ថានមីក្រូ ហិរញ្ញវត្ថុ «អម្រឹត» ត្រូវសមត្ថកិច្ច ចាប់បានហើយ

(កំពត)៖ ស្នងការនគរបាលខេត្តកំពត លោកឧត្តមសេនីយ៍ត្រី ម៉ៅ ច័ន្ទមធុរិទ្ធ បានថ្លែងប្រាប់អង្គភាព Fresh News នៅរសៀលថ្ងៃទី១០ ខែឧសភា ឆ្នាំ២០១៦នេះថា កម្លាំងនគរបាលរបស់លោក បានធ្វើការឡោមព័ទ្ធ និងឈានទៅដល់ការចាប់ខ្លួន ជនដៃដល់ដែលបានអារ-កសម្លាប់ មន្រ្តីឥណទាននៃគ្រឹះស្ថានមីក្រូហិរញ្ញវត្ថុ «អម្រឹត» ហើយស្ថិតនៅស្ថិតក្នុងឃុំត្រមែង ស្រុកឈូក ខេត្តកំពត។

សម្រាប់មូលហេតុពិតប្រាកដនោះ ត្រូវបានលោកស្នងការ មិនទាន់អាចបញ្ជាក់លម្អិតបាននៅឡើយទេ ដោយរង់ចាំការសួរនាំបន្តទៀត បើទោះសេចក្តីរាយការណ៍ជាជំហានដំបូងថា អំពើឃាតកម្មនេះអាចកើតចេញ ពីរឿងប្រច័ន្ធក៏ដោយនោះ។ បើតាមលោកស្នងការ ការចាប់ខ្លួនជនដៃដល់រូបនេះ បានធ្វើឡើងដោយមានការប្រើគ្រាប់បែកផ្សែងផងដែរ។

សូមបញ្ជាក់ថា មន្ត្រីឥណទាននៃគ្រឹះស្ថានមីក្រូហិរញ្ញវត្ថុ «អម្រឹត» ម្នាក់ត្រូវបានបុរសជាម្ចាស់ផ្ទះម្នាក់ ហៅឲ្យចូលទៅក្នុងផ្ទះ ស្ថិតក្នុងឃុំត្រមែង ស្រុកឈូក ខេត្តកំពត នៅវេលាម៉ោង ១២៖៥០នាទី ថ្ងៃត្រង់ថ្ងៃទី១០ ខែឧសភានេះ ហើយក៏ចាប់អារ.កស្លាប់ យ៉ាងអាណោចអាធ័ម។ ស្នងការនគរបាលខេត្តកំពត លោកឧត្តមសេនីយ៍ ម៉ៅ ច័ន្ទមធុរិទ្ធ បានបញ្ជាក់ឲ្យដឹងថា ជនសង្ស័យ ឈ្មោះ ប្រុក វិត ភេទប្រុស អាយុ៤៧ឆ្នាំ ដោយឡែកជនរងគ្រោះ ឈ្មោះ ជឹម បុរិន ភេទប្រុស អាយុ២៦ឆ្នាំ មុខរបរបុគ្គលិកមីក្រូហិរញ្ញវត្ថុ អម្រឹត សាខាស្រុកឈូក មានទីលំនៅឃុំវត្តអង្គខាងជើង ស្រុកបន្ទាយមាស ខេត្តកំពត។

ប្រជាពលរដ្ឋបានឲ្យដឹងថា មុនពេលកើតហេតុ ជនសង្ស័យជាមនុស្សវិកលចរិត នៅផ្ទះកើតហេតុខាងលើបានហៅមន្ត្រី ឥណទាននោះ មកជាបន្ទាន់នៅផ្ទះរបស់គាត់ ហើយពេលមន្ត្រីនោះមកដល់ ក៏មានឈ្លោះប្រកែកប្រតាយប្រតប់គ្នារហូតដល់ម្ចាស់ផ្ទះ នោះអារ.កសម្លាប់ មន្ត្រីនោះតែម្ដង៕

ប្រភព ៖

កំណត់ហេតុខ្មែរឡូត៖

គូសបញ្ជាក់ផងដែរថា ពលរដ្ឋនៅឃុំត្រមែង បានរាយការណ៍មកថា  នៅក្នុងផ្ទះ ប្រជាពលរដ្ឋ បន្ទាប់ពីចូលទៅប្រមូលប្រាក់សន្សំប្រចាំថ្ងៃ នៅម៉ោងប្រមាណ១២៖៥០នាទី ថ្ងៃទី១០ ខែឧសភា ឆ្នាំ២០១៦នេះ ស្ថិតនៅក្នុងផ្ទះមួយកន្លែង ឃុំត្រមែង ស្រុកឈូក។

ប្រជាពលរដ្ឋនៅក្បែរកន្លែងកើតហេតុ បានឲ្យដឹងថា នៅមុនពេលកើតហេតុ ប្រជាពលរដ្ឋម្នាក់ជាមនុស្សវិកលចរិត នៅផ្ទះកើតហេតុ​ខាងលើ បានហៅមន្ត្រីឥណទានអម្រឹត មកជាបន្ទាន់នៅផ្ទះរបស់គាត់ ហើយពេលមន្ត្រីនោះមកដល់ ក៏មានឈ្លោះប្រកែក​ប្រតាយប្រតប់គ្នា រហូតដល់ម្ចាស់ផ្ទះនោះអារកសម្លាប់តែម្ដង។

ពាក់ព័ន្ធនិងករណីនេះដែរ បើតាមបុគ្គលិករបស់គ្រឺះស្ថានមីក្រូហិរញ្ញវត្ថុ អម្រឹត បានបញ្ជាក់ថា នៅមុនពេលកើតហេតុជនរងគ្រោះ ត្រូវបានបុរសដែលជាម្ចាស់ផ្ទះទូរស័ព្ទឲ្យទៅយកប្រាក់សន្សំប្រចាំថ្ងៃ ដែលកូនស្រីគាត់ជាអ្នកសន្សំ ប៉ុន្តែនៅពេលបុគ្គលិករូបនេះទៅដល់ កូនស្រីរបស់គាត់មិននៅផ្ទះ បានជូនម្តាយទៅពេទ្យ ហើយស្រាប់តែភ្លាមនោះ បុរសដែលជាម្ចាស់ផ្ទះ មិនដឹងជាមានរឿងអ្វី បានវាយជនរងគ្រោះបណ្តាលឲ្យដួល រួចអូសទាញយកទៅក្នុងផ្ទះ អារកសម្លាប់តែម្តង។

ក្រោយហេតុការណ៍នេះ កម្លាំងសមត្ថកិច្ច ជាច្រើននាក់ បានធ្វើការឡោមព័ទ្ធផ្ទះនោះ ឯជនល្មើស បានឡើង ទៅលើពិតានទំនង ជាចង់ចងកសម្លាប់ខ្លួន៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

Update: ជនដៃដល់អារ-ក សម្លាប់មន្រ្តីឥណទាន នៃគ្រឹះស្ថានមីក្រូ ហិរញ្ញវត្ថុ «អម្រឹត» ត្រូវសមត្ថកិច្ច ចាប់បានហើយ

Update: ជនដៃដល់អារ-ក សម្លាប់មន្រ្តីឥណទាន នៃគ្រឹះស្ថានមីក្រូ ហិរញ្ញវត្ថុ «អម្រឹត» ត្រូវសមត្ថកិច្ច ចាប់បានហើយ

Update: ជនដៃដល់អារ-ក សម្លាប់មន្រ្តីឥណទាន នៃគ្រឹះស្ថានមីក្រូ ហិរញ្ញវត្ថុ «អម្រឹត» ត្រូវសមត្ថកិច្ច ចាប់បានហើយ

Update: ជនដៃដល់អារ-ក សម្លាប់មន្រ្តីឥណទាន នៃគ្រឹះស្ថានមីក្រូ ហិរញ្ញវត្ថុ «អម្រឹត» ត្រូវសមត្ថកិច្ច ចាប់បានហើយ

Update: ជនដៃដល់អារ-ក សម្លាប់មន្រ្តីឥណទាន នៃគ្រឹះស្ថានមីក្រូ ហិរញ្ញវត្ថុ «អម្រឹត» ត្រូវសមត្ថកិច្ច ចាប់បានហើយ

Update: ជនដៃដល់អារ-ក សម្លាប់មន្រ្តីឥណទាន នៃគ្រឹះស្ថានមីក្រូ ហិរញ្ញវត្ថុ «អម្រឹត» ត្រូវសមត្ថកិច្ច ចាប់បានហើយ

Update: ជនដៃដល់អារ-ក សម្លាប់មន្រ្តីឥណទាន នៃគ្រឹះស្ថានមីក្រូ ហិរញ្ញវត្ថុ «អម្រឹត» ត្រូវសមត្ថកិច្ច ចាប់បានហើយ